本帖最後由 jellyfishy 於 2011-11-11 14:58 編輯
或許片的某些情節, 我實實在在經歷過, e.g. 男仔借書俾我上堂 / 我主動站起身保護男同學被罰, 晚上在校玩和溫習, 其實係想和愛人一齊 / 中學快畢業時才開始愛上紥馬尾 (都係因為一個男仔) / 大學時成日想成熟d, 想找一個成熟過自己好多的男仔...
以為自己經歷過,大家都有差不多的體會? 哎呀~
不過暫時個結局係, 我還是很任性一條友周圍玩, 以前d 男友大多結婚生仔, 哈哈哈~~~~
對上一次前男友結婚前, 佢老婆主動認識我, 問我好多如何與前男友相處的事, 我又好happy和她分享, 仲寫個email 詳列如何好好相處. 她跟住無再找我, 無耐前男友問我做乜要和她老婆聯絡, 我奇怪, 有乜問題呢? 他說她太太覺得我好有問題, 點解可以教另一個女人如何愛錫自己前度. 她接受唔到我, 叫我前度唔好再搵我, 否則反面.
我覺得好正常, 真正愛或真正愛過一個人, 當然希望他/她能得到幸福. 九把刀說得對架, 見到她由心裡笑出來時, 就知自己會真心祝福她.
但點解我呢個想法和做法, 反而會俾人認為我有問題呢?? 如果這是香港大多人的悲情想法,那我也真心希望香港人多一點正能量,做番個單純的人. |