Mini － 農田種植之路「大比併」(最新１４／６)

相信大部份人的興趣，都係從小到大培養出來的，又或者突然因某一D事情而引發出既情意結，我想講一講我既童年故事，希望時下年青人能珍惜眼前的一切。

小時屋企窮，父母都要顧住揾食，唔得閒理我地，所以好少有玩具玩，好少可以去街，最開心既日子，就係每年既農曆新年，因為可以返鄉下探親。

我同表姊既感情最好，但因為父母都很嚴，不准我地落田玩，所以我跟表姊有時會採摘路邊既蕃薯葉，然後去魚塘捉蝦仔，跟住就會炒黎食，表姊負責炒，我就負責燒柴，整個過程雖然沒什麼大不了，但對於我黎講，真的非常開心，因此很喜歡田園生活。

人大了，仍然很喜歡田園生活，但因為家庭環境限制，屋企人不喜歡我在屋企種野，所以未能一嚐種植樂趣，結婚後，老公都不喜歡種植，但不會反對，所以已經好好了。

自從知道有園圃種植計劃，便立即申請，慶幸給我抽中兩塊田，雖然不是同一地點，要兩邊走會較辛苦，但可一嚐種植心願，這些小事難不到我的。

在未收田之前，已經興奮咗好耐，成日係香港園藝館睇番D舊Post揾資料，所以係呢度真係學到好多野，亦都好多謝花友送贈種子。差不多收田前，係屋企培苗，整定堆肥，買定晒所需用品、種子、肥料等，劃晒圖計劃應該點樣係有限既空間種植，因為想種既野實在太多了。

終於等到收田喇，哇！！超級辛苦呀，又晒啦，又多蚊，又要翻田，又要除草，又要落肥，又要移苗，又要搭棚，又要淋水，在沒有人幫忙之下，一個人搞晒兩塊田，收田果兩日真係攰到想死，如果唔係意志堅定，真係好易會放棄。


好喇，講咗咁耐，我諗大家都好眼訓，不如就去片先啦


這是第一塊田，位於灣仔區，5/4首日開田，分開咗９格，有甜瓜、小玉西瓜、櫻桃蘿蔔、圓車厘茄、桃太郎蕃茄、四季豆、青瓜、茄子、白茄子及蕃薯。



一連幾個星期都冇乜太陽，D植物好似唔識大咁，3/5影咗幾幅似樣少少既相，而且落埋肥料，希望谷谷佢。



都種咗好多顆，希望有一顆能夠成功啦，但只剩下３個月時間了，應該唔夠時間結果，因為實在生長得太慢。



小玉西瓜就好奇怪，咁細就有花，唔知係咪正常架呢？



26/4都影咗圓車厘茄相，但都唔係好大。



3/5大咗好多，已經有６－８塊葉，因此已摘頂芽，等佢地可以生腋芽發展。



26/4既四季豆，開始扒竹。



3/5已經扒到上頂喇，豆類真係生得好快，但仲未見到有花。



3/5青瓜已經出咗真葉，我非常睇好青瓜，仲要多謝花友「tobysiu」送贈種子



3/5的茄子，其實最早出世係茄子，因為一早係屋企培定苗，但就生得最慢。



同樣地，茄子都種咗幾顆，希望收成豐富。



26/4最後出場就係蕃薯喇，蕃薯真係好粗生，都唔洗點樣理佢。



3/5已經生得好密喇，生到出晒界，差唔多侵佔咗白茄子一半領土。


[ 本帖最後由 Mini 於 2008-6-14 22:03 編輯 ]

另一幅田就係位於旺角，6/4開田，未開田時係咁樣架，好多石仔，D泥又唔靚。



開田後亦都分咗９格，已經搭埋個豆棚，有四季豆、蜜糖豆、長虹豆、生菜、甜椒、辣椒、青瓜，其實開田時係計劃咗生菜同青瓜係得一格的，原本係種咗櫻桃蘿蔔及白菜，但因為太多蝴蝶蟲，食晒我D葉，所以先比多一格生菜及青瓜。



26/4長虹豆生長得好快。



26/4的蜜糖豆，多謝花友分享，古唔到最快突圍既係蜜糖豆，已經開花了。



3/5呢朵係第二朵花，第一朵花大家都諗到係點啦



3/5無錯喇，已經結果喇，哈哈！本來有幾顆蜜糖豆的，但因為首日移苗時見冇乜氣息，忍心掉咗，只剩下這一顆堅強地生長，蜜糖豆，加油呀！



3/5蜜糖豆話想黎一張大頭照，哇～～簡直靚爆鏡呀。



26/4既櫻桃蘿蔔，好慘呀，已經開始發現蟲蹤。



26/4既生菜，差唔多要疏苗了，我先發覺原來我係唔鍾意種菜，因為我好怕蟲兼唔鍾意疏苗，所以我決定唔會再種菜了，改種其他果類植物。



26/4芫茜及蔥，兩幅田既全部邊位，我都種咗芫茜及蔥。



26/4辣椒，有２顆辣椒都不敵蟲害，比蟲蟲食晒D葉，好慘呀



1/5  全田相，我見其他網友塊田D植物大得好快，但我D就好似唔識大咁，唔知點解，可能我冇落追肥，所以3/5兩塊田都已經落咗追肥，希望會快高長大啦。



3/5最後，要比大家睇下凶手，佢地實在太過份喇，食晒D葉。



問過園友，原來係蝴蝶蟲，旁邊個蝴蝶蛋，園友話D蝴蝶飛到每顆植物上生蛋，激死！



好過份呀，食飽飽就呢埋訓覺


[ 本帖最後由 Mini 於 2008-5-18 21:00 編輯 ]

好犀利喎!!!
一個人照顧兩塊田

...........

原來你是康文處大戶~

我種一塊田已經好累了，要翻泥，播種，落苗。你好叻呀！可以照顧到兩塊田。

你好利害呀 ! 兩塊田 ! 咁假期咪要灣仔 , 旺角兩邊走 ?

真係超攰架，尤其是我呢D好少戶外運動既人，就更加想死 ，不過自己鍾意，冇計啦

係呀，要兩邊走，諗起第一日，真係晒到阿媽都唔認得，仲要鬼死咁多蚊咬喎，咬到我變豬頭，咁我咪著住件風褸囉，一黎可以防蚊，二黎可以唔洗晒黑，但就搞到我D汗流到落底底，內外都濕晒呀

o殊～～～唔好咁大聲呀，唔係等陣加我租田費～～

我認得出你片田呀, 我上星期日還帶仔仔去看你的"豆花"呢! 好似有紫色又有粉紅色對嗎?

好想種呀, 請問灣仔的田是點租的, 可否給我資料, 謝謝

你是指旺角田嗎？？我上星期六去過，因為太多蟲了，所以我用咗建築用既棚架網蓋住幅田，只露出個豆棚，不過得蜜糖豆有白色花，其他就唔知有冇花了，而灣仔田就好似仲未有花，不過相隔一日，唔知其他豆有冇花呢？

你可以睇下以下網址，有好多有用既資料的
http://hkplants.com/viewthread.php?tid=8331&extra=page%3D1

咁快有收成, 好好加油呀

好勁呀! 禁多花款.

我在花園仔也整咗個花池, 不過現在只種咗矮瓜, 青紅黄椒及尖葉莧菜咋!

多謝 我會加油架喇

唔好笑我啦
同你的花園仔比，你的又大又靚既芒果，簡直無得比啦
我都覺得種有果實既植物好玩D兼有滿足感大D

唔經唔覺又一個星期了，仲有３個月園圃又到下一期，真係好唔捨得呀，
眼見自己種既植物都冇乜大進展，有的更因為害蟲問題而要放棄，
真的有點兒心灰，不過，我唔可以放棄的，因為仲有其他寶寶要我照顧。

好，又要去片喇！

[ 本帖最後由 Mini 於 2008-5-12 01:16 編輯 ]

再黎去片～～～