rosemary 我種左4棵 , 有小樹形態 , 有蔓生形態 . 上一年剛來此網時 , 係睇人地點種 , 再去試. 大大話都 c 左3-4棵 . 而家種得最耐0既 , 有一年喇 ~ 響花墟買2小盤 , 放入一個十蚊店長盤入面種, 而家大左好多 ~
我放0既位置係天台向南 ( 我種0既香草 + 蕃茄全部都係向南) 屬半日照位置 , 平時係無點理佢 , 由得佢日晒雨淋 , 因為之前 c 左0個d , 太好服待 , 搬出搬入 ...... 有時唔記得淋水又會 , 無比太陽佢又試過 , 可能係咁 , 養唔大了 .
淋水我係大殼大殼咁兜頭淋 , 因為棵 rosemary 都有咁上下大喇 ~ 淋水時泥土亦唔會沖走 , 又唔會傷到棵植物 . 種左咁耐 , 有前輩教我 : "有咁上下日照 , 就要淋番咁上下水" , 所以人地點樣種, 只可以參考唔可以跟足 . 我以前就係跟人地咁種 , 人地放室內泥乾澆水 , 我放出面晒太陽又學人地泥乾澆水 , 所以有2棵係乾死架~
花墟好多賣0既rosemary 都係用塘泥種, 買番屋企一定要轉盤轉泥 , 香草類都係要疏水植料 , 自家種又唔換泥好快會 c |