天台實驗場 ~07092015

昨天早上打開雪櫃, 發現兩條食剩既大蔥, 就咁放晌度4、5日了.
又手痕切左兩個頭, 用少少水浸住...
下午 4時行過, 咦 ... 乜快成咁呀 ~



順手入埋泥 ,今朝再睇下佢地 .... 由雪櫃出來起計 24 小時


入春以來種既豆類, 次次盛花期都遇上大風雨, 今次 d 無架豆角一於搬哂入室內 ~



可能附近農田既瓜瓜吸引 d, 實驗場已經有成個星期冇見過果蠅喇... 呢隻青瓜仔被選為死士, 赤裸裸左3日, 仲有2日收成, 能否幸保不失呢 ??


茄子繼續食白果 ...


收左盆生菜, 好滿足 ~





empire  點解話茄子食白果?  <<< 一直都結唔到茄啊 ....
farfeifar  點解咁熱你仲種到生菜o既???? <<< 由發芽到收成全程放晌蓬底, 只有下午2小時西斜會曬到太陽. 現在試緊第2 round,
又係同一位置, 種 4 棵已經 c了一棵 ...我都係貪得意做下實驗啫

打完風喇 .....

除左南瓜有損失外, 基本一切完好.
大囡 ok ~


頂芽吹斷, 二囡死左 ...


巢巢下發現剛出世既三囡, 超激動呀 ...


想佢吹冧一了百了既茄子, 冇事不特止, 今朝仲開左 6朵有效花.

攪左成個月都結唔成茄, 近來每日都有殺左佢既念頭, 睇下幾時忍唔住  


風前搶收的農作物
無架豆角



燈籠椒


呢棵紅椒俾佢放任生產, 最後結左 19隻椒,
比較另一棵只留10 隻,  椒椒既 size其實都差不多

韭菜漸見雛型, 2月下種, 比想像中快


報告完畢 ~


claudiatang <<< 謝謝加分
kkhope <<< 種啦 ~ 睇住佢地開花結果真係好開心的 ~
happyjoyjoy <<< 係呀, 今年多雨水不利南瓜, 我都唔敢樂觀呀.

  

好多嘢收呀，羨慕中••••••

絕對係"菜夾人緣"既問題 ....

由4月尾開始用左2 個月時間,
白苦瓜 (4 + 4 + 3) -->  街市雷公鑿( 12 + 15 ) -->  1 棵苗

發芽率 38:1 = 2.63%



轉 plan B 播下絲瓜種子, 5 日就出左 3 棵 ...

2/7 授粉, 5日大南瓜



節瓜有幾粒囡花了, 但好似唔多健康, 有 d 黑黑地 ...  



種左 4個月的中國桔梗終於有第一個花苞, 好期待哦 ~


開左花都唔等於鬆一口氣, 勛章菊俾蟲氹氹圈食哂 d 花瓣, so 癡線呀 ~ !!!!!






happyjoyjoy <<< 節瓜今朝有 2 粒囡花黃左, 懷疑係肥傷, 上部新出的囡個樣正常 d, 睇下會點啦 ~

由第一朵花開始, 白食白住左一個半月, 終於肯出茄喇 ~
共 5 粒, but 個樣幾肉酸下, 唔知養唔養得大 ...



11日大南瓜



呢幾日再幫3個囡授粉, 全部成功



聽日輪到呢個 ...


一堆瓜b






九層塔長得好壯, 試下留種 ...



補返中國桔梗既美照, 色同形態都好靚啊

kkhope  真係好，全部都種得咁靚 ^o^ !!!
<<< 多謝你 ! 其實種得唔好, 甜瓜 & 節瓜都有肥傷, 有些囡早早就黃左... 種植好好玩亦好困難,  淨係控肥都仲有排學呢

happyjoyjoy  恭喜你呀！你的心機沒有白費！^^所有瓜瓜還有茄子真的不錯！我還沒法清理天台的大黃峰，最慘老鼠連根也整爛冇晒心機！
<<<  唔好冇心機啦,  攪掂鼠患黎緊又係秋播, 可以種好多菜菜呢, 加油加油 ~


謝謝 jeffrey 評分 ~

好勁呀～～

好多南瓜bor, 茄子都終於有喇 ~ 恭喜! 恭喜!

見過你的金不換之後, 先知道咩叫正常
我棵不生長的金不換 >>>>> 已被殺

KATY 發表於 2012-7-16 15:17
好多南瓜bor, 茄子都終於有喇 ~ 恭喜! 恭喜!

見過你的金不換之後, 先知道咩叫正常

多謝 ~
棵金不換我覺得佢唔正常先真, 邊有人會用咁大個箱種一棵九層塔呢, 佢不過冇啦啦住左大屋, 仲痴埋之前棵瓜 d 金糠之麻 ~

我收左少少種子, 你要唔要試下重新種過 ? 九層塔通常當一年生咁種 , 所以新種的係會靚 d架 .

我的南瓜未開花，好心急

種左未足兩個月

ngkan 發表於 2012-7-16 22:05
種左未足兩個月

Hi ngkan ~ 請問你既南瓜係咩品種呢 ?
我都係第一次種南瓜, 唔敢亂俾咩意見, 但可分享下種植過程  ... 我用 38cm x 40cm 盆 & 吉吉12號盆分別種左兩棵, 結果分別很大:
大盆暫時養到4個瓜, 將會試下去到 6個得唔得. 相反12號盆第一囡結既果大得好慢, 而且到現在只有2粒囡花. 可見南瓜需要大盆 + 多泥.
我諗你可以試下離主莖遠少少加幾匙骨粉俾佢, 再加返多 d 泥, 加到9 成滿最好. 另外如果一樣是迷你南瓜的話, 睇過一些資料, 以主蔓結果為主, 就要除去所有側蔓, 將養份留返哂俾主蔓去生產.
祝你成功

不是迷你南瓜，有一日食左個長身南瓜，手多多放左兩粒核落盆就種到現在

可能一係唔結, 一結 5個養唔起, 茄子大得好慢好辛苦....


其中一個睇黎最冇前途, 剪左佢慳返 d 養份啦.
前面睇已經唔好樣...


後面更樣衰到爆 ...


點都係自己既心血, 一定唔會浪費. 切開睇 d 籽未算多, 其餘 4 隻應該可以留多兩三日卦 ...
煮面時順手十埋佢, 樣衰都算啦, 仲有少少苦 ....


節瓜初長成, 預定週末剪綵, yeah ~





多謝適少少 & 蛙哥評分, 比起你地既巨節, 我呢幾隻蚊型節瓜仔真係獻醜喇 ...

happyjoyjoy <<< 如果其餘既茄子都有苦味, 打算殺左佢算喇, 可能我真係唔識種茄子   我有新既甜椒種子呀, 你要唔要種過呢, 秋播岩喎 ... 祝你既茄子多花多果 !!

farfeifar  <<< 我仲有一棵長茄子, 同樣唔多順利呀 ... 對我黎講, 暫時, 茄子係幾困難的 ...

節瓜點先可能種到你果d咁深色?
我果d係淺綠色架...

幾個茄子一齊, 有d似吊燈 ... ha ha ha

KATY 發表於 2012-7-19 15:57
節瓜點先可能種到你果d咁深色?
我果d係淺綠色架...

真係唔清楚喎 ... 但留意到佢地授粉後會少毛左同變深色 d ... 我旨意你做我枝盲公竹架, 你仲問返我轉頭  ...

有收成了 ~

18日大迷你南瓜


仲有6個長大中 ...


切開顏色唔係好橙, 但睇d 籽應該都算成熟喇 ...

煮左南瓜豬肉粒粒, 好似食栗子咁, 好好味呀 ~ !!!!

節瓜


最大的一個

用左兩個煮粉絲蝦米, 好嫩好有瓜味.  餘下 3個今晚與父母分享 .... but , 唔知係咪扯肥扯到乾哂塘, 打後既瓜囡枯得7788  ...

茄子



之前試左發育不良果隻有少少苦, 呢幾隻唔知點食好, 攞埋返去等家母攪掂佢 ...



多謝蛙哥 ~
美人 <<< 謝謝 ~ 你的蕃茄仔又多又靚, 我都流哂口水啊 ~
tt28 <<< 多謝你. 我真係太中意食呢隻南瓜喇, 所以今次收成特別開心  
KATY <<< 係呀, 同屋企人一齊分享特別甜滋滋架
joyjoy <<< 睇黎你都好快會煮南瓜大餐喇   我要睇試食報告呀 !!

你種d野全部都好靚仔,加油!

一個大家都睇佢唔起的熱帶風暴, 點解真係打得成架 !!!???

以下係由一位從未種植人仕"砌"出黎既瓜棚, 懶咩咁冇端端整咁多接口, 好唔穩陣囉 ... 究竟佢明唔明我想要咩架 ....


呢名人仕今朝仲已經潛逃內地, 今次等 C 啦, 實有得震冇得訓... 棚呀棚, 你要頂住呀 !!!!


--------------------------
我唔係擔心幾棵瓜, 話哂都食過了左心事, 係怕 d "通" 會飛插落街, 可以好大鑊架嘛