乜都種吓嘅花園仔

大家好!

雖然天氣回暖但過幾日又凍翻嘞!
睇黎擺放體呢度嘅植物要放多幾日囉!

最凍嗰晚盤<無花果>好得人驚呀!
原因係第朝太陽一出成棵嘢啲枝葉耷曬軟荏荏....
見此情況即將佢搬到溫暖地方, 並將已彎腰駝背嘅枝條拉翻高搏好落竹枝度....
好彩過咗幾個鐘頭後, 佢啲枝葉回復原狀, 得出結果係棵嘢<失溫>!
以後氣溫低過攝氏10度一定要將佢搬到暖啲嘅地方!

有壇友問木瓜甩花跌果問題, 結咗果都跌....
原因一般人種木瓜用嘅盤太細, 泥又少, 木瓜啲根好多架!
就算種地又俾唔夠肥佢, 樹幹唔夠粗壯, 開嘅花瘦弱!
同時好多木瓜樹初花時比較稀疏及弱花架,
到樹身長壯碩後跟住啲花就又多又大, 順利結果嘞!

種體中龍缸種嘅木瓜, 你睇最下邊嘅瓜瓜仔都係唔得格!



種體花槽嘅木瓜, 因為泥少根多, 佢生長得唔好, 樹幹瘦弱,
啲花咪又係奀之之囉, 谷谷佢遲啲就會好架罅!



種體薄泥嘅地方, 木瓜初花都係好稀疏嘅, 結得幾個瓜瓜都算好架罅!



就算種體普通地上嘅木瓜都因為天氣寒冷不利生長,
樹幹一樣唔夠粗壯, 初花亦係稀疏細朵,
唔緊要架, 天氣暖翻谷谷佢, 等佢樹幹粗壯後一切就完全唔同嘞!

擋得住第一個寒流嘅<沙律生菜>

<七彩靚椒>不停開花結果!

<益母草>現況:

晚安!

回復 花園仔 的帖子

最凍嗰晚盤<無花果>好得人驚呀!
原因係第朝太陽一出成棵嘢啲枝葉耷曬軟荏荏....
見此情況即將佢搬到溫暖地方, 並將已彎腰駝背嘅枝條拉翻高用搏好落竹枝度....
好彩過咗幾個鐘頭後, 佢啲枝葉回復原狀, 得出結果係棵嘢<失溫>!
以後氣溫低過攝氏10度一定要將佢搬到暖啲嘅地方!
====================================================
老師: 最凍嗰2日, 我既無花果, 木瓜, 蕃茄, 茄子都有搬哂入屋
黎緊幾日又要做同一動作, 希望大家既農作物都安然渡過

回復 huen923 的帖子

老師: 最凍嗰2日, 我既無花果, 木瓜, 蕃茄, 茄子都有搬哂入屋
黎緊幾日又要做同一動作, 希望大家既農作物都安然渡過
=======================================
huen923及大家好!

植物保溫動作真係好有用架, 有條件梗係要做好佢囉!
希望呢次大家都做好防凍工作啲植物平平安安啦!

盤種嘅<泰國橙色中型尖椒>上次寒流搬咗位之後都冇郁過嘞,
諗住過埋呢幾日先搬回原位!
而家啲椒椒成熟緊囉!

好多壇友嘅<泰國蕃茄>進入收成期囉!
究竟新鮮完熟嘅茄茄係點樣至合格呢,
而家上两張今年頭嘅圖片大家參考吓啦!

請睇吓圖像實際大小及顏色與真品相同嘅感覺啦!

記得睇圖時請順手體張圖上點擊一下,
再體右上角按一下<實際大小>

同樣, 好多壇友嘅<乜乜乜椒>應該進入開花結果期嘞,
有啲仲成熟緊添! 因為大家都差唔多同一時期(9月上旬)種嘅!

而家我嘅<乜乜乜椒>係噉嘅, 你嗰啲點亞?

實際尺寸圖黎架! -- 記得睇圖時請順手體張圖上點擊一下,
再體右上角按一下<實際大小>放大啲清楚好多架!

花園仔 發表於 2009-1-21 23:29
係亞, 呢隻荷蘭豆好正架, 花靚豆多又好食, 我留咗好多種籽嘞!

實在追極都追唔晒D帖子,
而家睇到2009-01-21,
老師D荷蘭豆花花好靚ar,
我都好想種下ar,
唔知老師而家有冇種子呢 ?
如果可以比d我種下就好囉
另外想問下超甜粟係咪有種子買架?

花園仔老師

祝你聖誕快樂~新年進步~

回復 BanbieChan 的帖子

斑比及大家晚上好!

祝大家 -- 聖誕快樂,新年進步!

聖誕快樂呀!!!

回復 bbecky 的帖子

實在追極都追唔晒D帖子,
而家睇到2009-01-21,
老師D荷蘭豆花花好靚ar,
我都好想種下ar,
唔知老師而家有冇種子呢 ?
如果可以比d我種下就好囉  
另外想問下超甜粟係咪有種子買架?
=========================

慢慢睇啦!
我早前種嘅<荷蘭豆>唔係咁得呢, 原因係<白粉病>....
冇種籽囉, <超甜粟>種籽<衫兄>及好多地方都有得賣啦!

天氣迅速轉冷, 仲夾帶寒雨添....

呢次一早做好防寒工作, 而家可以放心囉!

收咗啲椒椒及蘿蔔!

哈哈, 仲挖咗棵<竹芋>用黎煲湯!

<杧果樹>開始開花囉, 希望佢頂得住寒冷天氣順利結果啦!

<羅馬生菜>好食如果用盤種咪由底剝莢食上去囉!