檸檬樹有蟲呀!!!!!!

有無人幫到我吖
呢幾日喺棵檸檬度成日都搵到佢哋

D蟲識吐絲㗎

哇~ 好噁心啊! 損失左唔少檸檬BB啊!! 好慘啊!! 呢排多雨水, 噴左苦練油都好快會沖走, 我諗你都係要用人手捉晒D蟲佢先得啦!

十粒甘多啊!! 損失慘重啊!! 夏天種野真係麻煩!! 哎~ 我個邊都有好多麻煩既白蜘蛛, 黃色飄蟲, 毛毛蟲, 蝴蝶蟲!! 搞到我都無晒心機!!

Kinawong，
我棵柑橘都好惹蟲。D蟲係葉底結網，都係要睇住人手剪葉捉蟲。試吓好天後用水勁feD蟲卵，然後噴苦楝油，睇情況幾日一星期後再噴。

去買啲 清源保 噴吓啦。大蟲就夾走佢，最緊要check 清楚啲唔好走漏。除非葉上面有蛋，一般都唔使剪葉咖，剪咁多葉好傷咖 (其實一兩粒蛋只要搣走啲蛋就得，唔使傷塊葉咖)

吐絲果啲都就嚟化蝶啦，要食嘅葉都已經食咗，都唔會再食嘢咖喇，是否處理都唔係即時的問題 (當然啦，如果佢化蝶之後即時搵到另一半嘅話都可能响你呢度產卵咖，自己決定是否而家處理啦~)