大定認為去採挖地盤或山上的泥土是不是違法的?

屋企附近有個地盤動工了一段日子,翻起了本種植了樹木及雜草的土壤,很是肥沃,又有一些疏氣的黃沙,我當然見獵心起....
打算筆些回家"re-cycle",可是家人"兇"我說最近地盤失竊五金過多,警方正大力打擊小偷,小心我會比差人捉!!!
咁我話如果你咁講,我去山邊挖咪都唔得囉?佢話係呀,因為泥都係公家野!!

我想知得唔得呢?
定係當工人在開工時我走去問佢地批唔批准好呢?
定抑或.....我著件夜行衣出動好呢?

你屋企人講得啱o架喎.

不過你都可以試吓問d工人俾唔俾得你嘅, 自己去(偷)挖就唔好喇.

你千祈唔好靜雞雞去添呀！
通常呢d地盤都會養d流浪狗睇場架ma，咬親嚇親都唔好啦！

我試過樓下開工，我就去問ｄ工人可唔可以要ｄ黃花沙，佢地話，得，反正我地都係要攞去堆田．問多一句，咪唔駛煩羅．如果人地話唔得，咁就更加唔可以羅啦！～

理論上是違法, 不過冇乜人會告你.

1. 人家地盤的一切東西都是業主的財產, 當然冇權攞, 工人無權把它給你, 在未有業主授權下, 工人讓你拿, 等同串謀, 正如工人未有業主授權讓你拿走放在地盤的鋼筋, 就是串謀偷竊, 只不過泥土這些差不多没價值的東西, 一般没有人追究而已.

2. 山邊的泥土, 你也明白是公家的, 公家的東西由你私人侵佔, 當然是違法, 特別是山邊的泥, 給你掘走, 某程度上對斜坡做成破壞.

[ 本帖最後由 Peter 於 2008-4-28 14:52 編輯 ]