天台實驗場 ~07092015

我１１月初播種的櫻桃蘿蔔, 尚很細小, 未收割。
請問櫻桃蘿蔔外形有幾長呢?

iphone 發表於 2014-12-23 23:43
我１１月初播種的櫻桃蘿蔔, 尚很細小, 未收割。
請問櫻桃蘿蔔外形有幾長呢? ...

櫻桃蘿蔔外形有幾種，有 d長形，有d 係球形 ...
球形，以我盆種來說，大約比乒乓球小一點 。
櫻桃蘿蔔一般 30 - 40 天收割，有時我嫌小再種耐 d，反而外皮變厚變老。
少少經驗，希望幫到你

紅了 ....








yeahyeah << 謝謝 ~ 可惜種左3年都未解決容易裂果既問題

嘩 ! 收成吾錯

xx_Luca 發表於 2015-1-8 15:38
紅了 ....

改善裂果發生：
1. 選擇抗裂品種，一般選擇果皮厚的中小型品種。
2. 育苗期，特别是花芽分化期温度不要過高或者過低，白天温度保持在24℃左右，夜間温度保持在15-17℃，夜温不能長期低於8℃。
3. 防止强光直射在果皮上。
4. 防止土壤過乾或過濕，保持土壤相對濕度在80%左右。
5. 增施有機肥和質量好的生物肥，改善土壤結構，為根系的生長提供良好的環境。應常補充鈣、硼等微量元素。
6. 整枝要適度，保持植株有茂盛的葉片，加强植株体體内多餘水分的蒸騰，避免養分集中供應果實造成裂果。

謝謝分享 ~

我估計係品種有關。
呢款連續種3年，年年都有呢個問題；
而同期都種過好多其他蕃茄，都冇出現裂果的。

呢 d 所謂 heirloom tomatoes，網上好多討論都係投訴裂果情況，越接近成熟越容易裂。
我諗過我能力上做到的，只係晌未熟之前採下，再放室內吽熟。
但樹上熟不是自家種植的終極理想嗎？好矛盾啊 ....

一些收成。

上面兩個熟透先摘，有點黑氣 (種是黑蕃茄品種)，但裂得好緊要。
幸好佢一路裂會一路自己修復，從未試過爛果。
中間同右下兩個未熟透，未裂。



上午唔得閒收，下午就俾雀咬了 ...



除去雀口部分，馬上吃了，食得唔好嘥 ~



好肉、好沙 ...

收獲甘筍仔兩隻



洗完白白都幾 cute 呀 ~ 是日收成 ...



今年用發泡膠箱種皇帝菜，泥深d 真係好好多，種一次開始食第四次了~



little gem 俾雀咬到呢 ...
木筷子、cd ... 全部頂唔住，第一次種生菜種到要落網 ...



無花果之前患根瘤要肢解重種，轉眼又打果仔喇，有冇機會食到呢？



母親大人欽點的 yellow pear。希望佢今年會食到厭啦，同一款種 3 年有點悶啊 ...








kkhope << 唔知今年有冇得食呢，陰影中...

樓主你好，請問現在還有種苦瓜嗎?可否分一些種子給我，我也想試種一下呢~
謝謝!

Colourful_Match 發表於 2015-2-2 15:30
樓主你好，請問現在還有種苦瓜嗎?可否分一些種子給我，我也想試種一下呢~
謝謝! ...

你好 ~
苦瓜春種夏收，現在沒有種啊。
我是街市買的苦瓜挖籽來種的，南瓜一樣，所以沒有留種子。
你也可以試試啊，當然正規種子更好一點 ~

謝謝Luca

xx_Luca 發表於 2015-1-18 18:07
一些收成。

上面兩個熟透先摘，有點黑氣 (種是黑蕃茄品種)，但裂得好緊要。

妳啲蕃茄冇包袋？
喱個動作真係唔可以懶，成熟蕃茄對雀仔來說，是一樣很吸引的東西

xx_Luca 發表於 2015-1-30 21:56
收獲甘筍仔兩隻

隻啤梨型蕃茄好靚

喱隻車喱茄唔酸甜度幾好，今年我會留籽，有冇興趣種，可給妳些種籽


剛星期天收的

silicon 發表於 2015-2-3 11:33
妳啲蕃茄冇包袋？
喱個動作真係唔可以懶，成熟蕃茄對雀仔來說，是一樣很吸引的東西
...

冇包袋呀，懶到 c ...
往年 d 雀冇攪大茄的，只咬 yellow pear。 yp 產量多，咬幾粒冇所謂啦 ~

先謝謝種子，有多就預我一份啦

xx_Luca 發表於 2012-4-19 10:21
落大雨喇, 繼續收收收收....

原來真係要追肥的, 紅莧菜前後8日的分別 :

請問你所說的追肥, 即是放那些肥料追肥呢???

xx_Luca 發表於 2012-4-19 10:21
落大雨喇, 繼續收收收收....

原來真係要追肥的, 紅莧菜前後8日的分別 :

請問你所說的追肥是放甚麼肥料呢?? 因我只是放了基肥, 而你所說的追肥, 想知道是指那些肥料, 請指教一下!

xx_Luca 發表於 2012-10-5 14:05
又來痴線小青瓜~
掛晌到得...

我是新手種翠肉瓜的, 請問可唔可指教一下, 點解你的翠肉瓜可以種得咁粗壯同咁大塊葉, 我種嗰啲只是大過塊指甲小小

我是種子放育苗盆, 等佢生左3塊葉仔就將佢移盆, 但再生出來葉都好細塊, 同會彎曲(好似個碗咁), 我去問陳X記的人, 他叫我買左包肥料,
由雞屎, 石灰等東西混合而成的肥料, 叫我圍邊放再喺上面蓋泥便可! 但會否太遲呢?? 請指教一下吧! 謝謝!

polly817 發表於 2015-3-6 13:43
我是新手種翠肉瓜的, 請問可唔可指教一下, 點解你的翠肉瓜可以種得咁粗壯同咁大塊葉, 我種嗰啲只是大過塊 ...

你好 ~ 明白基肥之後，追肥指生長期內一路添加肥料，以維持植物有足夠養份。
因為唔知道你既種植環境，唔敢推薦你用乜野肥料追肥。
比如說有機肥好多時會惹蟲，如果室內種植就唔太合適。
我本身主要用雞屎肥，再加紅牛鉀、骨粉等。另外同好多版友一樣，用下洗米水、海帶液。

瓜果類對肥份需求很大，做好基肥苗就會茁壯，順利開花打果。但盆種土力不足，需要不斷追肥。
呢個亦係我一直既難題。通常種到後期都會有脫肥既情況。因為盆種條件有限我也不強求了。
另外日照亦係重點。農作物一般需要好長時間既日照先能長得好。

翠玉瓜一個月左右就開始開花，授粉後5-7日就能收成，
而且唔洗搭瓜棚，係我最鍾意種既瓜類。
可惜我家天台好容易有白粉病，好耐都唔敢種喇，或者遲下再種過。

建議你去讀讀花園仔老師既帖，果個帖幫左我太多。( 謝謝花老師既分享 ~)
我知道個帖有點長，但早期花老師好多盆種既技巧、用料等，都講得好詳細，好值得細讀。
祝種植愉快 ~

xx_Luca 發表於 2012-3-23 00:43
多謝大家既鼓勵同加分

今早收穫既紅燈籠椒椒 :

請問紅椒應該幾時下種? 另外, 要不要搭棚呢? 謝謝

fairlady2046 發表於 2015-3-19 10:39
請問紅椒應該幾時下種? 另外, 要不要搭棚呢? 謝謝

甜椒我個人喜歡秋播。這時候播也可以。
不用搭棚，但隨植株長大，需要用竹枝撐扶。
希望幫到你 ~