香香小梳打爽身粉

爽身粉, 我用左2年了, 每天都用, 有時需要戶外工作, 又成日打波, 係勁打波, d汗多到滴水, 用左這個爽身粉，無論幾大汗，都無汗味, 大家可以試下，非常易作，0 化學,低成本高效益. (我之前係咪有提過了？失憶添... )



我的爽身粉，功效和用途都幾多架，可以：
keep乾爽，吸味，去汗臭，防污，控制蟎活動，控制發霉．．．

換床舖時，我會灑些爽身粉在床肉面和枕頭面，然後才加床套．這樣可減少蟎的數量，減少呼吸道敏感機會，又有少少香味．下次換床鋪時，可以用吸塵機吸走爽身粉，或拍走佢，再灑上新粉．

配方：
粟粉：食用小梳打粉 = 1 : 1  or 4：6 + essential oil. (汗味大的人用比例較高的小梳打粉）


程序：
假設做 100g 爽身粉
１．預先幾天溝好essential oil (eo) 2ml (預2% eo ，因入粉後，散味較快）
２．準備裝粉的容器（最好是密封式）和材料 - 40g 粟粉，60g 小梳打粉
３．選幼細粉末個種，質感舒服ｄ．
４．混好粉粉
５．一滴滴慢慢滴入粉上，粉吸了eo 會糊成小團一小舊，要用匙搓散．所以要慢慢滴，唔好太快，太快會糊成一大舊粉，比較難搓散．最好密封放一晚，完成．

呢個好丫, 不過我尋日出睇過, 教用食用梳打粉去廁所污漬果隻梳打粉要$58一盒丫, 嚇死我, 都係要去一次牛頭角啦.....


jellyfishy  哈哈哈哈～～ 我平時找她, 一買就是 5kg 小梳打..... 抬到我呢 ...
你同人地SHARE? 5KG錦多, 要黎洗衫???

Cora  會長,可否分d比我呀? 14/9前我重係灣仔袍ga
cora 我都未去買, 我驚我9月15前都未得閒去丫....如果我買左就同你分啦.....

終於找到之前的帖:

梳打粉/小梳打 - 環保洗衣 + 清潔家居
http://hkplants.com/forum.php?mo ... 9562&fromuid=36

土豆貓  如果我無皂碎, 有咩可以代用呢?  發表於 19 分鐘前
-------------
我最近用晒d 皂碎, 都無落呢樣. 落多d小梳打就算了, 效果差不多~ 嘻嘻~~

土豆貓  好似之前見八王爺都係加幾滴精油落去, 我想問我部機洗5kg衫每次要落幾多呢???如果吳落精油, 齋小梳打可吳可以都去到汗味丫?  發表於 20 分鐘前
-------------------------
除非未洗衫已聞到大陣味 (如食館d 油煙味或北上回來的機油味), 一般我都唔落精油, 慳番 (其實係孤寒). 我個人可能無乜味, 洗完的衫都無味架. 唔知你一家情況係點? 如果愛吃大蒜的話, 可能要落 tea tree 之類去一去味~

ck.... 我呢期嚴重斷片呀... 唔通真係清理到連記憶都無埋...

水母好介紹呀!我即刻開工整。

想問下：早前朋友送我泰國蛇牌爽身粉，成份之一有薄荷腦。我覺得搽上身涼涼好舒服。如果我添加入這款爽身粉，是否溶解後如加精油般滴下去？
仲可以整一款加爐甘石粉去下d熱痱。

jellyfishy ："如果用薄荷腦, 應該要加多d, 唔係eo 個量呀, 會唔會造成濃水狀再噴落去混合好d? "

等我試下，其實薄荷腦係水性定油性？

sausau 發表於 2012-8-31 17:12
jellyfishy ："如果用薄荷腦, 應該要加多d, 唔係eo 個量呀, 會唔會造成濃水狀再噴落去混合好d? "

等我試下 ...

我响葯房買開個d 薄荷腦係一粒粒, 有批發賣的是一片片的. 水溶也能溶在油中. 我比較少用. ck 用得較多. 等佢答, 睇下有無更多資料~

剛剛搵到這隻蜜糖空樽，頂部有小孔，用來裝爽身粉都ok喎。

非常非常好...好介紹， 唔傷環境又唔傷身。   Thanks 水母

sausau 發表於 2012-8-31 15:34
水母好介紹呀!我即刻開工整。

想問下：早前朋友送我泰國蛇牌爽身粉，成份之一有薄荷腦。我覺得搽上身涼涼 ...

你講既配方係我腦度諗左好耐，我會買粟粉就係同你個腦諗緊同一樣野...

似乎你思維方式好多方面同我好相似呀..........姐妹~~~~

我腦海裡面有兩個配方，一個係水母果種，純粹正常皮膚，香香、爽爽冬天夏天都用得...

另一個配方係有加冰片或薄荷腦，也會加入爐甘石粉....夏天用、大汗醃度會痕既人用....或者濕疹但唔係皮膚乾燥既人夏天用...

我唔明既一點....點解你地會諗住將D薄荷腦溶左水，撈落去D粉度呢?

如果溶左落水，我會做成噴霧囉....

我自己構想係將冰片或薄荷腦研磨成粉，再與其他粉狀一齊混合....不過我未試呀....要做完實驗先知效果...

cklife 發表於 2012-9-1 22:39
你講既配方係我腦度諗左好耐，我會買粟粉就係同你個腦諗緊同一樣野...

似乎你思維方式好多方面同我好相 ...

"點解你地會諗住將D薄荷腦溶左水..."

我意思係用溫水坐溶薄荷腦，然後滴入粉中。我搞始終不清這東西是油或水性又或是蠟質。

另外，想請教cklife如何把薄荷腦磨成幼滑到皮膚可接受的細緻度。小蘇打粉我覺得頗[鞋]。

我家沒冷氣，自己又喜歡園藝，所以爽身粉呀，爐甘石皂簡直是夏天的必需品。

很欣賞cklife你的貼子，因為你經驗豐富，我得益良多。

sausau 發表於 2012-9-2 06:45
"點解你地會諗住將D薄荷腦溶左水..."

我意思係用溫水坐溶薄荷腦，然後滴入粉中。我搞始終不清這東西是油 ...

薄腦係揮發性物質喎...坐溶...你諗住就咁坐呀?會唔會溶呀?加水或油...咁混合入粉度咪濕笠笠、一舊舊囉....
要整乾佢再壓番散佢......咁點解唔直接磨碎呢?

薄荷腦唔係好硬，我諗住用人地藥用手掌咁大既白色果D[樁]黎磨咋...
本來用磨架啡豆既機都可以，但因為佢有揮發性，用機磨完幾熱下，唔知會唔會走味...

以上都仲係我既構想....等我買左裝爽身粉既盒先會做實驗....

jellyfishy  薄荷腦研磨成粉, 我只係擔心點都唔夠粉, 在身上有種劃肉的感覺.

要做左實驗先知...但我覺得佢幾脆，應唔難磨...會易過磨鹽...

cklife 發表於 2012-9-2 10:14
jellyfishy  薄荷腦研磨成粉, 我只係擔心點都唔夠粉, 在身上有種劃肉的感覺.

要做左實驗先知...但我覺得佢 ...

我剛剛用熱水坐溶薄荷腦，一溶解立刻離水，然後像水母教落精油咁一滴滴滴落去，隨滴隨用匙整散。ok喎，我搽上身涼浸浸很舒服，只係d小蘇打粉唔夠幼細。
我下次學ha你講把薄荷腦磨粉加入丫。或者淨係用粟粉和爐甘石粉。
大家實驗實驗再分享心得丫。

cklife 發表於 2012-9-2 10:12
薄腦係揮發性物質喎...坐溶...你諗住就咁坐呀?會唔會溶呀?加水或油...咁混合入粉度咪濕笠笠、一舊舊囉... ...

我開始懷疑自己的薄荷腦跟你們的是否一樣：
用熱水坐溶...十多秒就得，要即刻離水減少揮發
就是這樣把它變為液體然後滴下去...

我摟計呀~~~~~  點解我經常分享心得, 但無乜人鼓勵我????  係咪我d 分享太流呀????~~~~  


------
講番正經野:
爽身粉用耐左 (大約個半月左右), d香味會走, 到時可能要再加番d 香香 eo ~



---------
thank you candy 個讚~

jellyfishy 發表於 2012-9-3 09:27
我摟計呀~~~~~  點解我經常分享心得, 但無乜人鼓勵我????  係咪我d 分享太流呀????~~~~  

我有呀...  你d 野好好呀!!  

可能你唔需要我鼓勵掛!!

FD113 發表於 2012-9-3 10:25
我有呀...  你d 野好好呀!!   

可能你唔需要我鼓勵掛!!

你好有心思... 連影張相入面都有隻可愛既鬆馳熊做佈景。