第一次係淘寶買樹苗

平時上淘寶成日都見到佢地的花 ,尤其係果樹苗超平,講緊係幾蚊到十幾蚊一棵,而且種類繁多,有d植物香港根本無可能買到,今日終於小試牛刀,買左2棵迷你蘋果+2棵山渣+1棵四季桂

連運費,用左180人仔,送到家門口,不過有一樣唔好的就係要截枝,翻黎起碼種翻三幾個月先有野睇,所以要現成有的花友可以就唔岩啦~


前晚買,尋日寄,今日收到,真係好快~


打開係咁的,佢地會將d植物先截枝,拆去根部的土球(因為土球好重,運費會好貴),再係根部塗上濕泥漿,然後就用保鮮紙將成棵植物包好,入箱再固定~



我拆開第一時間就比少少水濕下d苗,先再種落泥,唔知種唔種得生呢~聽日上種好左的圖~

ps.星期一仲有一棵高1m的雪松(因為留翻做聖誕樹,所以今次無截枝)和一棵花墟賣好x貴的紅樹梅(五年苗)~今次貴少少要$220人仔~運輸途中~星期二上圖

好正呀~~~~

多謝bwflcsas分享, 沒想過是這樣運的。

請問你是怎樣transfer 錢比賣家? 經香港淘寶公司 transfer?

4# wendy_choy_hk

我最初上淘寶就靠銀行轉賬 ,因為我係招商銀行有一個戶口,近來發現了淘寶原來係香港有分公司---淘1站
http://www.taodot.com/

5# bwflcsas


多謝提供資料, 可唔可以教下大家點用?

6# sifenamok


首先 ,去淘寶網開過account先~好似yahoo拍賣咁~佢裡面有教你點做~好易搞
http://www.taobao.com/index_global.php

跟住download一個叫亞里旺旺的software ,係用黎同賣家交流的,用法同msn差不多,你當佢係大陸版的msn啦~
http://www.taobao.com/wangwang/

跟住,再去香港淘1站---淘點開個account,用黎比錢,佢裡面又係有教你點做~
http://www.taodot.com/

跟住就可以開始買野~~

運輸方面:一般都會用速遞公司,例如,順豐,圓通,申通~全國基本都可以寄到香港,例如咩內蒙古呀,新疆呀都得,除非係好山卡啦的地方,咩貴州山區呀(不過貴州山區應都無得上網),不過有一樣野大家要注意,我住銅鑼灣所有速遞都一定會送,不過好多花友可能都住新界,咁有D速遞公司新界鄉村或離島可能唔肯送上門,要你自己去羅,我都試過一次要自己去長沙灣羅(離晒譜,銅鑼灣都唔送,咁有咩地方送??),咁呢樣大家要問清楚啦~

運費方面:中國大部分城市往香港首1公斤30-40人仔...跟住每公斤10-20人仔...咁睇係邊間公司啦..廣東省寄香港會平少少....但千祈唔好用EMS(即係特快專遞)...不但唔會快D,更會貴到你嘔....講緊係貴3-4倍...例如北京寄香港2公斤,順峰收45人仔,EMS收160人仔,所以大家要注意!!!!

運費可以參考一下順峰個網..自己有個底..其他公司大約都係相差10-20%..唔會差好多..唔會比個賣家收多你D錢....我買聖誕雪松..有個賣家5公斤竟話收$1300運費..真係當我唔知道...後來我搵第二個賣家...佢同係5公斤重按實收$120人仔...咁大家要注意啦~同個賣家傾清楚運費~唔好比人握..咁多間順峰係最好...尤其係買易碎物品....我試過買天文望遠鏡的鏡頭....手提DVD機......都無問題...無穿無爛...其他公司尤其係圓通就差少少...可能會掟爛你D野...不過花草樹木用圓通就應該無問題...因為圓通最平..而且覆蓋最好...大陸好多小鄉鎮佢地都會去收貨...咁大家就權衡輕重啦~

http://www.sf-express.com/tabid/67/Default.aspx


我D花花都係幫襯呢個買家買的~佢係江蘇宿遷(江蘇省最大的花卉農業基地)~感覺佢都幾老實~有問題佢都肯答你~大家可以睇睇~
http://shop34696868.taobao.com/shop/view_shop.htm?shop_nick=34696868

多謝你教大家點用, 以後大家又多個方法買樹苗

請問如果買百合花球 / 玫瑰花苗, 唔知有無問呢 ?

江蘇宿遷、沭阳的人已經受大陸買家抵制了，因為都是貨不對版，以次充好！
你還敢和它們買東西？
不信上大陸的花友論壇！
后来，宿遷、沭阳的人知道我们抵制它们，就將地址改為“上海”“北京”等地，但發貨始發地還是江蘇。

http://www.huatan.net/bbs/read-htm-tid-192268.html
http://www.huatan.net/bbs/read-htm-tid-203832.html

http://www.huatan.net/bbs/read-htm-tid-221790.html
http://www.huatan.net/bbs/read-htm-tid-190412.html
希望廣大的香港花友不要受騙。
如一定要購買，咁祝你好運。

10# akwok
你的問題是指??

百合花我未種過~不過估計應該好似水仙頭咁~寄黎香港應該無問題~而且應該唔會好似樹苗咁容易死~


~不過我買山楂果陣搭多一棵五年生的四季桂~佢幫我截枝截剩一呎高~大約廿塊葉~一樣拆左土球淨係用濕泥漿同保鮮紙包住d根~棵桂花黎到比其他大苗的情況好d~d葉無乾~咁我就照一般程序種左佢落盤~可能桂花比較粗生~由星期五我種到今日星期日~我見到佢已經有葉芽生~咁應該係種生左啦~

而另外蘋果同山楂的情況就無咁理想,蘋果同山楂的葉都乾晒~不過我諗起碼要種多一個星期先知種唔種得生~

我個人覺得上淘寶買野的優勢係:

1.某些野平過香港好多....例如一棵迷你蘋果係花墟至少都要$500以上.....我上淘寶30人仔就搞掂...連運費都唔過$100....又例如樹梅苗..藍梅苗...淘寶都十元八塊有交易

2.種類繁多....有好多香港無的樹種.......例如山楂樹我就唔多覺花墟有得賣啦~~

而風險就係:

1.上網買野始終唔同親身揀....每棵植物的生長情形不同...始終親眼觀察過會好d

2.長途跋涉...氣候差別大(例如江蘇十一月氣溫已經得幾度..香港仲係廿幾度)...植物有機會會死

都係果句...大家自己權衡輕重

bwflcsas
我只能祈禱，希望你買的是真品而且能順利活下來。

11# legend06jmh


希望我不是第一個香港受害者啦,不過以銷售苗木.....宿遷的賣家的確佔了好大一部份.......如果可以話.......可否提供一下那地區會比較好呢??

16# bwflcsas

其實以地區來判斷好壞是不理智的，但江蘇還有一小部份是誠信賣家的，（99%是騙子，1%是誠信）如果你感興趣，就多上上大陸的花友論壇，大家都會討論。

祝大家好運!!!

請問如果買百合花球 / 玫瑰花苗, 唔知有無問呢 ?
akwok 發表於 2009-11-2 00:06

介紹一個淘寶店你，這個可以放心購買。
大陸的人都與她買。
http://shop33367782.taobao.com/

到花談那邊看了一陣，一打宿遷出來的都是被騙的信息，認真恐怖呀~

買蘋果變了銀杏(呢暈真係食白果)~而且出事都是買月季的買家.....可要小心啦

我幫襯的那間幸好暫時未見投訴之列，希望我是交好運，碰上1%了的良心賣家

明天還有一棵雪松,一棵垂梅和一棵紅樹梅到港呢,擔心中~