狗農莊 - 2015秋耕篇

呢排無乜陽光，收割埋最後一批生菜啦。
細種日本白蘿蔔都收割埋了，好明顯size唔達標啦，就係基肥N太重，搞到葉多唔長根。唯有下次再努力，啲葉就醃一醃當雪菜，作小炒好惹味架！

今年秋耕，收成過3種生菜，細白蘿蔔，櫻桃蘿蔔，羽衣甘藍，芫茜，三葉芹和蒔蘿，仍耐心等待西蘭花，西芹，冰菜和尖椒。
手痕玩種法國手指薯，希望成功啦，超市買成$69/KG，好貴呀，但好好食。

有一隻尖椒合格收割，收左先，希望甘樣啲營養會分比其他成長中的尖椒，或結更多果！

真係好有滿足感，邊種邊食，每次收割夠一餐，新鮮到好似食高級料理咁！
冰菜有138 grams，羽衣甘藍有48grams！

呢幾日假期，係屋企開大餐多，窗台的芫茜，三葉芹和蒔蘿就食唔停。羽衣甘藍更係salad必食之選！
尖椒一次收14隻，希望下一round都有甘多啦。下個月食埋西芹和西蘭花，甘呢個秋耕就好完滿了！
祝大家Merry Xmas！Happy New Year！Happy Farming！ 來年更豐收！

2016 新年快樂！
今早收棵最大的西芹試味，芹味十足！
我種的西蘭花係細花頭但多芽品種，所以摘左個主花芯，谷多啲則芽出！

天氣真係好暖，可以提早準備春夏耕。先清左羽衣甘藍和西芹個盤，尖椒第二輪結果應該過幾星期就收得，而西蘭花的進度只是一般。
種香草就最抵，可以keep住收好多個月，芫西剛收晒，三葉芹，蒔蘿，迷迭香和basil就繼續種住食，超市買香草好貴，自家種就最划算！

天氣真難測，突然又甘凍！將夠size的尖椒收左先，其他希望寒流過後會繼續長大啦！
其實我覺的西蘭花側芽勁好食，我呢個多芽品種真不錯，唔怪得包種子甘貴，一包得15粒咋！
好多人食西蘭花只食花，但啲葉都好好食和好有營養。老葉可以切絲炒和落湯，嫩葉快炒就得，各位農友唔好丟左啲葉呀！！

RoyalSashimi 發表於 2016-1-7 16:25
天氣真係好暖，可以提早準備春夏耕。先清左羽衣甘藍和西芹個盤，尖椒第二輪結果應該過幾星期就收得，而西蘭 ...

我仍在學習階段，希望有資深農友指點下。同埋太花心，地方細， 但種的品種多，要改善下咯。 。 。

RoyalSashimi 發表於 2016-1-22 14:33
我仍在學習階段，希望有資深農友指點下。同埋太花心，地方細， 但種的品種多，要改善下咯。 。 。 ...

露台(?) 種出西蘭花好叻喇，種得好好 ~

冰菜種子香港買的嗎？

正當大家仍在哀悼凍死的植物，或被這個又凍又濕又無光的天氣悶死，等我cheer up下大家啦！
10日前落種3個microgreen品種：芥末籽，葵花籽和紅菜頭籽，1-3星期就可以收黎放salad，三文治或伴菜都得。
芥末籽最勁，唔怕凍，生長快；葵花籽都出芽2日，生長慢左少少；紅菜頭最慢，今日才見到發芽。
它們對光度要求很低，所以成功率很高架！

大年初一，收割晒啲農作物，正式結束秋耕。整理好啲盤，準備春夏耕。
最後一次收的尖椒好細，前排無陽光嘛；西蘭花就有好多則芽。