有關種子庫分享種子事宜 , 一個下午都未完 , 各位咁熱情真係嚇死積媽 , 所以請各位留意下以下各項 :
認領前請先睇哂下文 :
1. 我會陸續將所有種子 ( 一共十二款) 相及數量貼上黎 , 各位如果要認頭 , 請響心儀0既種子貼文 , 最下面0既總數量 一路減落去 ( 如有 5份 , 就寫番 5-1=4 , 下一位就寫番 4-1=3 , 到分享完左 , 就唔好再登記住)
*** 此舉純粹係比想領取分享0既版友仔知道仲有無種子可以分享 ***
2.因為數量唔多 , 所以每一份都唔係太多. 如果有靚女想要多一份, 請特別註明 .
3.同樣 , 因為種子數量唔太多 , 比例上 ( 80幾個會員 : 20包份量 ) 有D款式可能會供不應求 , 所以如果有分享左種子又培苗成功0既 , 可以再拎小苗出黎分享.
4.種子庫貼文只供分享登記用, 其他留言請另開新標題 / PM 呀唔該 ~~~
出左文認領後 :
1. 各位出哂文認領種子確認無誤之後 , 請盡早 PM 我 , 同我 CONFIRM 番數量同種類 , 我會比地址你地寄回郵比我 . 請唔好響 PM 我之後又加加減減 , 我會亂架 ~
*** 積媽會根據你地0既 PM 去執種子 , 所以唔 PM 我 = 我唔會執種子 ***
2. 鑑於分享人數好似幾多下 , 現定下一時間表以便老人痴呆的積媽可以有足夠時間做野:
A. 每星期一推出五款種子以作分享 :
B. 星期一至三供各美女美男登記分享 .
C. 星期四至六 , 積媽會齊集+登記所有回郵 及 PM 向各位確認收到回郵.
D. 星期日積媽會處理+包裝所有分享名單 再次及出 PM , 我會統一在星期一早上寄出
E. 我寄出左種子之後 , 你地收到 / 收唔到都要通知我 ~ 等我了左件心事佢 ~~
希望各位可以跟從呢一個時間表幫輕一下積積媽 ~ 因為積積媽每日都要拈花惹草又要應酬陳家各位貓大姐 , 好怕做漏野呀 ~~
PS. 有人曾經問過 : 咁多種子響邊度黎 ?
呢d種子中 :
有12份係版友仔 chris tsui 去蜜月旅行時拎番來的手信 .
另有大約 5x 種係積媽買0既 / 積媽0既親戚朋友送0既 / 版友仔送0既
一個人係種唔到咁多野 , 所以拎出黎分享 . 我唔種 = 要過期 = 浪費
所以 , 眾樂樂不如眾樂樂 ~ |