紫草馬賽皂，油斑！？

尋日打左紫草馬賽皂，今日脱模後發現好似出油斑(? ?)如圖,  打皂時出左點問題(如下解說) ，唔知係咁影響左， 想請教一下呢底皂仲用唔用得起面部呢？

配方：
紫草浸泡油(EV) (1年半)    250g
椰子油    65g
棕櫚油    35g
NaOh  51g
全脂冰奶 120g

模具用奶盒(有銀色裡)
Naoh 與冰奶混合後温度只有25度左右，於是熱水坐熱到40度再與35度油品混合，打皂時發現有細微白色點點， 約打20分鐘trace,

這些不是油斑，應該是皂液固化時與模面污漬接觸後產生的印．　沒問題的，只係個樣無咁靚．

２５度好呀，邊個教你座熱架？鈉奶更加不要加溫啦, 40度已可燒焦D奶脂. 油和鈉水較低溫下打皂，出來的皂會比較不易起白粉及少Ｄ機會起油斑架．

jellyfishy 發表於 2014-6-9 08:51
這些不是油斑，應該是皂液固化時與模面污漬接觸後產生的印．　沒問題的，只係個樣無咁靚．

２５度好呀，邊 ...

係啊，真係好似妳所講，只係表面，切開後裡面冇問題，安樂哂

以前上堂老師教温度35~45間，雙方唔相差10度先好混合，所以我又坐返熱。。。。  

原來25度都可以，想請教油温應該幾多先混合呢？？

覺得用冰左既 奶/水 溶Naoh感覺會安全d

szszwa 發表於 2014-6-9 09:38
係啊，真係好似妳所講，只係表面，切開後裡面冇問題，安樂哂

以前上堂老師教温度35~45間，雙方唔相差10 ...

你個老師照抄娜娜媽本書教, 但又講少左D野~

點解造奶皂宜用奶冰溶鈉, 因為低溫下溶鈉才不會燒焦奶脂, 同時能保留奶的營養滋潤皮膚. 娜娜媽本書寫35-45 度, 原因呢個溫度下, 奶脂不會焦, 對新手來說, 是比較易控制在這個溫度內啫, 我見過娜娜媽, 她說這個溫度比較易掌握, 因有時要溶固體油, 如棕櫚油和乳木果, 油溫只能盡量控制不要太高溫囉. 35-45度打皂, 另一個好處是可能比較快Trace, 如打馬賽皂, 應會比低溫快一點T囉.

你說得啱呀, 用冰溶鈉, 幾時都安全過熱鈉水. 打皂咁耐, 總有一兩次糊塗架, 手有時點到冷鈉奶, 也不會感到嗱, 相反鈉水或鈉奶高溫的話, 事情就不是這樣了~

我個做法, 打皂幾低溫都得, 沒有指定溫度混合鈉水和油的, 但高溫會比較易出白粉囉, 我成日冬天溶鈉奶只有10度, 油和鈉奶混合時在20度以內, 打出來的奶皂不會黃 (因奶沒有焦, 保留原奶色), 保溫也很容易, 因皂入模已低溫, 在保溫箱內, 皂會自己升溫, 自行保溫, 所以不會出白粉及不會有失溫問題.

BY THE WAY, 我打低溫馬賽皂都係40分鐘內, 所以不會加溫打皂了~

感謝！！ 學左好多野，一路都誤以為必需要呢個温度先打到皂，下次試下用低温