自家愛心糭子

愛心糭子


材料 & 做法:



糯米                    1.5斤 (浸水 6 小時---- 洗米-----晾乾水----加 1湯 匙油, ３茶匙鹽, 混合一起) (如果喜歡食硬, 不用浸水)
綠豆                    1   斤 (浸水 10小時----洗綠豆----晾乾水---加 1湯 匙油, 1茶匙鹽, 混合一起)
蝦乾                    2   両 (浸水 1 陣)
瑤柱                    7   粒 (浸水--- 整１絲絲或原粒)
粟子(新鮮)          半  磅 (用人手去皮)(如用熱水用皮, 粟子會黑色)
五花腩                半  斤 (加鹽少量和全部五香粉)
冬姑                    7  隻 (浸水--- 切１片片/ 原粒----- 加油,糖--- 混合一起)
咸蛋王                 4  隻 (原隻/分開)
糭葉                    2  札 (洗-----浸水 12小時---- 洗------加水,小許油, 加好多水烚10分鐘)
水草                    1  札 (洗-----加水,小許油, 好多水煮10分鐘)
五香粉                 2  元
油,糖,鹽, 鼓油      少許

開始包




包好後, 烚2.5小時


完成愛心糭子

要决:
用水草包糭子時要紮實Ｄ, 這樣不會令糯米鬆散.

價錢 & 份量:
大約HKD100 - 18隻


食後感覺

好香, 好軟綿綿, 不肥不利, 真的好想食完又食, 這是我第ｌ次包的自家愛心糭子

好好食的樣子啊~

包得好靚，料又夠﹗正

好叻, 一個字勁

好大工程呀....總係覺得糭係好大既工程..

嘩, 的確包得好靚，料又夠﹗
材料&做法清楚詳細, 多謝提供資料, 學習學習!

謝謝各位欣賞, 這是我第1次做愛心糭子.

noel_tt 發表於 2012-6-5 14:17
謝謝各位欣賞, 這是我第1次做愛心糭子.

你攪到我又想包粽啦, 見到都知好味道,太吸引呀,料又多又夠火路。三年都冇包過, 明天買料再戰先

好想食呀~~~  好食的話, 我日日食, 食足七日都得架~~~

四雙蛋黃, 包出十多隻啊~  梗係唔夠分啦, 一個人一星期可以食七隻了~ 你可以要造多廿隻喎~

真係要好有愛心先做到!十個讚!!!!

我打算用書局買的白綿繩包,方便又便宜

你真係愛心爆棚架！我第一次睇到有手環嘅糭。

提起包糭、講吓我的虾碌嘢。話說數年前首次學人包糭，為了減少烚糭時產生之大量熱氣、令厨房太過熱，於事想出一辦法，就是走岀屋外爛地用幾塊磚頭起一爐灶嚟烚糭，點知烚烚吓忽然落大雨，馬上在灶旁加一雨傘比個煲擋雨，然後走番入屋拿岀望遠鏡嚟睇火，睇到個火一細又走出去加柴，如是者走來走去幾粒鍾，而家唔噤再包糭lar。

Good 呀！我細個當早餐咖，到食哂果日會好失落

睇下個日曆,23號就係端五啦, 要快手包粽先得啦

講包糭,忍唔住啦

超鍾意食我媽子包嘅糭,
食多三,五,七年愈耐愈好
佢今年提早包
因為怕遲0的做手術
包唔到比我地食
我宜家唔捨得食


包糭比人家食,
食人家包的糭,
都是幸福事.

noel豬豬 ，我星期4／5會見到孖吉先生呀，可留一隻俾我（多咸蛋黃既 ），一隻俾孖先生嗎？
食完爬龍舟會快D嗎？

嘩, 流口水呀~
你真係好叻呀~

noel_tt  我食半隻後, 都好想吃第２隻, 但已經全部送給了朋友. 現在日日都想食  發表於 昨天 14:46
＝＝＝＝＝＝＝＝＝＝＝＝＝＝＝＝＝＝＝
.............



四雙蛋黃, 包出十多隻啊~  梗係唔夠分啦, 一個人一星期可以食七隻了~ 你可以要造多廿隻喎~
＝＝＝＝＝＝＝＝＝＝＝＝＝＝＝
極之認同
其中一隻要成個蛋黃既

我都想包糉...之前都試過兩次...
但我就係點都扎唔靚個糉。

可能要去上堂學點扎...