我的環保水果酵素做法（17-6-2017）

wongcc 發表於 2016-2-1 19:04
salt, 其實我只是想告訴你無論膠樽的大小形狀，各類型的清潔無害的膠樽都可變成有用的容器，包括載過平日 ...

清楚明白曬！ 咁等我都洗多兩洗先。等我過兩日整完再post 張相上黎啦

好呀！等着看你的成功製作相片。

我有用環酵淋花, 有蟲的泥一樣有蟲, 所以不敢用果渣堆在泥.
另外, 我好怕雜果環酵個陣味.... 現在淨係做柑橘類的環酵咋~

jellyfishy 發表於 2016-2-3 11:27
我有用環酵淋花, 有蟲的泥一樣有蟲, 所以不敢用果渣堆在泥.
另外, 我好怕雜果環酵個陣味.... 現在淨係做柑 ...

水母版主大大，我現在也是多數用水果製作，但我會用其他少量水果和橙皮一同放入，覺得味道很是芳香，每次放氣，我都很喜歡聞那種甜酸柑橘味 ，但有一次，我整完印度古法汁後，剩下大堆薑，蒜，檸檬渣滓，為免浪費，決定用以製作環保酵素，結果，嗰次製作的環保酵素的味道，我覺得是歷來最難聞的，沒有芳香不在話下，更有股難聞的蒜味，甚至覺得是有臭味，最終我忍受不住每次打開樽蓋的難聞臭蒜味，將它丟掉，我以後都不敢再用薑蒜浸製環保酵素了。

至於用環保酵素渣滓，我好想少量試試，看看效果如何，但我是怕蟲之人，我好懼怕有恐怖情況發生呀！到時蟲蟲一家大小齊齊望住我，我實會暈低!

wongcc 發表於 2016-2-3 21:13
水母版主大大，我現在也是多數用水果製作，但我會用其他少量水果和橙皮一同放入，覺得味道很是芳香，每次 ...

蒜味...... 救命..... 我會倒晒佢去廁所囉~~~

西瓜個陣酵味也不好受....

jellyfishy 發表於 2016-2-4 15:28
蒜味...... 救命..... 我會倒晒佢去廁所囉~~~  

西瓜個陣酵味也不好受....  ...

水母版主大大，我未用過西瓜皮呀！因怕佢太硬，難分解，估唔到西瓜皮嘅味道難聞，多謝你提供呀！否則，我實有機會想試整下㗎! 諗住會多d元素嘅營養嘛！

黎啦黎啦～

整咗兩支試下先。由於膠樽的形狀凹凹凸凸。又係第一次整，所以最後都係決定穩陣d，磅重！咁就實冇死啦。。

第一支橙皮*4。

只係一部分將要食嘅水果。。

只係一部份將要食的水果。。。


有咁細切咁細，切完絲再切丁


橙皮+水


加埋黑糖



第二支1*檸檬皮、 2*tangerine 皮、 2*蕉皮。點知加埋原來仲輕過4個橙皮

第二支用的果皮

原來。。。蕉皮洗完係好可怕的 上面中間黑mama 的就係洗完的蕉皮啦 。。真想幫d蕉皮打格仔。。

如果。。萬一到時第二支好唔香，可能我就會同佢byebye o家啦。 如果冇事的話到時再試下單一同幾款果皮出黎效果有冇分別。


大功告成～

十分好呀！祝發酵成功，3-6個月後有得用啦！記得每天放氣。

wongcc 發表於 2016-2-9 11:50
十分好呀！祝發酵成功，3-6個月後有得用啦！記得每天放氣。

好o野~ 多謝你呀~ 拿拿淋去咗放氣。
等過幾日個木瓜熟埋再買多d生果黎整多幾支增加成功機率

只要比例啱，成功機會好高，如果你放氣的時候，聞到d氣味甜酸香,咁就無問題啦！如果放出嚟的氣係酸夾臭，就要注意啦！不過，我從未用過香蕉，菠蘿，木瓜呢類水果皮喎，看看你整完後怎樣效果，不過我本身都不吃木瓜的，落木瓜皮的機會幾乎零呀！我上次用咗火龍果皮，蘋果皮，橙皮，檸檬皮…等，味道都幾好，salt, 加油，努力!

wongcc 發表於 2016-2-10 09:35
只要比例啱，成功機會好高，如果你放氣的時候，聞到d氣味甜酸香,咁就無問題啦！如果放出嚟的氣係酸夾臭，就 ...

因為母親喜歡吃木瓜  我平日食好多蕉的，所以試下整，如果得咗唔洗成日掉曬d蕉皮嘛～
火龍果其實我屋企都成日食的，不過怕皮比較難洗乾淨。今次係用個刷全部慢慢擦o家 下次試下一齊落埋

火龍果今次幾乎用咗大半個，因發覺佢有陣爛味，所以食咗少少就連肉帶皮齊齊拿去做環保酵素，覺得火龍果皮特別多氣體逸出，d水被佢染到有少少紅色,好在味道都差不多，冇乜異樣。

wongcc 發表於 2016-2-10 16:23
火龍果今次幾乎用咗大半個，因發覺佢有陣爛味，所以食咗少少就連肉帶皮齊齊拿去做環保酵素，覺得火龍果皮特 ...

哎呀～ 你冇press回覆我唔知你覆咗添
下次整支好多火龍果嘅試下先（屋企成日食）。反而我估唔到原來西瓜唔好聞 我仲諗住佢本身冇乜味整完出黎都會冇乜野添

你整嘅香蕉酵素多唔多氣體逸出呀！

wongcc 發表於 2016-2-12 18:22
你整嘅香蕉酵素多唔多氣體逸出呀！

反而又冇波。。我會話淨橙o個支比雜果o個支氣體多(起碼)3-4倍呀~
啱啱去放氣，支橙樽變咗oval 型，一開樽蓋bang一聲，嚇死我了 但係有蕉o個支只係得微微氣體釋出。
放氣之前，拎起兩支睇，淨橙o個支係好似可樂咁嘅，一直有泡泡冒出。但蕉o個支冇咩動靜。
氣味方面，橙o個支一開始係比較好聞的，好香橙味。而有香蕉o個支係。。臭臭地蕉皮味 (似。。dump咗蕉皮去垃圾桶，轉頭開垃圾桶聞到嘅味) 到而家過咗4日，橙o個支依然有橙味，但冇一開始咁香。有蕉o個支而家冇一開始咁臭，有種唔知點解有d聞上癮的味，我忍唔住聞多幾聞 。。味道有少少令我諗起游泳池（唔知點解/ 點形容） 。
不過就唔知蕉o個支味道係來源自蕉/ tangerine/ 檸檬/全部加埋一齊先係咁了~

Salt 發表於 2016-2-13 06:42
反而又冇波。。我會話淨橙o個支比雜果o個支氣體多(起碼)3-4倍呀~
啱啱去放氣，支橙樽變咗oval 型，一開 ...

我見到你都有留好多空間比d氣體逸出，應該勤放氣就唔會爆樽㗎啦! 不停有氣體泡泡升上嚟，此乃正常現象，表示d菌菌努力工作，遲d當d菌菌活躍性無咁高時，就會少d泡泡，完成發酵時，泡泡幾乎不見了，逸出的氣體是臭氧（O3），不是二氧化碳（CO2）,臭氧可以改善地球的空氣質素，填補地球失去的臭氧層，你已對保護地球環境出了一分力呢！恭喜你成功在望!

wongcc 發表於 2016-2-13 08:12
我見到你都有留好多空間比d氣體逸出，應該勤放氣就唔會爆樽㗎啦! 不停有氣體泡泡升上嚟，此乃正常現象， ...

Oh no! 開支橙o個時我成啖食到“應一應”，仲係咁聞支蕉添  Ozone 有少少chlorine 味，可能就解釋咗點解會諗起泳池啦。不過呢方面我唔太熟悉所以有d保留。冇錯ozone 臭氧層係好重要，但係地面上的ozone 對人體生物有害。你都要小心d唔好吸入咁多呀！睇黎下次放氣要開個窗先得。。我怕蟲屋企差唔多係唔開窗的

Salt 發表於 2016-2-13 08:57
Oh no! 開支橙o個時我成啖食到“應一應”，仲係咁聞支蕉添  Ozone 有少少chlorine 味，可能就解釋咗點 ...

多謝提醒，係呀！所以我放嗰陣時都會唔吸咁多，讓它自由升上高空，不過，我諗咁少量的臭氧，對人體應不會有什麼傷害，猶如我們家中種的幾十盆植物，在晚上也會釋放出大量二氧化碳呀，但相比到達危害的程度仍屬小量，雖然與她們同眠，我們也不會因此而窒息呀！有利必有弊，為大自然不變定律，最緊要小心處理，便不難轉危為安了。

wongcc 發表於 2016-2-13 11:39
多謝提醒，係呀！所以我放嗰陣時都會唔吸咁多，讓它自由升上高空，不過，我諗咁少量的臭氧，對人體應不會 ...

上面bang 一聲之後，到而家我已經又去放咗兩次氣。兩次都好多呀 (多過有蕉o個支擺成日)。睇黎真係要幾個鐘放一次先得 （我又冇開窗啦。。）
Ozone 係危險在佢係好強嘅氧化劑。啱啱睇咗睇美國epa 話吸入少量已經對細胞有影響，不過好長冇興趣睇曬 。如果佢釋放出黎嘅氣體真係ozone 嘅話真係要小心d呀！

你會唔會手頭上有其他資料o家？例如佢放出黎嘅氣體有幾多部份係ozone，或更重要的 如果係ozone，咁放佢出窗佢要幾耐先升上去/ 升唔升到上去呢？ 會唔會其實o係地面停留好耐，已經同其他元素react咗變咗其他野 or 仲衰，畀其他生物吸收曬。變咗放氣開窗好似想整死出面d人咁

Salt 發表於 2016-2-13 11:58
上面bang 一聲之後，到而家我已經又去放咗兩次氣。兩次都好多呀 (多過有蕉o個支擺成日)。睇黎真係要幾個 ...

多謝提醒，小心駛得萬年船呀！我暫時仲未有，我地齊齊再搜集下資料，看看安全界線怎樣也好，到時再互報消息。