花生麩 泥 "ao" 蟲 正常嗎

前幾個星期混的花生麩同骨粉做基肥

近日播泥 驚發現好多蟲....有白色一條條似咀蟲的, 有一條條硬硬的啡色的
我仲用手播泥!!縮到縮唔切

請問是正常的嗎? 佢會危害d 植物嗎
要做d 野 正"瓜"佢地嗎?
因為第一次用, 請教請教~

初次吽泥係正常的
果d係蒼蠅的幼蟲, 唔理佢咪等變成蟲飛走, 理佢咪要挖走佢囉~
至於佢地應該唔會傷到植物的~

呢個問題我都想問,我試過哞咗d蟲出黎,以為冇乜事
點知第二日佢地食鬼咗我棵岩岩發芽既迷迭香,灰晒

我 d 花生麩都有白色嘅蟲係度, 係正常的, 我就無理佢, 又佢咋

乜肥都唔落, 仲要用煲煮熱過既泥, 之後先來種草莓, 一樣大把虫, 好細既灰色虫

點解唔等佢發完酵先落泥呢??

點解唔等佢發完酵先落泥呢??
PACO 發表於 2010-5-22 00:05

    hi, 我是新手, 我之前都有同樣問題, 而家擺到好深先冇事.
但都有買已發酵既來做基肥. 但唔想浪費左d花生麩同骨粉, 請問係屋企可以點樣將佢地發酵呢??~用個盒裝住定點?
感謝感謝

呢個問題我都想問,我試過哞咗d蟲出黎,以為冇乜事
點知第二日佢地食鬼咗我棵岩岩發芽既迷迭香,灰晒 ...
s09194 發表於 2010-5-21 12:05

可能係發酵的熱力整死棵苗。

請問係屋企可以點樣將佢地發酵呢??~
....................................................
我就用黑色大膠袋，將一d用過的泥放入去，

再放一大堆我想發酵的肥，例如﹕麩粉、骨粉、鉀肥我都會放……

然後就封好佢。但唔好以為封好就會無蟲，一樣有，

咪放埋一邊，由佢囉…發得三四個月，咪攞黎當基肥用囉……

當然，你放的肥越多，佢發酵時陣味會越大…

你可以多加兩個膠袋，又或用膠箱封住佢，咁陣味就唔會咁影響到鄰居啦。

請問係屋企可以點樣將佢地發酵呢??~
....................................................
我就用黑色大 ...
alilovebyj 發表於 2010-5-22 10:23

    哦~~ 原來係咁, 多謝你解答. 咁使唔使加水又或者得閒撈撈佢? 係咪用過既泥+根一齊擺落去?
以前有既蟲同細菌係咪都會死晒呢? (有d病到死死下or垂頭喪氣的植物又可唔可以擺落去?)
感謝感謝

我唔敢係屋企發酵, 好臭的, 上次試過一次, 係田幫花生麩水發氣的時候, 唔小心比麩水整到 d 頭髮 and 面, 嘩~ 臭到嘔, 好彩唔係屋企咋, 如果唔係, 真係臭到成間屋企都係呢

今日我搵左個膠範吽左一箱, 入面有新既泥, 花生麩同骨粉, 但我而家諗返好似落肥落得好重手. 一個1.5 x 1x1 呎既箱, 落左差唔多半袋花生麩.... 睇睇包裝100平方尺先要落晒成袋...
唔知會唔會勁得濟, 到時放少d落盆唔知得唔得呢? 個箱用之前搵水洗過, 冇整乾, 唔知會唔會發"毛"呢? 同埋擺左係天台一角... 入面有蟲我唔驚, 我驚打開抖下氣時爬晒出黎...

我唸最好要溝多 d 泥, 而且要放耐 d , 因為花生麩骨粉個 d 好易燒傷 d 根呀

我唸最好要溝多 d 泥, 而且要放耐 d , 因為花生麩骨粉個 d 好易燒傷 d 根呀
小蘑菇 發表於 2010-5-24 12:11

    唉~~ 為時而晚了~~ 我而家真係無勇氣將個箱d野倒晒出黎, 再攪過.... 都唔知入面發生緊咩事...
我諗住而家既然都落左咁多, 到時放少少當基肥應該冇乜問題掛~我都好頭痛>< 到時會唔會d肥勁得濟呢.., 放少少當自家製肥料又o唔ok呢? 好驚, 見到果個箱都唔敢行埋去.., ha
我而家都有幾盆之前用冇發酵過的花生麩同骨粉做基肥 (之前的實驗), 大得最快就係佢地, 亦冇燒根, 可能經過上次教訓 (白虫事件), 真係擺落好底就冇事了. 尋日仲同佢地換盆, 好好彩, 一條虫虫都冇, 可能已經死晒, ha.

vege, 唔使咁頭痛喎, 邊試邊學囉, 經驗要慢慢累積的 (呵呵~ 其實我都係初學, 依家都努力睇 d 師兄姐 d 帖)

我唸你都可以當自家製肥料呢, 落底 d 盤底當基肥都可以呢

原來係咁...我都把骨粉混泥做基肥...昨天發現個盆好多虫及黑色一隻隻野在泥中爬來爬去...又有一些白色細細隻昆蟲 (爬得好快).我驚到成盆泥撿走..... 請問骨粉混泥做基肥洗唔洗密封及加水"牛"的? 謝謝各位大大.

入面有蟲我唔驚, 我驚打開抖下氣時爬晒出黎...

.....................................................................

我無打開過…由佢放埋一邊！等幾個月先攞出黎用。

我無試過加水喎！

至於有病個D植物就丟咗佢……唔好放入去…又唔係做堆肥都唔好放啦！

我多數都會撿走D根頭……

原來係咁...我都把骨粉混泥做基肥...昨天發現個盆好多虫及黑色一隻隻野在泥中爬來爬去...又有一些白色細細 ...
giveupaguy 發表於 2010-5-24 17:21

我睇 d 師兄姐 d 帖, 如果做基肥, 好似唔使用水的喎, 除非你係唸做 "花生麩水" 或 "骨粉水"
我依家就試緊浸 "花生麩水" 呢, 好驚開蓋會臭爆呢

我本身冇淋水, 但第2日睇到花園仔老師大概150頁到, 講話要淋水, 所以我用晒所有勇氣去打開個蓋, 加左水~ 到底是要淋定唔淋呢~~  好困惑~~~ 同埋唔知吽幾耐先岩....

我本身冇淋水, 但第2日睇到花園仔老師大概150頁到, 講話要淋水, 所以我用晒所有勇氣去打開個蓋, 加左水~ 到 ...
vege 發表於 2010-5-25 22:54

我估係要好似平時咁淋水呱, 而唔使專登搵水 "牛" 囉