有人冇田耕，有田冇人耕

呢塊係我隔離塊田，係有人租嘅，但過去半年出現過唔多過 3 次，現在已生滿野草，生菜落種後亦冇理過，任由佢地爛在田中。
見到咁浪費真係好無奈，最奇係每 3 個月續租一次，佢地又續喎

改種野草!!!!

自然農法，高深莫測的呀

只能說有解不開的情意結「阿門」

我種園圃都有,

有d 棵菜變成左樹,

有d菜心生晒花都無人去打理,

有d 棵瓜掉晒落地爛埋都無人理,

有d有開頭無結尾, 塊田生滿晒野草~

而我呢~少許一日塊田都唔多安落~

係呀，好多嘢想種但冇位種，竟然隔離有塊田但又用唔到，真係挑戰我嘅EQ。舊年仲慘，種咗幾棵瓜又唔理，d瓜藤生到過嚟，要我剪。

野草用來養陸龜一流...

tomtomtom 發表於 2012-5-20 20:37
係呀，好多嘢想種但冇位種，竟然隔離有塊田但又用唔到，真係挑戰我嘅EQ。舊年仲慘，種咗幾棵瓜又唔理，d瓜 ...

唔知係邊區呢? 重有得租無?

曾租田耕種多年，見盡唔少三分鐘熱度的人，他們先交了一年田租，開田落種後跟著失踪，直到有收成後才再出現。又有的人成個熱天唔見面，冬天冇咁晒及蚊少的先至嚟玩過都有。
他們絕大部份跟着有機耕種潮流，只係好其心玩吓，唔知道耕種辛苦，好天曬落雨淋，最慘重要被蚊咬，更有的人見到的蟲重大聲慘叫！


重有好多慘情都講唔晒，比如的毛蟲令你身痕難頂。

其實佢想開牧場, 所以要種多d草

"又有的人成個熱天唔見面，冬天冇咁晒及蚊少的先至嚟玩過都有。"->好多，我隔離另一塊田就係咁

梗係啦,佢地有$冇時間又要表現佢地d高尚o既生活情操,
死都要霸住塊田一有mood就玩農夫coast play,但
就淨係播種同收割,因為有好多打理農莊o既工作人員
點都會出下手,佢地咪一到期收割就黎割割割,
跟住拎住棵菜影相掉上fb打句: this is my harvest!
真嘔心~~(我以前真係有同事的家人係咁~)

我都想有塊田, 我D茄逼左係窗台, D盆愈買愈大
1日都睇佢幾次
但私樓不願意開放天台做苗圃

咁請問你的田在那區呀,為何有人這麼浪費地方

西貢
兩三星期前隔離田已淸除雜草及重新翻土，種咗唔記得茄子定蕃茄。
以這兩星期情況看來，另一個播種-荒癈的循環又已開始

tomtomtom, 想請教你點整到d相咁細張ka?

arbo 發表於 2012-7-27 22:02
tomtomtom, 想請教你點整到d相咁細張ka?

我係用windows個小畫家開相，選resize，調較橫/直的數值，之後save as另一個檔案。一個4M file大概是由100改到大約10-20之間就可以了。

我都唔知幾羨慕大家租田種嘢呀
你係週末農夫?

可能tomtomtom 講果個人就糸我隔離田同一個人,又或者糸結拜兄弟,佢地行為模式一鬼樣.

係咪 "種生機" ?