天台實驗場 ~07092015

去深圳花卉市場, 由元朗出發好方便唔難搵, 不過今次得好少收穫...

兩個噴水壺


三棵水草

哈哈, 今朝用唔到平時既方法上圖, 而家終於 ok 喇, good good good ~

翠玉瓜
繼 #1 發病之後, #2 懷疑因交叉授粉受到感染,病情仲差過 #1 ...

已拔除, 諗唔到仲短命過#1, 享年 2 隻瓜
#3 情況良好, 多仔到呢 ... 不過唔敢再交叉授粉, 要靠佢自己喇...


菠菜
生得慢又唔靚, 等等下仲有棵開埋花 tim ...



甜椒
乳酪水治療漸見成效...


芹菜
剩返一棵, 要就住黎食喇 ....


收穫大葉茼蒿, 陣味好勁呀 ...


同場加映
早前送鄰居婆婆一些四季豆種子, 已經開始有收成了...



自己仲未有位下種, 好心急呀 ~


KATY << 錯覺黎, 壞既葉已經俾我剪哂

little gem


蕃茄


士多啤梨


皇帝菜 >> 食完條芯, 等緊側芽長大


早前熱到甩皮甩骨既香草, 又唔同哂樣喇...



去年自留種金魚草, 雖然奀奀細細咁, 準備開花 lu ~


孔雀草最易種


我都有火龍果苗苗啊 ~



kkhope << 係一種生菜, 幾好種又好食
週日農夫 << 火龍果苗 ? 睇住佢地生毛真係幾得意呀
toffeechu << 食完火龍果 d 核發的, 有得食有得玩   

little gem 繼續成長, 開始包心喇 ~


士多啤梨也突然加快腳步, 大左好多...


兩棵同種甜椒苗苗>>  細盆既之前自動斷頭, 現長出兩側芽, 進展良好. 大盆既繼續樣衰衰咁, 前途未卜. 唯有晌旁邊種一圈白菜, 實行食住等 ...


一直用水培既豆苗種子, 試下落泥種. 葉仔依然細細咁, 但就慳左功夫,唔洗成日換水


兩棵小青瓜差不多食完了, 一棵己拔除, 另一棵有個小回春, 繼續留低睇下點 ~


最後兩隻普通青瓜


金魚草 & 孔雀草

預算食兩次既皇帝菜, 現決定進軍第三round ....


轉泥種既豆苗, 出來的仍然係 "翡翠豆苗"...







嚴重擠迫戶 ...
裡面有 3棵萵筍, 2棵黃椒, 一堆芫荽... 實在冇哂盆喇, 兩棵甜椒唯有留返晌出生地...






KATY <<< 唔係喎, 我諗真係荷蘭豆種子先出到街市豆苗 ... 我都想要街市豆苗架, 所以換泥種, 但種唔到, 睇黎係唔同種囉 ...
joyjoy <<< 士多 6/9下種, 22/9出芽, 開頭極慢, 天涼左忽然大得快左 . 我都唔敢施肥, 淨係俾過薄既洗米水咋 ...
                    其實想要街市豆苗架, 不過呢隻又見食 d, 始終有條梗
kkhope <<< 白茄水尾喇, d茄大得慢又奀細, 而家諗緊留佢地過冬, 還是明年重新再種囉.

睇過有d post食荷蘭豆既豆苗, 吾係果回事呀
好困惑

萵筍修葉, 又食一餐 ...



皇帝菜 round 3, 收完清盆... 另一批緊接其後




Little Gem





kkhope <<< 芫茜我都落左好多架, 出得好少. 多陽光就會生得好架喇 ...
                     liittle gem 發芽係 ok呀, 長得都唔錯 ~
小寶 <<< 係呀 ~ 我種過既生菜品種不多, 暫時呢隻最得我心, 我打算年年都種呀

季度第一隻甜椒


季度第一抽蕃茄


圍住盆邊種既白菜, 已經湮沒左中間既甜椒苗苗 ...


士多苗苗迫埋一舊, 開始俾面色我睇喇 ...


回春既小青瓜, 食左兩隻之後, 其餘唔識大 ...


成日嗌冇盆冇盆, 仲有 3棵甜椒未上樓呀





之前剃頭削根產子既蘇鐵, 出返新葉喇 ~



kkhope  第一抽蕃茄好正，係大蕃茄？ <<< yes
             我之前果一粒22/10 到依家都未紅，正常嗎 <<< 正常
             買唔到盤？or要等其他遷出啊 <<< 屋企冇哂盆 &唔想再加盆, 再加太擠迫喇 ... 等收左盆櫻桃蘿蔔再算 ...

呢個星期食左 ...

白菜 ... 完全湮沒左中間養緊傷既甜椒



太迫喇, 個個搏命標高, 瘦瘦長長咁, 但好甜好有菜味 ~


搵返棵甜椒出黎, 已經好返哂重新出發喇 ~


原本諗一個發泡膠箱種 3 棵萵筍應該得卦, 結果無啦啦變成擠迫戶, 又係瘦, 失敗 !!!



收左萵筍之後, 芫茜好似傻左咁... 後面係季度第一隻黃椒, 街市種子好似真係差少少 ...


小蘿蔔 + 小青瓜 + 沙律菜 = 開餐喇 ~



新定植的蕃茄






kkhope <<< 白菜岩時候呀, 又快, 廿幾日就可以食喇 ~
joyjoy <<< 我種左好多棵, 其實唔係咁理想咋...

你d蕃茄好掂呀!!!
一揪多隻, 隻隻都好飽滿, 正呀 !!!

我果d一揪得一兩隻, 仲要吾多識大, 加上又葉黃, 又謝謝地, 應該命不久矣 !!!
請教變靚d方法 ???

KATY 發表於 2012-11-21 11:29
你d蕃茄好掂呀!!!
一揪多隻, 隻隻都好飽滿, 正呀 !!!

我都自身難保呀 ... 圖中係發現白粉虱前已結既茄茄, 有白粉虱後雖然還開很多花, 但結果率慘不忍睹 ...
蕃茄如果係無病無蟲的話, 可能都係唔夠肥 ... 我一般都係雞屎 +鉀 , 間中骨粉/海藻水/ 洗米水/ 廚餘水等, 同大家差不多.
反而我覺得樽仔堆肥效果好好, 植物中意之餘, 處理廚餘都好方便, 唔洗成日去攪個堆肥箱,
現在我所有大過 8號盆既都有插返一兩枝, 就係唔多美觀啫

睇過一個外國人 blog, 佢又係種到出神入化. d 人問佢 container 種野有咩秘訣, 佢只打左 3 個字:
fertilize!! fertilize!! fertilize!!
另外網站 mother earth news上有文章, 話蕃茄 / 青瓜係可以直接種在 compost 上的,
所以呢兩種農作物我都係用大量半熟堆肥做基肥, 出黎都幾好呀, 謹供參考

星期四難得出太陽, 收菜 ~

四九菜心 @ day 32




以為水尾, 原來還有....



蒸熟, 加芫茜蔥, 再加蒜泥 & 腐乳撈埋, 好味 ~


kkhope <<< 一般都話晴天施肥, 但打後成個禮拜都唔好天 ... 想落咪落少少囉, 隨微雨滲入泥土都好呀, 應該冇壞, 最多係浪費左啫.
小寶 <<< 謝謝欣賞 ^^

xx_Luca 發表於 2012-4-5 17:27
實驗個案 - 百x溫室泡椒

包裝上面註明 "甜而不辣", 岩哂我... 食完d籽就咁掉晌菜盆一角, 發芽率好高, 留低 ...

請間你d泡椒種子係邊度買？我剛開始天台種菜請問那裡買靚種子買呀？多謝指教!

D番茄煲羅宋湯同炆牛尾一流呀，我最喜歡用來打汁

樓主我的豆苗第2轉好硬,可能係近主桿,又唔似亍市咁正!

thx!

嘩~ 你好犀利呀, 每樣蔬菜都種得好肥大好健康呀~ 想請教你用咩泥同肥架?

日日落雨, 悶到想死呀 ~

小蘿蔔早就該收成, 一拖再拖, 終於收左 ...



原本只收 d大粒既, 當晚下大雨越諗越唔妥, 翌日連細既都照收, 果然...


清左個盆連曬泥都慳返, 已經屈左晌苗盆 40日既甜椒終於上樓喇 ~


皇帝菜兩星期冇施過肥, 越生越高又越來越瘦, 唔理喇, 照收...




悶得發慌, 浸左 d 種子準備做種子盆栽 ... 話之佢落狗c啦, 最緊要有野玩




kkhope <<< 連家中小狗都唔願意上天台, 悶到佢地反哂肚  ><
tt28 <<< 周圍濕立立, 真係好討厭呀...
蛙哥 <<< 我見好似淨係我有問題, 費事麻煩管理處啦, 現在 ok 返喇, 唔該哂 ~ ^^

kkhope <<<   40日既甜椒應該要再高大 d, 佢地屈晌苗盆, 又放蓬底少直照所以咁細粒囉 ... 種子係柚子核 & 雪梨核, 仲有d用剩既農作物種子都攞埋去玩 ...

今日終於見到太陽伯伯喇，真係開心 !!!

如果全部都出，未好壯觀 ~

星期六出太陽, 拿拿聲收咁 d 菜, 否則又唔知要等到幾時喇 ...


Cherokee Purple
第一茄要轉紅了 ~ 這是個孖茄, 一開始時 pat pat 已經有d 古怪, 是發育障礙嗎? 不知道.
那時候想過把他除掉, 畢竟是第一茄捨不得, 現在已經巴掌大了...

這品種好像很容易出孖茄 ... 這是孖茄#2 ... #3 被除掉了, 太醜看着不爽 ...


Yellow Pear
白粉虱來到以後, 把番茄們都害得很慘, 尤其是以高產著名的 San Marzano , 開了很多很多的花, 才結了 3個小番茄 ( 係兩棵加埋喎!!) , 可說是 total loss 了.
反觀 yellow pear 影響不大, 只用8 號盆種一棵, 卻一直在長果, 莫非如傳聞中真的味道欠佳 ????


火龍果苗苗矮矮胖胖, 每朝去望下, 心情自然就很好~


小香堇抽花了...


灰濛中一點色彩




趁假日做了一些種子盆栽, 好期待啊 ~



kkhope  
種子盆栽啲種子已經發咗芽 ? << 得一盆係發左芽落泥: 糯米粟 其餘只係浸左幾日, 未發芽...
咁San Marzano 依家仲有開花嗎？星期六我都係天臺玩咗好耐 XDD ! << 俾我剪哂大光頭, 而家有好多側芽, 但見葉唔見花
Yellow Pear好得意啊，真係好似啲梨掛滿樹咁 ~ 我嘅星期六趁好天換咗盤，依家仲係好細棵 ^^  << 暫時最好種係佢, 仲有好多抽茄晌高處 ... 起初睇佢唔起只用個 8 號盆, 算好爭氣喇 ~

落左兩星期雨都冇事, 一停雨反而裂左 ....



好 "肉" 啊 ~





kkhope << 以為水多會淡, 原來都幾甜喎, 仲好濃番茄味, 如果再熟透d應該會更加正 ~ 期待期待 ~
tt28 << 去年結茄時遇冷天氣, 等足 6x日先有茄食, 今年特登早d種呀... keep 住今日溫度, 你都好快有收成喇 ~
faylo << =12.8oz 出世時明明係孖茄, 收時得返一個錠, 典解呢 ....
joyjoy << 我原本想佢再熟d先摘呀
週日農夫 << 差不多成舊都係肉, 巧抵食~