自製韓國泡菜 ( Kimchi)

有時會在吉豬島及city 豬扒度買泡菜食 , 但又好貴 ...咁就試吓自己整先 !

[img][/img]

[img][/img]

[img][/img]

預備材料: 白 / 紅蘿蔔切幼絲; 蔥和韭菜切成段; 蒜頭、薑和梨 (或蘋果) 磨成茸備用
預備醃料 : 糖、幼鹽、韓國魚露、韓國辣椒粉、韓國辣椒醬
[img][/img]
大白菜(紹菜)打棟切半，如仍然太大，可打棟再切半 , 放入粗海鹽水內浸濕即撈起，然後拮開菜葉，在每塊菜葉上灑上粗海鹽，白色厚身部份要灑上較多粗海鹽。再將白菜放回鹽水中浸著，若白菜浮起，要用重物壓在上面。浸白菜所需時間為 - 冬天6小時 + 夏天4小時左右。將已浸好的白菜撈起，徹底洗去鹽份後，放在筲簊上自然瀝乾至沒有多餘水份滴出為止，此時白菜會變成軟身。

[img][/img]
蘿蔔要去皮切粒 , 再將蘿蔔用2湯匙鹽醃約 30-45分鍾  , 此時蘿蔔會滲出大量水份 , 可試味會否太咸 , 太咸可以用清水沖洗 , 隔去水份備用 。
[img][/img]
將所有醃料和材料拌成糊狀泡菜料，份量隨自己口味 + 喜好調較。

[img][/img]
大白菜就要拮開菜葉，在每塊菜葉上逐葉塗上泡菜料。
蘿蔔也加入已調好的泡菜醬料撈勻 。
[img][/img]
建議放入較厚身膠袋 或 放在密封食物盒內，置於室溫讓泡菜發酵一晚。隔天泡菜會出大量水份  , 將泡菜夾起，放在另一密封食物盒內 (不要已出的水份!)，放在雪櫃內儲存，二至三天泡菜入味後可食用。

[ 本帖最後由 fianfumy 於 2008-10-28 15:13 編輯 ]

做好有冇果朕臭味？

人地好似泡一个星期以上喎！

係咪叫 Kimchi (not kamchi?)

泡菜好正！  更愛其他餐前開胃小碟~

原帖由 kim 於 2008-10-28 11:31 發表
係咪叫 Kimchi (not kamchi?)

已更正 thanks !

[ 本帖最後由 fianfumy 於 2008-10-28 15:29 編輯 ]

原帖由 八王爺 於 2008-10-28 10:19 發表
做好有冇果朕臭味？

人地好似泡一个星期以上喎！

八王爺 : 我是試吓做呀 , 不過發酵是用溫度計過發酵時間呀  , 唔會嗅味及酸味呀 , 是剛拌好出來的味道 。 我發酵了一晚後 , 第2天中午見到個密封的膠袋 "鼓脹" 哂啦 , 咁就表示發酵完成囉 !
而醃泡菜最好是用陶甕或玻璃瓶去做 , 唔想泡菜酸  , 就要將泡菜緊緊扎實 , 放入容器 , 塞到最後要把空氣排出 。但我家沒有以上的容器 , 所所最好用較厚身不易穿的膠袋去做 !
發酵的時間 : 8-12度 --- 4天
                       12-18度--- 2天
                       27-30度 --- 1天

所以韓國發明了泡菜冰箱 , 來控制溫度囉 !

[ 本帖最後由 fianfumy 於 2008-10-28 15:35 編輯 ]

加少許, 記住係少許蝦醬, 或者加D白飯魚乾, 味道會更好!

個人覺得好有問题。
小心腸胃！

原帖由 everydayfan 於 2008-10-28 16:51 發表
加少許, 記住係少許蝦醬, 或者加D白飯魚乾, 味道會更好!

有加呀 ..我有加蝦仔呀 ..不過唔寫出來啦 ,因難買呀 !

原帖由 八王爺 於 2008-10-28 16:52 發表
個人覺得好有問题。
小心腸胃！

其實主要全部是生材料囉 ( 我用煲過的水去沖過)  ... 同埋天氣熱發酵囉 !

其實可以放入雪櫃做低溫發酵都得 , 只是慢D囉 !
如做泡菜蘿蔔就冇問題 , 因為唔駛發酵可一醃即食就得 !

kimchi好食，不過在韓國食會好食d味道和種類多。

聽聞韓國無SARS都因為有泡菜~

泡菜～我中意食呀～不過懶，以前識得個大陸朋友識整，整過俾我食，好正～好似都係擺雪櫃几日就食得～

我都識整, 唔晒發酵可即食GAR,只有辣椒粉就一定要係韓國出的才好, 不過我的韓國同事教我加D雞粉會好D.

上兩星期又醃了泡菜 , 凍冰冰 , 整番個熱辣辣的泡菜湯水餃食先 .
[img][/img]

剪好D泡菜 , 加少少韓式辣椒膏及辣椒粉調色便可 .
[img][/img]

泡菜要爽口或 要 "林" 口因人而而 , 自己決定煲幾耐的時間 !
[img][/img]

完成有得食啦 !

好正，去完韓國回來，很快又掛住啲泡菜。

好正，去完韓國回來，很快又掛住啲泡菜。
八王爺 發表於 2009-7-25 18:29

在韓國食的泡菜好味好多 , 我都好掛住呀 .........

今次去仲食到一种只「白泡菜」，是用蘿白汁做的，完全不用辣椒。
另一款無酸味泡菜，樣子同一般泡菜一模一樣，但入口完全無酸味，又無很多人不喜歡的那朕味。十分驚喜！

我唔識整
但有個韓籍朋友可以幫忙整
都ok平
所以都成日會食~~
好喜歡吃kimchi 呢

泡菜....好食呀！！！
我係一間食日本野既舖頭食過，佢地整ｄ泡菜超超超超級好食！　
自己也很喜歡食，多謝分享食譜！
我會試整的！