Mini － 農田種植之路「大比併」(最新１４／６)

見到佢地快高長大真係辛苦 d 都值得嫁！

  好厲害, 有咁多種類....

係呀，每次去個樣又唔同咗，真係希望可以快D收到我既第一次農作物呀

我D茄子好似有花咯, 你D點呀!

我D仲未有呀，生得好慢，點解你D生得咁快架

比心機呀! 奀咗D啦, 谷肥的好快就有茄子食架嘞!

你整相都好有心機wor

D字好懷舊wor

話咁快又過咗一個星期嚕，園圃種植時間差不多過了一半，
睇返兩塊田，用同一種方法開田，肥料一樣，每星期照顧一天，
灣仔田D泥係明顯比旺角田土地肥沃，植物大部份都生長良好，
有的更已有花蕾，準備開花了，到現在只是櫻桃蘿蔔種唔到，
相比之下，旺角田就太失望了，
泥土不但貧瘠，種乜死乜，害蟲問題也很嚴重，
已死植物有櫻桃蘿蔔、生菜、A菜、小唐菜、辣椒、蜜糖豆及四季豆等等，
植物也生長緩慢，就算每星期已加肥料追肥，但都好似原全停止生長咁，
乜都唔吸收，甚至好似就黎死咁，唔知大家有冇乜野辦法呢？

又係時候去片喇～～～

首先睇咗灣仔田先．．．

17/5 四季豆已有很多花，相信就快有豆豆食嚕


呢度又有花花，好開心呀，不過都有好多潛葉蟲


嗱！呢度又有喇


花花雖然得白色，但清清地，都幾靚架


17/5 桃太郎番茄都長出花蕾了，不過植株之間生長過密，所以已放棄了兩株較弱小的，等其他有位生長


大家見唔見到呀？啱啱開始長花蕾，我諗下星期一定會有好多花


17/5 甜瓜已長出很多子曼，但因為地方有限，所以將佢向高空發展，不過我估計種唔到瓜瓜出黎


甜瓜生到 " Lin" 晒，可能真係要比地佢爬


17/5 一千零一顆節瓜，仲諗住佢會死埋，點知有驚喜，希望佢快高長大啦


落咗D魚肥，谷谷佢，等佢肥D，咁就會生得快D架喇


17/5 茄子有兩顆係比較強壯，所以有較好既照顧，就係有竹仔 "燦" 腰喇




好喇，睇完灣仔田，就要睇下旺角田，旺角田已經不堪入目，只剩下零星植物

17/5 辣椒原本種咗６顆，現在只剩下２顆較似樣的，但葉黃，瘦弱，好似垂危咁


17/5 四季豆D葉大部份都好似咁，唔知出咗咩問題，請問有冇人會知呀？我估可能唔夠氮肥


17/5 從兩塊田採收既全部芫茜，差唔多都有１斤，不過好多都細細條


近睇都幾靚架 ，而且仲好香添呀


都有１斤收獲架，全部煮咗芫茜湯飲，正呀


[ 本帖最後由 Mini 於 2008-5-18 21:07 編輯 ]

四季豆,你是不是忽然落左d肥比佢呀...做成燒葉現象...?
我種d豆角就是加左d( 麩粉十骨粉十泥 混合一星期之後備用),我用花盆種ga
落左之後一日,就出現好似你ga四季豆燒葉情況在豆角下部出現,
當晚就做左d應急設施,,用大量水喉水沖走d過多養份...
好彩,家陣無什麼事,,,好快有豆角食 tim  ...

d豆角重大得好快,,,一星期內由一吋長,變左十二三吋長,,,,
睇佢吾出大得咁快...

我都唔知點解，我每星期都會用開希咗既幾種肥料混合而成既肥水比全部植物，其他植物都冇事，只有四季豆係咁樣，可能唔食肥。

今個星期六非常悶熱，在短短４個鐘裡，加上自己又肚痛，
打理園圃真係死去活來，最後都成功忍到返屋企先解決，
但已經攰到好緊要，食咗藥晚上７點幾已經訓咗。

好喇，辛苦咗半天，都有少少收獲，去片～～～

24/5 首先出場係蕃薯葉，終於可以收割少部份黎食喇，蕃薯真係好易種，而且又保障，有蕃薯葉食之餘，又可以食蕃薯。


收割咗之後變得好通爽，又可以繼續生長喇


24/5 甜瓜生得好快，但因為冇整棚比佢爬，所以D”蘇”生晒出黎，我諗真係要的起心肝，整返個棚比佢先得


24/5 青瓜終於有花喇，有公花亦有母花，以下係母花，原來好容易分架咋，又要的起心肝整個青瓜棚先得，如果唔係D青瓜唔識長高。


24/5 呢張係青瓜公花，已經剪咗嚕，等顆青瓜長得再強壯D先出花。


24/5 原來番茄係需要好多地方生長的，本來種咗６顆，但因為唔夠位生，好多都生到斜晒，所以留返３顆，等佢地慢慢生長


24/5 我仲以為呢顆係節瓜，問咗園圃D人，原來係苦瓜，苦瓜生得好快，又要整個苦瓜棚．．．．淨係買竹D錢已經要洗舊幾水......


24/5 茄子仲未有花，但已經好大顆了，唔知仲有幾耐先會有茄子食呢


24/5 四季豆有豆仔喇 ，下星期可能可以收豆，嘻！


24/5 呢度又有豆，周圍都有豆，兩塊田都種咗四季豆，我諗一定大豐收！哈！


大家見唔見有好多豆呢？




又係時候睇下旺角田喇，今次去D植物好咗好多，但片田要加石灰喇，唔可以再等，所以今次加埋石灰，再落多次魚肥谷谷佢。

24/5 從灣仔田移植過來的甜瓜，因為有位，所以就由得佢係地下爬爬喇。


24/5 唔知點解，旺角田的青瓜係比灣仔田遲落種子的，雖然未有花，但就生長得好過灣仔田。


24/5 旺角田既豆棚都有豆豆喇，唔洗幾耐，就有豆豆食。


上星期又落咗豆豆種子，起碼有１０粒，個半月後就有１０顆四季豆＋長虹豆，即係２個月後就有大堆豆食喇 ，到時可能要派街坊。


24/5 之前種咗少量莧菜，諗住冇希望，點知今個星期又有得收喎，呵呵！今晚蒜蓉炒蕃薯葉加莧菜。


[ 本帖最後由 Mini 於 2008-5-25 13:40 編輯 ]

真係唔錯, 不過你灣仔旺角兩邊走真係好辛苦呀! 厲害厲害!

原帖由 Mini 於 2008-5-18 20:30 發表
話咁快又過咗一個星期嚕，園圃種植時間差不多過了一半，
睇返兩塊田，用同一種方法開田，肥料一樣，每星期照顧一天，
灣仔田D泥係明顯比旺角田土地肥沃，植物大部份都生長良好，
有的更已有花蕾，準備開花了，到現在只是櫻桃蘿蔔種唔到，
...

好成功！！我覺得阿MINI農友。記得照顧好自己先。
如果有得派街坊，可唔可以派D比我。
我之前在文昌街園圃。種過。

24/5 我仲以為呢顆係節瓜，問咗園圃D人，原來係苦瓜，苦瓜生得好快，又要整個苦瓜棚．．．．淨係買竹D錢已經要洗舊幾水......

豆角竹,,  1 把 100 支  220 大元
散買  3 ~ 4 蚊 1 支......
(  元朗價 ) 大旗嶺......

豆角竹,最初 我都散買....
d豆角,節瓜,青瓜,苦瓜,要搭掤比佢地,,
插下又吾夠,,插下又吾夠
後尾就買一把....計落仲平左 d tim  ....
不過要有車 囉.....

[ 本帖最後由 fatinhk782827 於 2008-5-29 20:09 編輯 ]

原帖由 chuping 於 2008-5-28 15:38 發表
真係唔錯, 不過你灣仔旺角兩邊走真係好辛苦呀! 厲害厲害!

真係幾辛苦， 加上公司愈來愈忙，自己都冇乜時間做其他野，但又唔想唔理塊田，
都唔知餘下３個月點算．．．．

原帖由 singsingtree 於 2008-5-29 19:13 發表

好成功！！我覺得阿MINI農友。記得照顧好自己先。
如果有得派街坊，可唔可以派D比我。
我之前在文昌街園圃。種過。

多謝大家關心，原來自己一個人既力量真係有限，應該按自己能力許可而做，
我希望自己支持得住，收田時都仲有少少收成，唔洗搞咗咁耐都係得個吉

原帖由 fatinhk782827 於 2008-5-29 20:08 發表
24/5 我仲以為呢顆係節瓜，問咗園圃D人，原來係苦瓜，苦瓜生得好快，又要整個苦瓜棚．．．．淨係買竹D錢已經要洗舊幾水......

豆角竹,,  1 把 100 支  220 大元
散買  3 ~ 4 蚊 1 支......
(  元朗價 ) 大旗嶺......

豆角竹,最初  ...

D配件又真係幾貴，樣樣都要錢，最衰我冇車，如果唔係真係一次過買返１，２００支
唔洗次次去買又拎唔到太多，好鬼辛苦呀

劇情逢徊路轉呀，原本灣仔田既植物係種得好好的，但經過一個星期連場豪雨之後，
全部植物慘不忍睹，相反地，旺角田竟然後來居上，植物不但沒有被豪雨破壞，
還生長得欣欣向榮，原來未到最後一刻，也不知那塊田會勝出。


31/5 首先睇下其他園友既成果先啦，茄子幾靚，又大又圓，我果D冇晒希望喇



31/5 灣仔田收咗少少四季豆，有D得中指咁細條咋，陰公．．．驚落雨冇得收，所以都收埋先



31/5 灣仔田既甜瓜冇得救喇，全部有病，忍痛全部掉晒喇



31/5 苦瓜係最冇受豪雨影響既唯一一種植物，希望佢快高長大啦



31/5 青瓜好弱，又長唔大，好似就黎瓜柴咁．．．．



31/5 茄子全部都受蟲害，中間芯位爛晒，我諗都冇乜希望，已經放棄喇，由得佢自生自滅


31/5 上次收咗部份蕃薯葉食，由於太老喇，唔好食，所以對蕃薯葉冇乜興趣，依家等蕃薯收成


31/5 桃太郎番茄東歪西倒，亦都放棄喇，留咗一顆有花，睇下會唔會結到果





31/5 旺角田既四季豆，大條過灣仔田好多，亦都收咗部份豆豆今晚食，不過都唔夠半碟，最後決定整冬瓜湯豆飯，將D豆放埋落去，好味


31/5 唯一兩顆甜瓜，之前由灣仔田移植過來的，好采都生長得很好


31/5 青瓜已經長得很高了，見到有瓜BB ，如果好采的話，下星期希望有瓜瓜食啦


31/5 青椒有花蕾喇，不過成個星期都冇乜點大，唔知係咪因為落雨呢


31/5 今晚做送，有少量莧菜＆四季豆，全部做晒冬瓜湯粒飯配料，食咗嚕，好好味


真係好少量架咋，放隻蛋上去就知道有幾少喇

我覺得如果環境及能力許可, 始終都係........
係屋企既花園或天台種野比較好, 可以日日睇住,
有起事上黎第一時間救災, 康文處既園圃雖然可以一嚐種植之味,
但一星期先去打理一次, 有事時已經太遲喇, 為咗唔好浪費植物、金錢及時間,
我決定下期唔會再租園圃喇,
係屋企個露台種就算, 雖然冇園圃種得咁多野,
但起碼可以全心全意照顧花花

想問一問您 知吾知道 茄子中間d葉 一個窿..  

是什麼害蟲 或 什麼  細菌  做成  呀 ????  

因為 我種果 d 茄子  有一兩盆 都有  以上情況...  

本人都找不到 什麼 原因  導致以上 遺害出現....  

Sorry 呀, 我都唔知係咩原因, 因我都係第1次種,
希望有其他資深花友可以解答你問題啦,
唔好意思, 幫唔到你添~~

其實你有幾多瓜瓜呢?? 好似幾多下喎
我果塊有兩株玩具南瓜, 一株意大利青瓜, 四株老黃瓜, 其實都好多啦, 如果依家未係好大就要睇下好唔好減少下啦
仲有下完雨有冇下有機農藥呀, 好好多架