本帖最後由 ahhung68 於 2012-9-7 23:40 編輯
問咗老豆點樣整糯米飯 ....
先將糯米洗淨浸水約1小時, 然後倒入個碟或盆內, 加水蓋過米少少, 之後隔水蒸, 大約半小時後, 挑起少少飯食吓夠唔夠軟身, 若果唔夠的話, 再灑一點水繼續蒸, 試到滿意為止。
老豆仲話糯米唔受水, 所以唔好落太多水, 以免糯米太"林" ~~
佢冇份量俾我到, 因為佢都只係隨心做咋喎
Juna 雄爸爸好叻呀。另外請問”林”左嘅油炸鬼,點可以脆番?
雄爸爸剛剛瞓咗啦, 不過我諗佢都未必知, 因為我記憶中我哋都未處理過老油條!
Sergio 雄爸爸真叻! 低讚!
小野貓 証明雄爸爸係有經驗...煮慣飯既人都唔使用量杯或者碗落水煮飯...放水落米都知道落幾多架~~~
有時佢真係叻過我阿媽架, 佢整蘿蔔糕好食過我阿媽整嗰啲架
Juna 糯米要調味嗎?
冇調過味, 上次整粢飯啲糯米, 原意係我阿媽整芒果糯米飯俾佢金叵羅食, 淨番啲飯, 佢買咗啲料返唻叫我包咋, 所以啲飯冇調過味! 我覺得如果做粢飯, 有好輕微的鹹味會好食啲 ~~
ChowChow 唉呀, 好想即刻整嚟食呀.........................
ChowChow 我自己鍾意飯有飯味, 咸味响D炸菜肉鬆度嚟會好D~~
ChowChow 好野 ^ ^ 幫主辦事能力超高, 釘喬釘喬
昕朝去渣甸坊買一舊頂住癮先啦 |