本帖最後由 jellyfishy 於 2011-1-27 09:01 編輯
今日是受傷第七天, 我想分享少少野, 在此留個記錄, 等第日痊癒後, 不會俾人話我老作.
自受傷後, 我每天都有記錄低康復進展和身體情況.
回家三天了, 這幾天發現一些有趣情況:
1. 我只有膝蓋位有傷, 但每晚11.30pm左右開始, 整隻痛腳會水腫, 第一晚我沒留意, 去到 1am, 發現隻腳很重, 原來成隻腳變左大蘿蔔, 好驚, 即刻去睡. 第二朝睡醒時, 隻腳會回復原狀, 只剩膝蓋位少少腫. 之後每晚都留意這個情況, 好有趣, 總之去到11.30pm左右, 腳就開始水腫, 像催促我快點上床睡.
2. 每朝起床, 左邊pat pat 近尾龍骨有舊肉好痛, 好似撞落地一樣痛, 轉身又痛, 坐起身又痛, 但明顯只是肉痛, 沒有骨痛. 我細心回想, 好肯定我之前是沒有dun親patpat的, 在醫院那幾天也沒有這個情況. 之後練習行路, patpat肉痛問題會減輕到唔覺痛. 總之只有每朝起床個下最痛, 痛到哎哎聲~
3. 昨天起床, 痛腳的腳根骨後方有舊肉有點痛, 少少痛, 我無理, 諗住可能呢幾日就住行路, 所以疲勞掛. 今天起床, 哎呀, 又係好似patpat肉痛一樣, 好彩腳根肉少, 行一陣, 舊肉就無痛喇.
我又回想, 昨天少了很多步行練習, 又沒乜出街, 理應腳根不會點痛, 但今日仲痛過昨日... 很奇.
我有問過醫生, 他說我的根骨回到適當位置, 附近的肉未慣, 所以就會痛, 多做鬆弛肌肉的運動, 慢慢行練習多d, 讓肌肉移番正位置, 痛就會隨之消失.
好喇, 講左咁多, 可能有朋友會覺得我傻左, 為免傷和氣, 我未必回應. 嘻... 唔好意思, 我都係想大家開心啫~~) |