天台想種下蔬果...有咩好選擇？

我有一個空空如也既天台...有水源...大概700呎左右...想試下種d食得既蔬果...天台陽光充沛，下晝直頭晒到暈...但要返工...只有夜晚先可以上去照顧植物...大家有咩提議呀？

仲有...我係一個新手...多多指教...

wah~~~~~種咩都得啦!
咁大地方又咁有太陽, 梗係種瓜啦!!!!

夏天都係食瓜果好既...易打理嗎？

我個天台種左 :
1) 茄子
2) 意大利生菜
3) 白菜仔
4) 蘿蔔
5) 士多啤利 (而家於窗邊, 遲d於天台)
6) 蕃茄仔

呀 ! 夏天將會加種 青瓜, 節瓜, 香瓜

睇下佢個post啦,佢都係有天台架!
http://www.hkplants.com/viewthre ... &extra=page%3D1

熱天種瓜、豆、羅勒、辣椒，
涼天種菜蔬。

估唔到軒軒介紹我個天台啊！
其實，我個度都唔係好大規模。

你個天台好大啊！正！
如你現在開始種，有好多野都可以種啊！
你先去睇下，有也想種！ (呢個資料好有用架！)
http://www.hkplants.com/viewthread.php?tid=271&extra=page%3D1

同埋多d爬文，花園仔老師啦，斑比啦，草民啦，小寶啦，積積媽，惡姨、農夫……太多，太多了…呢度好多人都好有經驗，得閒就上黎睇下就岩啦！

我現在培了青瓜、蕃茄、南瓜苗，買了苦瓜，也準備播種了。

你想快收成，可先種莧菜，又易種。不過青莧菜比紅莧菜易，但紅莧就多d纖維，有助排便啊！ (醫生講架！)

8# alilovebyj

多謝大家既意見...我都係剛開始，而家開始努力咁睇緊資料...會開始去搵發泡膠箱先...而家就只係露台種左d花花...不過初步會想種薯仔同菜心先...

想問下哩...如果種薯仔...係咪將個發芽既薯仔埋落泥？菜心我就知道有種子買既...莧菜種左...無人食呀...瓜類又比較少煮...如果種節瓜，係咪買條節瓜拎種子黎種？駛唔駛特別處理架...我而家有將d青椒種子浸係綿花度，想睇佢發唔發芽...但未有咩變化...

咁我係咪要開始整定d堆肥？哎呀...好似好多問題添...

薯仔就要快啦！
天氣回暖，快要不合薯仔了。少說也要種約兩三個月才有收成。
一個薯仔有好多芽，你可以把它切成幾分，每份有d 芽仔。吹一吹，等佢乾身d︳就可落泥。

我第一次直接放入大包泥中，爛了，種不成。最近一次我先用小盆培，放淺一點，把芽仔露一點出來，待它長高了，加一點泥。長得夠壯了，就把它移落大盆。泥不要太滿，六七成好啦！因為薯仔長出來時，會露出泥面，你要適時加番d泥…免他變綠！ 還有…要做好基肥，用泥發酵一些骨粉、麩粉。追肥時不妨多加一點鉀肥，咁薯仔就會長得壯壯的。

我的小小經驗最好是把它放到有太陽，但風不太大的位置。對了，如果你去執發泡膠箱時發現有些米袋，記住執回來，可以用來種薯仔架！要加泥時可以把袋拉高，幾方便！



至於堆肥，你有地方，咪堆下囉。因為要堆幾個月才可用。現在堆定，六七月度咪有得用囉。如果不愛莧菜，咪種通菜囉！種植真係要膽大心細，唔好怕失敗啊！

斑比都係700呎天台種咗好多嘢﹗http://hkplants.com/search.php?s ... mp;searchsubmit=yes
仲有必睇係花園仔老師師嘅post﹗係果度學度好多嘢﹗

咁大地方，整盆栽會無咁好睇，
不如整個小庭園仲好，得閒又可以請d 朋友番來食下野，順道睇下花。

建議種帶有香味的花，搭一個涼亭仔，下面放張長椅，
個涼亭仔種紫藤或香蒜藤，又或唔怕難打理既，可種攀緣性玫瑰。
然後用石磚鋪段路仔，兩旁鋪一d 百慕達草草皮，
跟著，種d 多年生花卉，例如玫瑰、大理花..等等。

咁大地方，整盆栽會無咁好睇，
不如整個小庭園仲好，得閒又可以請d 朋友番來食下野，順道睇下花。

建議種帶有香味的花，搭一個涼亭仔，下面放張長椅，
個涼亭仔種紫藤或香蒜藤，又或唔怕難打理既，可種攀緣 ...
R子 發表於 2009-2-27 01:40

好大工程噃~~~

插種下蔥啦,枸杞啦,蕃薯葉啦,香草啦..........
如果想種果樹,最好去買苗回來,不然就偷 raysit 師啦!用核來試種多餐
同時可以上去分享版看什麼喜歡種可分享呀..
還有可pm 積積媽看有什麼可分享到啦
少少地試下先
遲d就會種好多啦
歡迎加入種毒家

我已經好多野都中左毒啦...

當妳入住這間屋
已經鑄定妳要中毒啦
有時間postD 傑作步泥分享下囉

加油呀 ! 真羨慕有咁大的天台種植 !

我天台仲係空空如也...不過我擒晚...搵左個超細既發泡膠箱try下堆肥...只係擺左d修剪落黎既花呀、葉呀...仲有我之前種左既薄荷..晒乾左未用果d...仲有一粒熟透唔多食得既車厘茄...好多野都要學就真...

晚晚都見到街市有好多好多發泡膠箱...我有d流口水...但又搵唔到人可以買...仲有...我下次買雞旦..會留返果個紙皮...覺得用黎發苗都好似幾好...

發達 law，咁大地方！
不如跟佢地上深圳掃貨先，買盆平好多嫁，又可以睇下有咩靚花靚樹，就算唔買都可以參考下先嘛，仲有花園擺設同花園傢俱睇 por。

我天台仲係空空如也...不過我擒晚...搵左個超細既發泡膠箱try下堆肥...只係擺左d修剪落黎既花呀、葉呀...仲有我之前種左既薄荷..曬乾左未用果d...仲有一粒熟透唔多食得既車厘茄...好多野都要學就真...

晚晚都見到街 ...
crazycat 發表於 2009-2-27 10:11

妳指裝蛋盒呀!
唔多好啵
因苗苗根好易同佢地打上關係
之後難分難離唷