第一次既收成

第一次種菜心...終於都有收成啦...由最初我錯誤咁發左好多苗...結果忍痛咁唔要左好多...跟住後黎一場大雨，天台原本欣欣向榮既菜心苗，死左大半...再跟住又發現毛虫...食左我好多顆苗...而家...天台只剩返幾顆苗...仲要生長得唔係太好...可能陽光太猛烈...

反而一早移左去露台花架既菜心苗就生長得唔錯...其實我覺得有幾顆上星期已經可以收割...但得幾顆...真係煮面做伴菜都唔夠...結果等多一星期...


露台菜心...未收割前

收割下來都應該有半斤...

一塊葉都大過我既手提電話

最後...淪為一牒菜心炒牛肉...終於入"肚"為安啦...

第一次由種子種起的菜心，真係有D唔捨得食...但唔食佢愈黎愈大就唔嫩口...所以，都拎黎炒左牛肉...

唔知係咪因為自己親手種既關係...真係覺得特別好味...

補返少少現存仲有既植物相先


之前係深圳買既花架...由上而下...由左至右

1-左) 忘了...只記得係敗家友俾既香草種子咯！仲係苗

1-中) 車厘茄 - 係我最初買返黎果幾盤既其中一盤...

1-右) 貓薄荷...都係敗家友俾我既

2 - 車厘茄...查實係...上面果顆有次有粒車厘茄就黎爛...我埋左係泥...就標左3顆苗...有一顆俾可惡既虫虫食左...而家剩2顆

3 - 左、中、右 - 全部都係青椒...我自己食青椒時留既種子...原本諗住唔得架...當肥料架啦...點知又無啦啦發左出黎...發芽有先後...所以大細都有差別咯！


剛換盤同俾個架佢既大肉茄...


車厘茄開始有花LUM啦...唔知幾時結果再有得食哩...



有條毛虫係我D大肉茄苗度呀...

一路都仲未有時間係天台整返個花棚...要攪好防晒果part先得哩...

有收成真係好開心咖, 希望你種其他野都成功有收獲啦^^

有收成真係好開心咖, 希望你種其他野都成功有收獲啦^^

種得都不錯喎