燒衣紙

原帖由 Peter 於 2008-4-11 11:07 發表


好多時不知不覺做咗d唔環保嘅事都會有, 我想佢當時都冇想過環唔環呢家嘢

環保: 知就盡量做啦
我依家冇做的:
盡量飲樽裝可樂, 少飲罐裝 (不過百佳冇樽裝賣, 唔飲又唔得, 真係衰)
唔用膠袋
垃圾分類
舊衣回收
電器 ...

Peter, 你係咪想講"有"做呀??

嘻, 係呀, 起初想話下面的事情没有做 : 如用膠袋...
後來改了下文為  少用膠袋..., 忘記把上文改番.

我大仔睇到呢度 ........ 我大仔話 ,  用藍芽傳送 d 衣包喎 .................

咁燒衣 同 开 冷氣比，边样唔环保呢？

我真係 冧唔通喎！

初初睇到 "燒衣紙" 呢個 topic，冇乜吸引力，一直冇入黎睇！今日得閒經過，發覺已經有 4 個 pages，乜得咁好傾呢，於是入黎行o下！噫！幾有益有建設性喎！

我覺得燒衣係唔環保，呢個大家都應同！支持唔燒衣o既人都應該盡一分力去同o個D仍然燒衣o既人講解燒衣o既唔好處！當然，遇著個非常唔講道理o既就不如留番啖氣暖o下個肚，因為晒氣都應該係唔環保o既！

有D老人家覺得已經燒左幾十年，冇乜問題，而家唔燒，可能會覺得週身唔自在！咁咪同佢講燒少D囉！以前燒三大袋o既而家燒一兩札得唔得呀？一年燒幾次改一年燒一次好唔好？

羅馬唔係一日建成，聽講上帝創造天地都要用七日！今日我地接受環保教育，成績會出現o向下一代！今時今日清明去拜山個個都做哂孝子賢孫(比煙燻到流哂眼淚)，五十年後有極有可能變得空氣清新！少數仍然燒衣o既人要好厚面皮至敢當住咁多人面前燒衣！(大吉利是、唔怕得罪講句！家陣仲燒衣o個D人，50年後都...... 你明我講乜啦！)

我地唔係盧冠廷，亦冇咁多錢支持環保！(邊個話環保唔使錢)

我冇錢自己買塊地去做有機耕種！我冇錢用環保物料起間屋比自己住！我什至冇咁多錢租到個冬暖夏涼o既單位住！等我夏天可以少開冷氣、冬天少開暖氣！但我夏天會訓覺前先至沖涼，沖涼前至開定個冷氣！冬天我會prefer o向屋企都著多件衫，其實除非凍到訓唔著，如果唔係都好少用暖爐，但開一陣就夠，因為訓暖左張床就會好舒服！好多人都要番工，唔係咁多人都咁好命住近公司可以行路番工！我唔支持買環保車，但我支持搭公共交通工具。我絕對唔反對擁有聖經，只要你係好好珍惜佢！但季季都改o既教科書實在太過份！政府應該諗諗辦法管制o下！公司應該少用紙杯！應該少買外賣！放工關電腦及monitor！多用 recycle paper！封利是用舊銀紙 (可以而家就開始儲定D新淨Do既銀紙！)！用環保利是封！擦緊牙o個陣唔改關水喉！要用tempo都唔好浪費，抹o下咀o既話可以"meet"一弗抹，唔使用成張！

我地係城市人，分秒必爭，好難做到乜野都係環保環保環保！但太家都知乜野叫浪費，唔浪費就已經係一個好開始！

多謝支持環保！

原帖由 虛宿寶瓶 於 2008-4-18 14:35 發表
初初睇到 "燒衣紙" 呢個 topic，冇乜吸引力，一直冇入黎睇！今日得閒經過，發覺已經有 4 個 pages，乜得咁好傾呢，於是入黎行o下！噫！幾有益有建設性喎！

我覺得燒衣係唔環保，呢個大家都應同！支持唔燒衣o既人都應該盡一分力去同o個D仍 ...

完全讚同..
超長篇的回覆..題外話..打咁長一篇野.唔洗做咩

我邊做邊打，打左兩粒鐘o架啦！

原帖由 虛宿寶瓶 於 2008-4-19 11:36 發表
我邊做邊打，打左兩粒鐘o架啦！

西利喎