請教各位

我係超新手，見到你o地種得咁靚，而且發現自已中毒日深，所以今日係繽繽及蘭姐到買咗幾盆av小苗(好靚架，我覺得)
問個男人(蘭姐老公)換盆換泥要注意嘅事，佢話唔好換住，仲話等多半年先好換。吓? 乜唔係返到屋企就要換泥消毒咩? 咁我到底換唔換好呀? 佢仲話一個星期先淋一次水喎!? 係咪架? 會唔會缺水架?
買o個時太興奮都唔覺有問題，返到黎屋企心情平伏後就開始擔心佢講嘅野...

通常我哋買花回來，都會換泥消毒。淋水不一定要幾天淋水一次。要因自己居住環境情況而需要，當覺得盆沒水便可淋水。

原帖由 keung 於 2008-4-5 19:10 發表
通常我哋買花回來，都會換泥消毒。淋水不一定要幾天淋水一次。要因自己居住環境情況而需要，當覺得盆沒水便可淋水。

我有時懶, 都會唔換泥住(但唔好學我咁懶呀), 但會淋一淋洗絜精水之類.
而水則見到泥才淋水都OK, 一星期淋一次也不算太耐. 或你可每次淋少少(水份量少D), 但次數密一點如3-4天一次也可以.

千祈唔好用「幾多日諗一次水」呢個心態種花，
應該多注意植料幾時乾，
每日既天氣情況都唔同，
好難預架！
其實當植料有六至七成乾都可以淋花架啦

你的花如果係開花中的話, 就唔好換住,如果係冇花就可以搞咩都得

好多賣花的人都係外行充内行, 唔好理佢地講的野

請問蘭姐响邊架?係咪都係响花墟?

謝謝各位解答!
咁我要消毒先。但係都唔知應該用洗潔精水淋棵av，定應該將棵av浸洗潔精水。我已經睇咗av版45頁(可能有d睇漏咗)，有d話淋，有d話浸，如果我想澈底消毒係咪應該浸好d呢?
咁開洗潔精水係咪兩三滴洗潔精加一升水? 同埋使唔使加漂白水? 其實可唔可以用蚊香加袋焗佢當消毒呢?
如果一d換泥，一d唔換咪唔可以放埋一齊囉? 我係花x買咗個保溫箱放av，而d av只可以放係箱內，因為我兩隻貓一冇人就成日走去攪d av， 攪到跌晒落街(v大的葉子就這樣全軍覆沒，浪費了v大的好意!)，所以d av一旦離開保溫箱係等同死亡
點算? 好煩惱

[ 本帖最後由 ハマナス 於 2008-4-6 12:00 編輯 ]

原帖由 candyandbowie 於 2008-4-6 08:30 發表
請問蘭姐响邊架?係咪都係响花墟?

蘭姐係係花墟架
http://hkplants.com/viewthread.php?tid=50&extra=page%3D3

各位會員，我不是同繽繽有仇，但我不鼓勵朋友到此店買av。因為此店職員將av的敵人兔仔花放在一起賣，兔仔花的花蕊有蠓，它們對兔仔花沒影響，但對av卻是惡夢。各位下次到繽繽時，自已看看。

我係超新手，我唔明什麼兔仔花是av惡夢呀?唔可以放响一齊的嗎?

他們說的應該是"仙客來蟎" 是一種微細到肉眼看不到的害蟲,而AV受到此蟲的侵害一般的死亡率都很高,即使可救回都大偒元氣,之前有看到網友因中了"仙客來蟎"而損失近千元呢,所以大家都很怕它

Hamanasu san, 你好呀，我屋企都係有兩隻百厭貓米架，你可以試吓將d av 放响架度，然後用透明膠圍住個架周圍，响正面開大窿比佢透氣，遲d我影張相你睇吓(因依家唔响屋企),咁樣我d花花完全無問題架，當然我响每層都有落光管。你不防可一試!

原來如此!咁兔仔花係點樣架，等我知道唔好誤買左呢!

原來如此!咁兔仔花係點樣架，等我知道唔好誤買左呢!

呢度可以睇到

唔該曬，

Hamanasu san 您好!!
我最近也受這個網的影 o向，是個中毒既新手，家中也有兩隻有極度好奇心的貓， 一隻愛看花，一隻愛聞花。
我買了很多小苗，還買了些開花中的av，每次去完街回家，都發現大大小小的av 都報滿貓毛，肯定我不在家的時候，牠們都一一欣賞，間中也會碰倒。其後我將所有開花中的av 外邊都套上一個重身花盆，那就不易碰倒了，小苗就放入一個大的 2吋 高的長方型膠盆內，基本上貓兒看慣了就不會再那麼好奇了。
始終牠們也要檢查過才放心的

[ 本帖最後由 FD113 於 2008-4-6 23:53 編輯 ]

我也同意，佢地一定要去看個究竟先心息架!

原帖由 GMT+8 於 2008-4-6 22:24 發表
他們說的應該是"仙客來蟎" 是一種微細到肉眼看不到的害蟲,而AV受到此蟲的侵害一般的死亡率都很高,即使可救回都大偒元氣,之前有看到網友因中了"仙客來蟎"而損失近千元呢,所以大家都很怕它 ...

嘩! 好驚呀! 我仲將佢地擺埋一齊, 而且仲未消毒換泥, 我仲等緊好心人解答消毒換泥問題, 問題係7#到, 有冇人幫吓我呀?
我唔想第一次種就全軍覆沒

原帖由 candyandbowie 於 2008-4-6 22:29 發表
Hamanasu san, 你好呀，我屋企都係有兩隻百厭貓米架，你可以試吓將d av 放响架度，然後用透明膠圍住個架周圍，响正面開大窿比佢透氣，遲d我影張相你睇吓(因依家唔响屋企),咁樣我d花花完全無問題架，當然我响每層都有落光管。你不 ...

我已經買咗個保溫箱, 而且仲釘死係塊板到。我係屋企時先可以開蓋, 人唔係屋企同瞓覺都要蓋住。唔知會唔會焗親佢地? 冇辦法啦! 我o個兩隻百厭星佢地唔係好奇, 係好玩。如果我唔記得蓋住, d av就會瞓晒係到, 附加貓爪印記...
我個位好近光管, 應該唔使加呱!?

原先d花花住下層，但比兩隻百厭星發現後就成日掟花盆落街(樓下係坐廁)，掟咗兩次，每次都一盆不漏，之後就搬咗上樓上住。而家要睇花花都好唔方便，要企上坐廁睇，唉...




昨日買時仲未開花，今日開咗喇


有小小粉紅，好可愛