我也有A3了

我覺得我的A3長得有點怪, 但她的葉永遠都只能用一堆來形容, 生長點很亂, 而且總愛向高空發展, 葉不會過盆邊, 我拿起她的時候都像拿起蛋糕杯。

購自一零年花展, 至今種了兩年, 第二次開花。A3的開花性很好, 不用怎樣落肥都很容易開出一堆花, 俗稱爆花, 為慶祝第二次開花, 這次我專程加左料給她。

good....
你的A3好靚,
你的插花都好靚,
非常好....

很乖巧的A3，花比葉多啊！

原汁原味唔加料仲靚呢，爆花一定兩眼心心～

很美，但不怕有昆蟲嗎?

花藝

我棵A3都短手短腳，佢第一次長花苞因為環境轉變消苞（由公司搬返屋企），現在又長苞，但天氣開始熱，我怕佢都開唔成

其實A3係咪好好好怕熱同不受光？

來一幅百花齊放, 好可愛吖

將A3變了插花xd"

A3 Irish Flirt 的確是AV一族催之若騖的品種，我也曾被她迷倒，奈何她的葉真的不易弄好
個人較喜歡A3 生菜沙律的清甜呀
不過也很欣賞什錦的無限創意

專程加料~

Karine 發表於 2012-5-24 08:41
花藝

我棵A3都短手短腳，佢第一次長花苞因為環境轉變消苞（由公司搬返屋企），現在又長苞，但 ...

短手短腳, 真係斬左都唔覺。只要環境夠通風, 花還是會照常開, 不過高溫下花可能變型。
我個棵其實每年夏天都要死一次, 一到夏天D外圍葉一定會黃, 沒有活力,
到天氣開始涼, 佢中間又會開始長好多BB葉, 此時又是一棵新的A3了。
陽光方面我覺得曬一曬會靚D, 我D紫蘿蘭都好喜陽光。

Dreamer 發表於 2012-5-24 11:36
A3 Irish Flirt 的確是AV一族催之若騖的品種，我也曾被她迷倒，奈何她的葉真的不易弄好
個人較喜歡A3 生 ...

謝謝欣賞, 因為葉又係綠色, 花又係綠色, 開左好似唔係好覺, 所以加D料, 等佢多些生氣。

你的插花好有創意, 變得好熱鬧好colourful

我都有盆紫蘿蘭好似你盆咁, d 葉向下...其實因為它已經有幾年花齡....它的枝桿好似棵樹咁, 越生越高, 而d葉無盆邊頂住, 就向下生, 好似一個球形咁....
如果你想佢生番正常, 就要cut左底部d 葉, 同埋在泥中的部份, 再種入泥..., 我建設用細小小的盆...因為盆的直徑通常是植物的1/3 size

moominhin 發表於 2012-5-25 17:53
我都有盆紫蘿蘭好似你盆咁, d 葉向下...其實因為它已經有幾年花齡....它的枝桿好似棵樹咁, 越生越高, 而d葉 ...

成棵樹仔咁? 一定好得意, 有冇相可以分享下? 其實我都學過斬頭重種, 不過我個人口味比較怪, 紫蘿蘭生到棵樹咁反而覺得靚。
可能係個遺傳唔靚, 我見其他花友的A3個葉序都好整齊, 係我先種到成個波咁。