所指嘅係超市/街市買返來一紮紮嘅薄荷葉。
可能有花草友都曾試過將呢啲超市薄荷插水生根,
但插咗冇耐啲枝條就軟晒跟手謝埋。
前幾日我都有同一經歷,本想放棄,
但唔知算唔算靈幾一觸,試將啲軟晒嘅枝條,
成條連莖帶葉咁浸落一盆水度,
果然,過咗一兩個鐘就變返硬!
之後將啲恢復咗嘅枝條再直插落樽,
過一陣又有部份軟返,於是重覆之前動作成條浸水,
硬返再直插又冇事喇,家陣出緊根添。
呢啲枝條唔係好新鮮地即剪即賣,兼瞓過雪櫃,莖部內裡可能已缺水,
喺冇根嘅情況下直插水要由莖吸水功應畀啲葉對枝條來講可能十分stressful。
為防止直插時變軟,可試行以下方法:
(1)先將揀出黎種嘅枝條剪出3至4寸長
(2)連莖帶葉浸水一兩個鐘
(3)搣走底部啲葉剩番頂部2至3對葉,直插水樽
(4)如浸水唔夠枝條變軟,重覆(2)
(5)浸水後莖葉恢復硬身再直插水
第(4)部,唔好等到啲莖葉變黑至拎去浸水,黑咗就可能還魂無術喇!
此方法除可解救變軟嘅枝條外亦可篩選一啲復完得比較快(生命力強)嘅枝條作進一步種植。 |