本帖最後由 花園仔 於 2010-12-23 17:43 編輯
回復 13809# BTG_CARMEN
好...知道...另外我想請教一下....我棵木瓜結左好多果....但d果就好似唔長大咁....如是者結左成個幾月...
終於上個禮拜我同佢疏左一半果同落鉀肥...想請老師睇下佢會唔會仍然太多果呢??
p.s.:老師...你d菜種得好靚...不過我覺得生菜好難種...因為我已經死左二盤(移苗後)...而家種緊第三次苗苗...
=============================================
你好!
睇圖你嘅木瓜疏果後好整齊靚女啵!
體商業種植疏果係好平常嘅做法, 但小量種植就好少人咁好心機去疏果架嘞!
當然, 原則上疏果動作會令留底嘅瓜瓜得到更多空間及養份, 但亦要體肥料供應方面配合至得嘅!
鉀肥會令花果數量及質素提升, 但其他肥份亦唔好或缺至得架!
呢幾年所種嘅木瓜結果方面無論體質及量上都好滿意,
我係採用自由長果方式, 無疏果架, 唔捨得咪由得佢自然結果囉,
反而我鍾意先谷大棵樹先, 注重樹幹粗壯令其養份輸送暢順平均,
由樹苗開始到開花結果水份及肥料都會充足供應嘅,
平時除咗施以均效肥外仲會體初見花苞時加啲鉀肥架,
體過程中亦會體樹冠範圍內埋啲魚雜嘅,
落咁多肥會唔會肥傷架? 梗係唔會啦, 只要濃肥係加體遠距樹幹嘅地方就唔怕啦!
我呢棵木瓜一年都未夠就長滿果嘞, 下位嗰啲成10-12吋長架罅, 等緊佢自然熟,
上邊瓜瓜亦開始膨大嘞, 可惜進入冬季生長點都緩慢啲嘅....
|