投訴版主八王爺涉誹謗本人

園藝館管理員台鑒 :

本人在6月29日於 貴館的農業植物版發帖分享種稙菠菜&荷蘭豆的帖子; 直到7月15日, 版主八王爺在#25 的點評裡, 憑空批評本人為 "實在迷糊得緊要" , 這足以貶損本人之人格，破壞本人之名譽。

詳見 : http://hkplants.com/thread-95057-2-1.html

須知道, 這行為已足以構成誹謗的要素：

a. 有關事情具有誹謗意思；
b. 該事情已向第三者傳達；及
c. 該事情是針對某個人（或公司）。


懇請園藝館管理員能為今次事件詳細解釋, 我如何是"實在迷糊得緊要" 的事實; 否則本人將徵詢專業意見, 作進一步行動。專此函達, 順頌

時祺

園藝館館友

老公仔謹啟

2012年7月16日

別人笑你太瘋癲﹐你當他人看不穿   便算了﹐不需要投訴吧！

我睇晒成篇帖, 都睇唔到有乜問題. "迷糊"可以有好多解釋, 睡未醒也可以叫迷糊, 看不出有"貶損人格破壞名譽".

如果要咁嚴謹的話, 樓主一句"如果你是那麼清醒的話" 都已經有意對罵成份. 呢個帖若在我吹水區, 已經俾我封帖. 我唔會理邊個啱錯, 總之一律封帖以止任何對罵機會.

睇下管理員理唔理你囉. 唔理你的話, 可以找找超版kuno睇下既.  如果你想我理的話, 我都係會封帖處理.

真的很對不起，惹起老公仔的忿怒。

本人在此懇切道歉，大家花友，農友，網友。
不要動氣，傷和氣。

本人實在有不是之處，敬請老公仔大人有大諒。

老公仔, 我都希望你吳好再介懷啦, 呢個網站本意都係想有一個平台俾各位花友交流種植心得, 版內言語上冒犯到相信亦非其原意, 而八王爺亦相當有風度站出來道歉, 希望你亦同樣放開心懷, 大家交個朋友吧.....有時間既入黎我地吹水版"花朋貓友吹水幫"個post睇下啦, 人都開心d架.....

jeffreyngcm  加多個親善大使職務比你先得喇^^
我地呢D做開SALES既, 當然要順便SELL下我地個POST先得架....

多謝Springonions 鼓勵!!! 我都係希望大家都開開心心姐...

ahhung68  sell嘢點會要你親自出馬吖, 由我哋呢啲細既做咪得囉 ^^
幫主你都話自己細, 你個title長到我都吳記得啦.....我呢D先係名附其實既small potato

小野貓  呢個廣告賣得好喎~我地好開心架~要多多入黎丫
幫會既事務我好上心架....

make a concession, and you'll get room for your next step!

Give way, and get a way.

叫得王爺講野緊糸權威同有霸气la
老公仔 icon 咁可愛仲露點就吾好怪王爺la

大家睇法唔同啫！
你又唔係我，我又唔係你，無可能每次都同聲同氣。
網路上，大家都會偶有失言。還望互相體諒！

平時人地叫我豬，唔我真係一隻豬咩！
我笑位比較低，我只覺好好笑，好好玩！
我不知幾想成世人都可迷迷糊糊咁過！咁認真做嘜啫！




magichand  妳攪到我好迷糊呀!!!!  發表於 18 分鐘前
=======
都係你問迷糊出事！

magichand  8+26  發表於 1 分鐘前
===========
8+26 都話係人名嚟囉  ＝rebecca +enoch

你仲講，找C

jellyfishy 發表於 2012-7-16 17:21
我睇晒成篇帖, 都睇唔到有乜問題. "迷糊"可以有好多解釋, 睡未醒也可以叫迷糊, 看不出有"貶損人格破壞名譽" ...

Jellyfishy 台鑒 :

承蒙 閣下撥冗回覆, 就 閣下的問題, 現回覆如下 :

問 : 我睇晒成篇帖, 都睇唔到有乜問題. "迷糊"可以有好多解釋, 睡未醒也可以叫迷糊, 看不出有"貶損人格破壞名譽".

答 : 你不是我, 怎知道沒有貶損人格破壞名譽 ; 試想想 : 以後館友提起老公仔本人, 就會聯想起八王爺憑空揑造的批評 "實在迷糊得緊要" , 老公仔以後就在館友的心目中變成一個 "實在迷糊得緊要"的人, 試問這有否"貶損人格破壞名譽"的呢 ?

問 : 如果要咁嚴謹的話, 樓主一句"如果你是那麼清醒的話" 都已經有意對罵成份. 呢個帖若在我吹水區, 已經俾我封帖. 我唔會理邊個啱錯, 總之一律封帖以止任何對罵機會.

答 : 我說的是事實, 並附上良心的建議 !

專此函覆, 順頌

安祺

園藝館館友

老公仔謹覆

2012年7月16日






孖吉  正所謂 崩口人忌崩口碗，我都好同情你
=============================

請小心你的用詞 !

2020 發表於 2012-7-16 22:28
平時人地叫我豬，唔我真係一隻豬咩！
我笑位比較低，我只覺好好笑，好好玩！
我不知幾想成世人都可迷迷糊糊 ...

你唔係豬，你係馬鹿，好未？

吹下水, 傾下計, 交換下種植心得既論壇o者
吾使咁認真吓

放鬆d啦香港人

KATY 發表於 2012-7-16 23:18
吹下水, 傾下計, 交換下種植心得既論壇o者
吾使咁認真吓

我根本就是一個認真的人, 做人做事絕不迷糊 !

老公仔 發表於 2012-7-16 22:47
Jellyfishy 台鑒 :

承蒙 閣下撥冗回覆, 就 閣下的問題, 現回覆如下 :

如果王爺講的都是事實, 就不算誹謗了?

ht333147 發表於 2012-7-16 23:25
如果王爺講的都是事實, 就不算誹謗了?

那就請八王爺拿出證據來 !

老公仔 發表於 2012-7-16 23:24
我根本就是一個認真的人, 做人做事絕不迷糊 !

真唔明!人地都同妳道歉.妳想點呢?

ht333147 發表於 2012-7-16 23:25
如果王爺講的都是事實, 就不算誹謗了?

如果係TRUTH, 當然不是誹謗, 因為係事實

但即使不是事實, 如果係FAIR COMMENT, 亦不是誹謗

老公仔 發表於 2012-7-16 23:32
那就請八王爺拿出證據來 !

沒錯，Spinach Mustard 就是 菠菜！

正如：
bull dog 是 牛
sheep dog 是 羊
cat fish 是 貓
cherry tomato 是 車厘
jelly fish 是 啫喱

樓主半點不迷糊

tomtomtom  全球對水母英文的總稱及分類是啫喱, 對嗎? 孖吉老師 ! ~~~ 似唔似？  發表於 1 分鐘前

嘩~ 你玩咁大我驚俾 水母大 拍薑咁拍  

非常歡迎樓主尋求法律意見. 我對我發表的每隻字都好認真,  本人說的全是事實, 是100%出於良心的回應.  

本人認真交友, 認真玩, 認真笑. 來本館管理只是義務, 認真為各花友歡樂而工作.

如果管理員 minmin 今天16/7/12 午夜12am (即17/7/12 00時) 後仍未回應, 為免繼續有個人意見發表, 影響管理員決定, 我作為超級版主, 會於17/7/12 00時進行封帖.












last word:  認真不等於執著固執. 嗱~ 咪對號入座呀, 我提我自己咋~