乜都種吓嘅花園仔

日日都有<士多啤梨>摘架 -- 少啲啫!

成日見到有啲壇友種埋曬啲無謂嘢就好笑嘞!
種黎都無結果嘅, 最後都係無言的結局啫!
有時從種植都可以睇出個人嘅....嘻嘻!

嗱, 呢幾盤咪無謂嘢囉! 朋友攞黎嘅名貴品種喎....
我諗住用佢啲葉架咋!

<蝦夷蔥>開花囉!

缸種嘅<無花果>膨大中....

使乜咁麻煩吖, 種<番薯葉>黎食插枝咪OK啦!

你睇, <鷹爪番薯葉>插咗幾日就生生猛猛囉!

回復 花園仔 的帖子


係就係, 不過真係包得好辛苦架!
===========================

老師,
第二同第三張棵蕃茄係咪已經呈衰老狀喇?因為我見啲葉比較零落同莖部都無咁油綠綠.

我手頭上既Black Cherry而家就好似你呢兩張相咁,上面啲葉乾枯, 啲果就越出越細粒,成棵啲色水綠中帶黃好似唔生唔死,我剪走黃琴琴既葉攪到佢好似光禿禿咁(反而近泥面少量葉比較青翠),  唔知咁做岩唔岩呢? 怕唔怕無光合作用架?
佢仲有好多青色蕃茄仔吊住係到,其實我而家係咪應該剪走晒啲細粒既等營養去晒大粒到?會唔會啲大既等唔切轉紅棵野已經ham左? 點樣情況決定棵蕃茄可以唱國歌?

唔該老師,  晚安!

露地嘅<馬鈴薯>結咗好多薯仔囉!

回復 muitau 的帖子

回復 花園仔 的帖子
15268#

係就係, 不過真係包得好辛苦架!
===========================

老師,
第二同第三張棵蕃茄係咪已經呈衰老狀喇?因為我見啲葉比較零落同莖部都無咁油綠綠.

我手頭上既Black Cherry而家就好似你呢兩張相咁,上面啲葉乾枯, 啲果就越出越細粒,成棵啲色水綠中帶黃好似唔生唔死,我剪走黃琴琴既葉攪到佢好似光禿禿咁(反而近泥面少量葉比較青翠),  唔知咁做岩唔岩呢? 怕唔怕無光合作用架?
佢仲有好多青色蕃茄仔吊住係到,其實我而家係咪應該剪走晒啲細粒既等營養去晒大粒到?會唔會啲大既等唔切轉紅棵野已經ham左? 點樣情況決定棵蕃茄可以唱國歌?

唔該老師,  晚安!
=======================================

妹頭好!
其實嗰幾棵蕃茄開始進入衰退期嘞,
佢地嘅葉係由暗位及密集處開始枯黃嘅, 所以被剪到光禿禿囉,
但頂上嘅向陽位仍繼續生長緊架, 仲開花結果中嘅,
不過都係唱緊夕陽之歌架罅, 長出嘅果唔會好大架!

你嗰棵蕃茄啲葉開始乾枯及啲果就越出越細粒就話俾你知佢老囉!
腳底啲葉仲青翠可能佢係比較後期生出黎嘅葉,
或者佢距離根部近啲容易吸收養份卦!
剪走黃老殘幾時都冇錯嘅! 黃岑岑嘅葉點做到光合作用啵!

至於將眾多茄茄剪緊啲去將養份留俾主要嘅對象度都係可行架!
當佢知道棵嘢就黎唔掂時, 夠大嘅茄茄會好快轉紅嘅,
當然成果梗係差啲啦, 唔靚仔囉 -- 顏色暗啞無光澤, 果訂枯竭....

棵嘢冇曬綠意, 啲橫丫唔再增大, 主枝乾桔咪收得啦,
否則仲有棑捱架, 我有一盤牛茄而家仲掛住幾個果體度吽....

只要棵嘢仲有綠意, 結緊嘅茄茄仲可以得到養份供應繼續膨大及完熟架!

thank you.... i think i won't use chinese maybe better, I have tried to delete but I can't find the delete button, I even tried to delete all the words... I am sorry if this irritate all of you here, this is not what I intended to do, I just want to learn how to grow tomatoes Thank you

回復 annchloe 的帖子

thank you.... i think i won't use chinese maybe better, I have tried to delete but I can't find the delete button, I even tried to delete all the words... I am sorry if this irritate all of you here, this is not what I intended to do, I just want to learn how to grow tomatoes Thank you
========================================

annchloe 及大家好!

又唔使咁大反應嘅! 跟本上體呢度一切都好易搞掂嘅!
前題係做乜嘢都要清楚明白, 唔明就問, 呢度啲壇友都好樂意幫你格!

本帖因為有好多朋友純係閱覽者, 其中包括我自己嘅朋友, 佢地有啲唔識英文架!
既然呢個係中文網站就應該尊重以中文為先, 唔識打中文或其他問題體現時根本係好容易解决嘅!

除咗我嘅帖子好多壇友都係中英皆宜嘅, 就算以英文發帖都冇問題架, 呢度都有好多英文人嘅!
我個人認為唔識就問就學, 有乜咁難啵, 社區中心啲阿公阿婆佢地學咗冇幾耐就會中文上網嘞!

如果有用心睇我嘅帖就知我鍾意帖子乾淨企理有內容, 唔係吹水帖黎嘅,
我樂意同大家分享種植經驗同樂趣, 但此帖絕對唔係教育帖黎嘅,
點擊數字充份反影出好多朋友每天默默追帖, 當然包括我啲好朋友們,
有啲朋友睇曬本帖先至問嘢或唔記得後發問, 我幾時都會詳細同佢地分享格!

我只係體本帖同大家互動咋, 唔會有其他動作嘅! 主要係冇咁多時間應付, 希望大家理解啦!

今日體另帖回複咗:
=================================
回復 priscissie 的帖子

花園仔老師, 早!!
我用左2個月刨哂貴帖, 真係得著好多
而家洛神花要移盆定植, 想你比D意見...
13"濶, 13"深既盆夠唔夠呢, 係咪應該再大D同深D呢??
=================================

priscissie 及大家好!

剛睇到你嘅帖子, 我亦剛巧今日傍晚要將两棵<洛神花>定植體露地呢!
13"濶, 13"深既盆夠唔夠?  都可以嘅, 舊年我都係用咁大個盤啫!
都好成功吖! 摘咗好多好多果格!
係咪應該再大D同深D呢?? 噉講, 有條件梗係大啲好啦! 佢好大棵架!

用細盤要注意淋水呀!
棵嘢細時唔好太濕, 等佢生多啲根, 及唔好吽爛根!
大棵啲枝葉茂盛就要保持泥土濕潤嘞,
缺水時陽光一曬枝軟葉耷, 兀翻起就好辛苦,
試多幾次棵嘢損耗大就弱嘞, 隨時起唔翻身架!

<洛神花>好易種嘅又靚又好食有益....俾心機啦!

將要定植體露地嘅<洛神花>苗苗

回復 花園仔 的帖子

Thank you... I am not very good in Chinese typing and our computers at home has no chinese, so I just kinda change the input and try and dunno what happened.
I just want to learn how to grow tomatoes in hong kong indoor, cos it's very different from UK which we can simply transplant them to our garden or greenhouse, also soil, fertilizers, etc I want to learn the proper chinese name so I signed in as member and hope to learn. I did apologize for the messy post and ask my friend to delete them already.
Well, thank you for explaining ~

大家好!

呢盤<野葛菜>原本係舊年種過後轉種過<火箭菜>嘅,
當收曬啲<火箭菜>後留體泥土內嘅<野葛菜>就萌發出黎嘞!

同樣留體泥土內嘅種籽萌發對正品嘅<白花蛇舌草>就似乎艱難咗啲囉!
體盤嘅仲可以生長得似模似樣, 灑播體地上嘅而家仲係唔見影啵....
可想而知點解唔見有新鮮正品嘅<白花蛇舌草>賣洛!

<泰國青梗通菜>摘食後啲橫丫爸爸聲標出黎!

剛剛體隔離估花花....

<沙葛>都係豆科植物黎架, 你睇佢生長得幾靚!

睇到文哥仔嘅帖, 好似話佢好唔得閒啵!

噉佢啲<青瓜>想靚仔啲都難嘞!
因為今早我為<青瓜>授粉時一陣間就捉咗好多<果蠅>囉!

嘩! 好多係滿肚蟲卵嘅雌蠅添架!





報告Alison,
係用電蚊拍捉嘅!
第一防線已將大部份咸濕雄蠅引咗入果蠅樽嘞!
呢啲係漏網之魚黎嘅, 所以佔極大數量係雌蠅黎囉!

可唔可怕? 睇吓咪知啦:

想<青瓜>好食又靚仔梗係要種Y牌<壽司青瓜>啦!
一般靚靚嘅<壽司青瓜>體街市係好少有得賣嘅!

唔落多啲工夫點會有好結果呢! 所以咪....

膨大緊嘅Y牌<壽司青瓜>

回復 花園仔 的帖子

好多蕃茄呀!!!!!!

回復 花園仔 的帖子

青瓜都要包呀?   D袋邊度買?