何謂香港人對月餅既文化意識？

如題。
亞女學校出既題目，雖然已經交左功課，亦明知唔合格。但基於求知精神，希望大家俾吓意見。

即係月餅的文化歷史意義，由 神話 講到 農業社會 講到 革命 ... 講到在 工業社會 的意義

香港的月餅越來越 商業化，淨係識得 食 蛋黃，食 冰皮

香港文化..係咪即係食既文化呀...香港人好似中意食多D囉...

比我會由食月餅講起，跟住講下月餅種類用料既變化...
再引起番出黎講下香港人對月餅變化既接受程度...等等...

不過我諗由我寫...都應該係唔合格架喇...

---------------------

走出廳同老公講依個題目...
老公會由送禮方面講....
去茶樓幫忙買月餅卷....第日就可以容易食飯攞到位...(變相行陏)

老公會用送禮...人情世故去講....

唉...老公作文叻過我...第日佢做野有乜借口...要細心D留意先得喇...

我講我故仔。

小時候街坊會參加一種叫月餅會的，每個月付錢供會，了中秋可以攞月餅。
當年的奇華餅家在牛頭角近九龍灣有一間店，我讀中學時常常經過的，也賣中式禮餅。
那時候很期待中秋攞餅，切餅和食餅。
當時最喜歡吃雞油蛋黃月...綠豆蓉比蓮蓉香，但質感粗。
紅荳沙月，以潮式的百合紅荳沙最經典，又以九龍城和記隆最著名。
中秋臨近，電視廣告就常常出現「五月花」酒樓的廣告，當然唔少得奇華的手執團扇美女圖。
然後阿嫲會講從前的月餅沒有盒的，要盒要加錢，月餅都是一筒四個紙包的。
而外婆就只吃五仁金腿月，那是小孩子最不要吃的月餅；更可怕的是另一種五仁果子月，甜到死。

王爺, 你咁講令我諗起歲月神偷呢套戲, 個時個個點窮都會供月餅會, 各人作用都唔同
我阿嫲都有供, 但我最冀望既反而係個d豬仔餅, 一年只會有一隻, 我都好似只係食左3, 4年咋
個時阿嫲會供到每個有家室既都有一盒....個個月都供...到中秋有得攞黎派係好開心架

e+.....做月餅咁方便, 唔洗等你供, 可以即時買...都無左個個期待既感覺咯
變左每年后生送比長輩必買同送既例行公事

係作文/project?

maybabe 發表於 2012-8-8 17:48
王爺, 你咁講令我諗起歲月神偷呢套戲, 個時個個點窮都會供月餅會, 各人作用都唔同
我阿嫲都有供, 但我最冀 ...

我住哩度仲有傳統唐餅店，中秋有豬仔，棋子餅賣。

星期六去崇光地庫奇華，有豬籠餅賣！

公司每年會派一個三黃白蓮蓉, 所以唔使再買餅喇~

Sylvia 發表於 2012-8-21 11:04
公司每年會派一個三黃白蓮蓉, 所以唔使再買餅喇~

一個！我都好似未食過三黃！

而家和記隆分左家，潮州人喜歡吃的綠豆白皮月餅味道兩家都是一樣的

月餅D由來囉，咁樣咁樣...........
香港商人會想:出冰皮綠豆，芒果趣趣...
香港小朋友=我XD (我唔細架啦= =)  : 好耶，有月餅食，嗯，好味~
香港小學老師:     講月餅之歷史，無聊到死
香港中學SCI老師: 月餅用......做成，當中GE熱量高達......   (我最想學GE野  )
   
^^  上面果D我無聊得制，玩下野咁，唔好意思= =   ^^
文化意識呀，冇咩定義WO，我覺得係文化意識=各個階層的看法  每個人必然不同

當我童年時, 就覺得食月餅, 是一種奢侈品, 親戚亦不會送這些昂貴的月餅來做禮; 後來, 長大了, 出來做事, 就有好多機會去品嚐月餅, 那個時侯, 我才真真正正開始去品嚐什麼叫月餅。 每逢中秋節前好幾個星期,  公司的廠家﹑供應商.... 就會出動, 送來一盒盒月餅, 一籃籃生果籃,  同事之間, 就會評頭論足, 每個品牌的月餅, 都拿出來試食,  甚有過節氣紛。 到後來, 某大餅店推出什麼冰皮月餅, 月餅文化就起了革命, 開始時, 都不是什受大眾歡迎, 接著不斷改良, 不同的競爭者又加入, 連雪榚生產商, 都仿造出一些月餅形狀的雪榚, 來分瓜分這個環球性月餅市場。 月餅生產商為求消貴者更方便, 月餅卷就應運而生。 現在收取月餅禮卷的感覺, 已經不及當年收到一盒份量十足的月餅,  那麼喜悅。  跟我小時候, 只得"望著"眼前那一個香噴噴的月餅, 直到中秋節正日, 方可以將它來瓜分, 真有好大差別!  月餅文化,  會隨著時態性改變,  社會索求性的不同, 在用料﹑口味﹑形狀﹑包裝... 等都起了莫大變化。  廳中放有一盒月餅, 對九十以後的港孩青少年來說, 是必然的事; 對一些基層家庭來說, 是夢寐以求的事; 對身在外地的親友來說, 是懷念的事;  月餅文化無論怎麼樣改變, 一盒傳統的蛋黃蓮蓉月餅, 對我來說, 是要珍而重之, 好好地去品嚐的事。

eve3313 發表於 2012-8-24 14:17
當我童年時, 就覺得食月餅, 是一種奢侈品, 親戚亦不會送這些昂貴的月餅來做禮; 後來, 長大了, 出來做事, 就 ...

你知嗎 ? 我小時候, 由我有記憶以來, 直到我出來做事之前, 都好似只食過1~2個月餅咋! 你生於大戶人家, 有 $買月餅來送禮, 邋有"兩大盒月餅"留來自用, 你已經好幸福架啦!  

eve3313 發表於 2012-8-24 15:36
你知嗎 ? 我小時候, 由我有記憶以來, 直到我出來做事之前, 都好似只食過1~2個月餅咋! 你生於大戶人家, 有 ...

對唔著, 我連呢d都無呀! 你可以想象得到, 你~有~幾~幸~福~呢！   

eve3313 發表於 2012-8-24 15:36
你知嗎 ? 我小時候, 由我有記憶以來, 直到我出來做事之前, 都好似只食過1~2個月餅咋! 你生於大戶人家, 有 ...

唉! 可惜現在年紀大, 人又肥, 呢兩三年, 每年都唔知有無食到一個標準月餅落肚呀!