白掌種植一問

昨天我媽媽朋友給了兩株白掌,她自己將兩株白掌插入同一盆內,澆了少量水,但今早看來它的葉片越來越向下垂,我媽媽以為它缺水,今早又澆了少量水,請問是什麼原因,葉子下垂,圖片再發...

剛換地方,不適應不奇怪呀
暫時乜都少種住先啦

白掌要多水架, 可以水種, 所以多水都唔怕, 泥種的夏天我係日日淋水, 但盆底唔好積水囉, 葉軟多數係缺水, 有可能係爛根, 之前原本係水種還是泥種, 如果水種轉泥種, 要剪走水系根, 等佢重新生根....上個月我水種的白掌軟葉, 根無爛, 但我都剪晒根, 放回水, 葉就挺番啦

媽媽朋友嗰盆係泥種,我而家就係唔知係唔夠水定還是水多爛根,點樣可以check呀...

poohpau 發表於 2012-5-3 14:02
媽媽朋友嗰盆係泥種,我而家就係唔知係唔夠水定還是水多爛根,點樣可以check呀... ...

有相睇下嗎??

救救小白掌, PLEASE....

有無落過肥?鷓既話就係缺水
另根太少, 應是整斷了很多, 用疏鬆既泥沙種面加水苔放多光+涼地方就ok
可剪咁d底葉

如果轉做水種,唔知得唔得呢??

嚇我一跳
乜搞成咁？
剪晒啲根，用少少水浸腳，睇下葉會唔會好啲。
想問，你媽咪朋友係唔係就咁拔出來？

佢點樣整俾我媽媽, 我真的不知道, 你咁問係米話可能佢分出來嘅時候整斷條根呀??

poohpau 發表於 2012-5-3 22:27
佢點樣整俾我媽媽, 我真的不知道, 你咁問係米話可能佢分出來嘅時候整斷條根呀?? ...

有可能，不過唔使担心，剪晒根，佢吸到水的話好快無事。白掌我有好多呀，可惜我在澳門，俾唔到你。

你住澳門, 我都係呀...
但我想問如果剪晒啲根會唔會唔得架?? 我有佢俾左兩株我地, 我想一株放係泥種, 另一株放係水種睇下得唔得...如果放係泥度種咁仲洗唔洗剪晒啲根呀??

或者將成棵白掌攞出黎，清洗乾淨根部及葉部份，然後成棵好似洗菜咁浸入清水度約30分鐘左右，再用水種，應該會挺番架勒！我同事盆白掌，曾經有同樣情況，事後都好番晒。白掌好水，水栽也可。大家交流交流，如有錯誤，請各位大大指教，謝謝。

poohpau 發表於 2012-5-3 23:02
你住澳門, 我都係呀...
但我想問如果剪晒啲根會唔會唔得架?? 我有佢俾左兩株我地, 我想一株放係泥種, 另一 ...

剪晒無事架，兩棵一齊剪晒，等葉挺番出少少根種入泥。約時間俾棵你，好快就會生好多出來。

Juna 發表於 2012-5-3 23:08
剪晒無事架，兩棵一齊剪晒，等葉挺番出少少根種入泥。約時間俾棵你，好快就會生好多出來。 ...

好呀, 等我試試先, 唔該晒!!

poohpau 發表於 2012-5-3 23:10
好呀, 等我試試先, 唔該晒!!

祝成功。

多謝各位賜教, 我盆白掌終於有啲氣色...

poohpau 發表於 2012-5-5 10:12
多謝各位賜教, 我盆白掌終於有啲氣色...

恭喜晒，加油