上次返大陸0係好多寵物店0既地方,見到十份九舖頭d貓貓都係皮包骨,十份十係冇水樽,仲要幫狗狗染色,之後話係"珍珠狗"................
行下行下我同老公見到一隻狗狗一歲都冇,0係埋一邊唔敢郁,好可憐咁自己一個冇人理,我即時知道佢一定會死,因為佢雙眼有好多眼膠,身又有藍藥水,即係有傷口/皮膚病啦,行近d望嚇左我一跳,見到佢冇左隻左手,佢身邊仲有一個大洞0係度,佢唔小心就會跌落去,我地睇左周圍都係冇人理佢,又幫唔到佢就行左去,行完一圈又見到佢,今次睇清楚原來佢有左手架,但雙腳巳經掉左入個洞度,突然醒起我地有麵包同水,咁就攞比佢飲食,但佢太驚啦,唔敢郁不特止,仲全身震晒,到我地走個陣佢都唔敢食,我諗而家佢巳經唔0係度啦...................... 如果佢係0係香港出現的話,命運一定唔會係咁~ |