乜都種吓嘅花園仔

老師,
點解用側芽插種既車厘茄唔識大既????
我由種子種既蕃茄話咁快就已經大棵過佢,佢仲係原地踏步,無大到但又無死到.

5080# JicJicmom
老師早 !!!!
好一條大頭虫 !!!!!!!!!!
有朋友幫我去衫兄度問 , 衫兄介紹左 "依天得" 去對付捲葉 , 我今晚拎到就會試一下再報告架喇 ~~~
========================================================

我都試用緊<依天得>呀!
剛體蟲害版回咗個帖:
sammyzoe
老師話有機野會寫明係"有機",
但我又唔見佢有寫明喎,
就算係"苦練油"同"三益"我都見唔到佢寫住"有機",
咁點先知佢地真係有機呀?
---------------------------------------------
你好!
例如:
<三益>苦楝油
<蛇床子素>蛇床子素
<依天得>枯草芽孢杆菌
都係用天然植物源所製造嘅<環保產品> --  <低毒性天然植物殺菌劑>
銷售商話包裝註明<環保產品>及<低毒性天然植物殺菌劑>即係有機農藥.
嗰D<化學農藥>會註明<毒藥>架!!梗係冇機啦!

老師好 ! 又學多一樣野喇 ~~ 我之前響衫兄買左 "三益"黎對付蚜虫 , 叔叔都話呢d係"天然產品" 無化學野咁快見效 , 要勤力d至種到靚菜咁話喎 ~~~

5081# sandylam
老師,
點解用側芽插種既車厘茄唔識大既????
我由種子種既蕃茄話咁快就已經大棵過佢,佢仲係原地踏步,無大到但又無死到.
=============================================

呵呵! 邊個教你而你又信到十足去做D旁門左道嘅嘢丫!

正正經經咪一樣種到好嘢格 !

5083# JicJicmom
老師好 ! 又學多一樣野喇 ~~ 我之前響衫兄買左 "三益"黎對付蚜虫 , 叔叔都話呢d係"天然產品" 無化學野咁快見效 , 要勤力d至種到靚菜咁話喎 ~~~
================================================

係呀! 種植嘅樂趣係隨着經驗點點滴滴累積得黎嘅.
種種吓樣樣都掌握到就冇初初種乜都唔識咁辛苦嘞.

今朝我淋完水仲有時間摘咗D桑椹子添!

摘黎整乜嘢? 整果醬搽<手工餅乾>囉!
好唔好食? 同體文華下午茶咁上下啦!

5083# JicJicmom
老師好 ! 又學多一樣野喇 ~~ 我之前響衫兄買左 "三益"黎對付蚜虫 , 叔叔都話呢d係"天然產品" 無化學野咁快見效 , 要勤力d至種到靚菜咁話喎 ~~~
================================================ ...
花園仔 發表於 2009-3-17 14:48

好想撐大口一頭中落袋桑椹子度 ....... XD

桑子我早幾日都有買來食呀,
不過佢地熟得好快囉,
唔洗2日都熟過頭喇.

好多桑子呀,地下都好多呀!!!

大家好!

琴日傍晚種咗少少沙律生菜, 今日咁猛陽光梗要用遮光網冚冚佢啦!

今日黃昏繼續種吓美味嘅沙律生菜囉!

梗係要種啦 -- 就黎食曬丫馬!
剩翻DD乍!

5088# muitau

好多桑子呀,地下都好多呀!!!
===================

冇法啦! 高嗰D摘唔到, 熟透嗰D自然會跌落黎啦!

5088# muitau

好多桑子呀,地下都好多呀!!!
===================

冇法啦! 高嗰D摘唔到, 熟透嗰D自然會跌落黎啦!
花園仔 發表於 2009-3-17 11:18 PM

咁咪生到成地都係桑樹苗?! 正~

5093# kelvinkou
咁咪生到成地都係桑樹苗?! 正~
====================

有乜咁正丫!
由苗種起最少要幾年至有果結
插枝就話都冇咁快有果果摘嘞

芝麻菜同金色馬齒莧都正常生長中

種體池上及扁盆嘅薯仔有薯仔仔嘞 -- 都有細雞蛋咁大架!

上次挖嗰舊番薯發芽罅, 想種咪切出黎放入泥度囉!

今日又試種一種新番薯葉 -- 聽講又係好好食喎!

點解D生菜 飲晒水姐 ???

上次挖嗰舊番薯發芽罅, 想種咪切出黎放入泥度囉!
花園仔 發表於 2009-3-17 23:48

嘻~老師..用不用等佢封乾左個切口先嫁?