乜都種吓嘅花園仔

你好!
翠玉瓜係要有公花乸花先可以進行授粉動作嘅!
有蜜蜂同佢授粉咪唔需要人工受粉囉!

茄子係自花授粉嘅, 所以就唔需要人工授粉嘞!
==========================

唔該花老師~
老師的飛碟辣椒好靚~~請問可以係邊度買到呢?

9564# 花園仔
唔使灰心啵, 再種過啦!
我兄日會寄D種籽俾你喎!
=========================
先行謝過老師! 老師梗係想我分派俾其他園友同埋發定苗俾積媽定喇

你好!
唔緊要啦, 種野失敗咗嘅泥仲可以用番架, 溝乜野要睇你繼續種邊種植物啦,
每種植物對泥土嘅要求都唔同, 反而營養方面可以用各種肥料黎補充翻架!

floragard呢隻德國花泥我多用體種花方面, 蔬菜類多用於育苗及泥土改善幫補用,
好似近棑嘅<小麥草>培植, 我就用佢作遮蔽物嘞!(5mm厚冚種籽面)

效果幾好吖:花園仔 發表於 2009-10-27 22:04

老師，我盆小麥草勁多蚊滋，點算呀 >.<

傻花靚啊！add6icon

9582# 小寶

小寶及大家晚上好!
種籽寄出咗囉, 點樣處理, 你自己决定好嘞! 唔該曬!

留種籽用嘅<洛神花>紅卜卜架

9581# alice
唔該花老師~
老師的飛碟辣椒好靚~~請問可以係邊度買到呢?
===========================

你好!
我D<飛碟辣椒>種籽係朋友送嘅, 唔清楚邊度有得賣喎!
今日寄咗D種籽俾<小寶>囉!

9580# LLGG
園藝方面仲有好多野要學習, 多謝花園仔老師既解答~
=================================
你好!
呢個唔係教育帖, 我唔係樣樣都識架, 但分享吓種植經驗幾時都得啦!

花槽棵<夜香花>俾我提早修剪咗囉!

9583# 貝貝
老師，我盆小麥草勁多蚊滋，點算呀 >.<
========================

你好!
花泥及培養土種野特別多蚊滋架!
<小麥草>如果種得太密又係好惹蚊滋嘅!

<小麥草>唔同<水稻>, 佢比較耐旱,
種植淋水泥土底層濕潤, 盡量令泥土表面乾爽, 亦會少D蚊滋!

播種籽做足基肥, 日後施肥可以少D亦都會少D蚊滋架!

9584# alilovebyj
傻花靚啊！
==========

Alison好!
韮蘭(風雨蘭)開花多數會落雨架,
點知佢會咁嘅, 呵呵!

不如睇吓<鳳眼果>花花仲好啦!

黎食木瓜啦!
雖然唔係乜野名種, 但樹上熟真係好甜架! 嘻嘻!

9588# 花園仔

花園仔老師, 關於蚊滋的問題我真係受盡困擾。我無論在家的窗台、天台、露台種野, 無論層樓幾高,  不論係觀賞花草樹木或農作物, 一用有機肥做基肥或追肥, 包括已熟腐的粒狀肥, 都好惹蚊滋, 一有蚊滋就梗有紅蜘蛛, 大規模殺滅一次後不久又來過, 唉, 真係唔知點搞, 我種得唔密, 已經無積水, 無淋水過量, 把地方打理得好清潔, 但總係搞唔掂d蚊滋。

仲有, 上兩星期我噴咗一次濃少少的綠油油, 諗住試下睇下得唔得, 點知情況反而好似嚴重咗, 最後要用bio kill 噴先得。

我都試過用黃色昆蟲膠板, 但始終治標不治本, 老師, 有無辦法呀?

琴日人工授粉嘅<翠玉瓜>得咗囉!

9583# 貝貝

你好!
花泥及培養土種野特別多蚊滋架!
如果種得太密又係好惹蚊滋嘅!

唔同, 佢比較耐旱,
種植淋水泥土底層濕潤, 盡量令泥土表面乾爽 ...
花園仔 發表於 2009-10-28 22:19

呀, 掛住講自己情況竟然唔記得咗問, 花園仔老師你話「花泥及培養土種野特別多蚊滋」，咁係咪溝ｄ河沙呀黃花泥呀會好ｄ？　

9591# laugenroll
花園仔老師, 關於蚊滋的問題我真係受盡困擾。我無論在家的窗台、天台、露台種野, 無論層樓幾高,  不論係觀賞花草樹木或農作物, 一用有機肥做基肥或追肥, 包括已熟腐的粒狀肥, 都好惹蚊滋, 一有蚊滋就梗有紅蜘蛛, 大規模殺滅一次後不久又來過, 唉, 真係唔知點搞, 我種得唔密, 已經無積水, 無淋水過量, 把地方打理得好清潔, 但總係搞唔掂d蚊滋。

仲有, 上兩星期我噴咗一次濃少少的綠油油, 諗住試下睇下得唔得, 點知情況反而好似嚴重咗, 最後要用bio kill 噴先得。

我都試過用黃色昆蟲膠板, 但始終治標不治本, 老師, 有無辦法呀?
==========================================
呀, 掛住講自己情況竟然唔記得咗問, 花園仔老師你話「花泥及培養土種野特別多蚊滋」，咁係咪溝ｄ河沙呀黃花泥呀會好ｄ？
==========================================
你好!
感牙! 我諗用<防蟲網室+黃色昆蟲膠板>可能先會解决到你嘅問題洛!

普通泥土相對少D蚊滋架!(自己經驗)
我盤<小麥草>兄日都會加D薄薄地<普通泥>冚住面層嘅<德國花泥>架!

好快大嘅<小洋蔥頭>

呢隻靚<蔥>真係好正架 -- 又香又好食!
食過嘅老友記都讚不絕口, 嘻嘻!

蔥蔥後邊嘅菜菜

9588#  花園仔
花槽棵<夜香花>俾我提早修剪咗囉!

------------------------------------------
老師您好!
請問夜香花修剪後, 夜香花個莖頭點樣保養?

你好!
花泥及培養土種野特別多蚊滋架!
<小麥草>如果種得太密又係好惹蚊滋嘅!

<小麥草>唔同<水稻>, 佢比較耐旱,
種植淋水泥土底層濕潤, 盡量令泥土表面乾爽, 亦會少D蚊滋!

播種籽做足基肥, 日後施肥可以少D亦都會少D蚊滋架!花園仔 發表於 2009-10-28 22:19

老師中晒point 呀，我係用花泥加勁多小麥草種子呀，真係超多蚊滋 t.t

咁我盡量淋小d水，等表面乾爽d，希望減小d蚊滋啦！

謝謝你^.^

9598# peggykyw
老師您好!
請問夜香花修剪後, 夜香花個莖頭點樣保養?
===========================

Peggy及大家傍晚好!

你地唔好咁快修剪住, 聖誕節前後都可以架!

<夜香花>修剪後保持泥土濕潤就得(佢都冇乜葉洛唔使淋禁多水架!),
到佢重新出枝葉時就落氮(多)磷(少)肥谷吓棵嘢啦!
到棵嘢大咗, 見佢爆花冧時就要揾紅牛(鉀肥)幫幫佢嘞!