成功啦!終於種到比街市粗既芽菜!!

我自己好鍾意食芽菜,都試過睇d書跟住種。第一次種,食左一啖就食唔落,好似食草甘,倒左。之後都試過種幾次,不過都係同一結果,甘我只好放棄。

最近我返左鄉下-温州，我鄉下d芽菜好肥啫啫好好食,個度d芽菜唔係放係水裏面賣,乾身好食好多(香港個d係放係水到賣,炒個陣就有好多水走出嚟)。香港衔市都有乾身芽菜,不過唔係個個街市都有。

我鄉下個舅父都種緊芽菜,佢用水樽嚟種,我見到比我之前種個d粗好多,返香港後就即刻試下用水樽種，得左

想同大家分享一下---

工具:
1.水樽--(係底部吉d洞,我用一支燒烤差燒熱後吉洞)
2.毛巾
3.黑色垃圾膠袋--(綠豆芽需要在遮光的陰暗處培育，如果遇到光，綠豆芽會變成粉紅色)

重點:
我知一般人都是用洗菜藍"sou 機"嚟種芽菜,就算你用幾重嚟壓住d芽菜,最後都係好幼。我的經驗是就算有足夠的壓力,亦都要唔好比空間佢去生長,甘生出嚟就會粗 。所以用"sou 機"種出嚟甘幼,因為有太多空間。

今次我冇用任何東西壓住佢,因為個樽範圍細,我只要用力壓落毛巾度就得啦。不過亦都係因為個樽範圍細,到你想拿出來就難d。我就打直剪開個樽,下次再用就用尼龍繩"bon"番就得。

做法:每天過水2-3次,再用濕毛巾覆蓋d芽菜培育6天即可採收。

以上是我自己的經驗,大家可以試試。

[ 本帖最後由 supermama 於 2007-12-24 22:46 編輯 ]

謝謝你，下次一定要試一試

多謝 supermama 嘅心得 ~
用力壓落毛巾度...係乜意思呢? 條毛巾係咪塞住個樽o架?

要種幾耐架??係唔係4季都種得?

通常會係毛巾上放d重既野,不過我就自己用力"則"條毛巾入個樽度。

原帖由 yannes 於 2007-12-24 20:52 發表
要種幾耐架??係唔係4季都種得?

通常5,6日就得。任可時侯都種得,夏天天氣熱時會快d。

[ 本帖最後由 supermama 於 2007-12-24 22:19 編輯 ]

原帖由 supermama 於 2007-12-24 21:02 發表
通常會係毛巾上放d重既野,不過我就自己用力"則"條毛巾入個樽度。

supermama, 唔好意思咁多o野問...條毛巾係乾定濕? 如果係濕嘅, 係咪要日日沖吓水(驚佢臭)?
d 綠豆芽駛唔駛日日沖吓水?

唔緊要,我應該寫得再清楚d,毛巾係濕嘅,每日沖水2-3次。通常冲水時,我都會冲埋條毛巾。

好似幾方便喎~~!

原帖由 supermama 於 2007-12-24 17:20 發表
我自己好鍾意食芽菜,都試過睇d書跟住種。第一次種,食左一啖就食唔落,好似食草甘,倒左。之後都試過種幾次,不過都係同一結果,甘我只好放棄。

最近我返左鄉下-温州，我鄉下d芽菜好肥啫啫好好食,個度d芽菜唔係放係水裏面 ...

多謝分享
我都鍾意食芽菜架^^搵日都試吓先

唔該哂 supermama
我都要自己整肥芽菜食 ~

supermama, 多謝你提供的方法!
我都已經試左了,但係有d想問,唔知你答唔答到我呢...
1)我已用了遮光的盒蓋住d芽,但係都有d變左粉紅色,咁食唔食得架?
2)有d芽好粗,但大部分都好幼,我已經用力壓條毛巾,係咪方法錯左?定係我要再大力d呀?
請賜教!

1.我種個d係最後個日都有幾條變左粉紅色,變左粉紅色都食得。其實除左冲水時間,其他時間都應該係冇光。
2.你會唔會壓條毛巾壓得晤平均?即某d地方大力,某d地方細力。你可以試下係毛巾上,再放d例如樽的物體。會唔會d芽有好多空間生長?所以大部分都係幼呢?
你可以post d相嗎?

哦...咁應該係條毛巾太輕,比d芽撐返上去......^^

我條毛巾都幾大(同個樽比).你個d都幾粗啊,不過比我個d紅好多wow。點解會甘紅?你係唔係有光入到去?就算我之前有光都冇甘紅,真奇怪。

[ 本帖最後由 supermama 於 2007-12-28 23:59 編輯 ]

係呀,粗果d都真係幾粗的,但底果d就好幼了....^^
我係用左個1L的維他奶盒蓋住的,應該好遮光,
可能係我想佢溫度暖d,放左佢在窗邊比太陽晒住,所以變紅了....
anyway, thanks! 下次會再努力!!!

可能就係呢个原因。維他奶盒放係太陽底下都會透到d光入去架麻。你下次唔好甘好心啦 ,唔使怕凍親佢地

想問下你係唔係第一次種?

[ 本帖最後由 supermama 於 2007-12-29 10:32 編輯 ]

  下次種下先, 唔該晒

有d心癢癢添....

原帖由 supermama 於 2007-12-29 10:30 發表

想問下你係唔係第一次種?

係呀,見到你個post至會試下種的!
你係咪種過好多O野O架?