收田果日, 移咗些瓜苗去田, 點知果晚就下好大雨, 真係擔心死, 又怕會唔會比雀食
好在今日落去一睇, 都冇事, 仲大咗喎!!!! 佢地都適應得幾好呀
南瓜花要開啦, 留唔留佢好呢???
今日主要搭好個架, 買唔到竹, 所以買咗膠通, 都係廿一蚊三支長再一開二, 抵玩
兩母女做, 算好叻啦
掛咗兩邊網比瓜瓜爬
除咗吊 幾隻 cd 外, 仲有尋晚整定既 (環保小發明, 用我愛吃既 pizza 薯片)
下一步就係下種子啦, 先淋一次水先, 再落種子, 今日落了白菜, 生菜 (之前 inthesky 比既, 雖然比咗好耐......) 同呀媽帶既食剩蕃茄種子
仲帶了呀虎既向日葵, 要快高長大呀
今日都唔係留太耐, 應該個半小時吧!!! 但都比蚊蚊針咗兩口........
星期六有堂上, 順便看看, 星期日休息一天 |