我的番杏幼苗

顯示全部樓層

本帖最後由 kayan_l 於 2012-8-3 15:43 編輯

各位師兄

我試過播種幾次頭兩次响公司播諗住有冷氣溫度平均但唔知係咪收工放假期間又焗又無光所以兩次都係發芽後大約一至兩星期就開始慢慢逐啲逐啲死晒今次我响屋企種希望各位番杏達人可以指點指點

三月中响公司播的用仙人掌植料+小小河砂同赤土响面
用保鮮紙封頂大約1 星期開始發芽, 我就逐啲打開保鮮紙

大約2星期見發左以下咁多芽就除左保鮮紙同埋開始放復活假怕焗死啲芽

不過唔知係咪真放假期間無冷氣又無光返到公司啲芽都死左差不多一半大約4月尾全部死晒

放假後的死剰種....

五月初又係响公司播 (之前面頭果啲赤土同河沙加左啲蛭石混晒落啲泥度)
今次自制左個透明膠蓋仔返工時間蓋住收工時間開半邊蓋

又係大約1個星期左右開始發芽 (太忙無影相) 但一個月後又係全部死晒唔知係咪星期六日收工時間响公司焗死

前兩日我再接再勵今次响屋企播用普通泥+小小蛭石泥面再舖左層好薄嘅蛭石兩盆野放响個透明膠兜再用保鮮紙包住

想問一下有無啲咩需要注意?? 其實係咪用保鮮紙期間都唔洗加水? 如果要加水咁係噴面定係腰水? 希望各位達人幫忙幫忙

kayan_l · 發表於 2012-8-9 12:32:47

本帖最後由 kayan_l 於 2012-8-9 12:35 編輯

8月1日播嘅種第3日開始有芽仔

第4日

第8日

yeliz · 發表於 2012-8-9 14:02:28

再接再厲!!!

sunrise · 發表於 2012-8-9 16:26:35

你係未播石頭? 係乜野番杏.
呢類好似要秋天播, 要係25度以下,

kayan_l · 發表於 2012-8-10 13:00:24

屋企每日都開冷氣我估應該無問題呱
唔係好識種响網上搵到嘅資料好多時都只係講到點播種
但發芽後點處理就無講身邊又無人可以問
上網睇有啲又話要晒好多太陽又啲又話唔可以直晒
所以都只可以自己亂黎試下同埋睇下有無師兄可以幫下手可以提供一下經驗

paulpaul · 發表於 2012-8-10 13:20:48

唔夠光會徒長
漸漸増加光照
太熱要揭保鮮紙

kayan_l · 發表於 2012-8-10 17:02:13

請問放WINDOW邊但無陽光直照的可以嗎?

八王爺 · 發表於 2012-8-10 17:56:21

小苗不用咁快打開保鮮紙。
應該要保濕和上午4小時陽光。
中午後不要曬。
30度以上石頭休眠，小苗不休眠所以高溫會死！
保鮮紙應逐漸打閞，例如每天1小時打開後又封上，過一個月每天2-3小時...如事過了一年可全打開適應外面環境。
一般石頭播種後一年有黃豆大小，可以分株。5-10株一小盆，若不太擠可以不分直到3年。