農田種植 の 小女王家族 ( 最新update 14/5 & 21/5 )

好有計劃POR~  第日好多野食

無菜食都有蟲食

你塊田肯定好肥，種咗唔夠一個月就生得咁快，我果塊田D植物好似唔識大咁，同你一樣6/4開田，到昨天D植物仲係小苗，同開田時移苗一樣，都冇大過，想問下你係咪加咗追肥呀？

我開田o個陣落左少量粒肥撈暈左，
移左苗之後2個禮拜開始落少量既花生麩水同海藻肥囉！
我又唔覺我塊田好肥喎！因為我連一條蚯蚓都未見過！
同埋我塊田附近有棵榕樹架，所以d泥裡面有好多榕樹根搶肥！

不過d菜的確生長得好好，今日上堂o個陣好多園友都過黎圍觀
同埋今日開始收咁d生菜黎食喇！晏d再post返d相上黎先！

買左個黃玉西瓜返屋企成個禮拜，琴晚終於的起心肝開左黎食，
順便留返d種子黎培苗，睇下種唔種到。
今日落田既時候已經落埋苗盤放左落田喇！
希望會生得出啦！
  

已update最新27/4之近況，詳見#1~#16

可以比我做參考, 我尋日都收咗田啦, 今次第一次玩, 你既資料好有用

唔好咁講，我都係第一次玩！
大家一切努力啦！wait for your sharing

已更新1/5最新近況(詳見#1、3、4、5)

琴日終於去左搭棚喇！依家3棵苦瓜+1棵節瓜可以有棚住喇！
今日落田仲見到D櫻桃蘿白就可以收得喇！
雖然好多都比蟲食晒，但係見依家有3~4個都肥肥白白咁，相信下個禮拜就可以收埋佢地做醃蘿白喇！
另外今日去到見到塊地竟然無晒蟲呀，相信係D迷迭香發揮功效

今日去買竹既時候比老公發現左呢個「瓜蠅捕捉器」，見佢只係$20所以就買左黎玩下喇！
唔知有無人用過知道有無用呢？


仲有今日搭棚既時候有件激氣事！
今日我地買左12枝竹去搭棚，搭既時候有枝竹放左o係隔離塊田附近，
點知搭到一半我再搵既時候竟然唔見左
等搭完晒棚坐低既時候竟然發現枝竹插左o係隔離塊田度，我同老公即刻O晒咀！
諗返轉頭，應該係我地搭緊棚既時候隔離塊地個園友入過黎，跟住好快就走左所以我無咩為意。
相信佢係見到枝竹o係佢塊地附近跟住就收歸已用。
最後老公都係話算數啦，因為我地自己無好好咁收埋自己都有唔啱！
但係我真係唔明點解明明見到我地搭緊棚都可以唔問聲係咪我地就拎左去，唉......

點解D人可能咁o家，明明見倒個物主都可以隨手拎左人o地Do野去用

好有心機喎！ 資料又詳盡！
你咁快就有收成緊係恨死隔離，佢可能想沾染下你 ge 褔氣，等自己都有咁好收成嘛。
北區個面環境幾好呀！

原帖由 貓貓 於 2008-5-3 10:15 發表
好有心機喎！ 資料又詳盡！
你咁快就有收成緊係恨死隔離，佢可能想沾染下你 ge 褔氣，等自己都有咁好收成嘛。
北區個面環境幾好呀！

哈哈！ 咁都比你諗到！
不過以我所見佢福氣就沾染唔到喇！蟲就比佢沾染晒！
因為早幾日所見佢棵矮瓜d葉比蟲蛀到好多洞呀！我見其他田都無咁既情況...

北區公園o個邊真係幾舒服架！又乾淨又企理！
我同老公o個日搭棚前仲買左壽司入去開飯 ，勁舒服！

最新 update ～ 3/5，詳見#1~#16

3/5 今日落田落左毛豆既種子、移左棵南瓜苗，同埋再移多棵苦瓜苗落田，
跟住就收左一半既生菜、少量既通菜(加速生長)、同埋4粒櫻桃蘿白，夠我聽晚打邊爐食喇。


跟住見到一d好可怕既事呀！以下既圖片需要家長指引呀
   
如果我無搞錯，相信呢一堆就係瓜蠅喇！真係估唔到捉到咁多 見到都毛管桐
之後逼老公幫我清理左佢地，唔知係咪每日都會有咁多呢？實在好擔心日後d瓜...

跟住見到一d好可怕既事 ... [/quote]

請問你個瓜蠅捕捉器係邊度買?
另外你點對付 <肥蟲同孖蟲twins> ?
白菜就嚟俾佢哋食光

個捕捉器o係上水馬x興買架！我諗買工具o個d舖頭應該都有得賣掛！

肥蟲同孖twin只有捉走佢地喇！再跟手噴返d蒜頭辣椒水，見之後都再無毛蟲lu！
不過依家都keep住3~4日噴一次囉！

好多蟲蟲呀

冇得救啦,吃清光
一都唔留比我
捕捉器加水就用得?

捕捉器中間有塊木墊咁既野，要滴d葯水落去引d瓜蠅入去架！
買捕捉器o個陣會連埋支葯水(大約1cm x 5cm左右大支)，我第一次用左半支左右啦！(其實應該唔使咁多)
不過因為佢係要剪開架，所以用淨o個半枝我已經掉左lu。
說明書話每滴一次可以用一個月，之後就要再補葯水，葯水每支3大蚊。

其實唔一定要落水，因為佢地入左去之後係出唔返黎架！
不過就好核突囉 ，全部o係裡面飛黎飛去，所以入少量既水用黎浸死佢地。

唔緊要啦！我初初d櫻桃蘿白都比佢地食晒！
依家都再接再厲緊，希望經過上次既經驗今次可以做好預防措施！
你都加油啦！

小女王,
多謝你詳細回答