呢幾日開始係青衣有真君誕丫
睇大戲一向唔係我地D後生仔既重點....
重點係一年兩次大型賀誕(真君同天后)所帶來既一堆小食同熟食檔
首先介紹既係雞蛋仔伯伯
佢年事已高但係做雞蛋仔既品質仲係好正
好有蛋味又外脆內軟
第二位就係拉糖叔叔
佢專營拉糖波同埋用糖拉公仔
佢個檔係咁多檔中最受歡迎既...因為拉糖波又有得玩又有得食又有奬品
第三位就係碗仔翅丫姐
佢個檔係全青衣第一檔三溝翅
魚肉水餃翅....一碗可以當一餐好抵食架
D水食仲係佢自己包大大個又多料~正
第四位係車仔麵式糖水檔靚姐
佢地既糖水係可以自選材料生果
一碗糖水多種口味....仲有D泰式台式既配料
總有一種啱你口味
係得呢幾日同下個月天后誕個幾日先有咁多好野食架咋~ |