社區園圃統計與分享~

zoeyuhk 發表於 2012-3-5 16:59
園圃地點：坑口
參加日期：11年12月- 12年4月
開田安排

請問坑口係咪=常 寧 遊 樂 場 ??

葵福路社區園圃 , 有無詳細d資料如 locker/可否選田.....

園圃地點：葵福路
參加日期：09年9月-12月，10年2月- 10年5月, 11年7月-10月
開田安排
核對身份證：沒有
抽田方法：抽籤，無得選田
送茸草：有
貯物櫃：有
開田工具：齊全
環境
樹：有 (旁邊公園有洋紫荊/宮粉羊蹄甲，大量落葉，種子會掉落田中，極速發芽生根，煩~)
雀鳥：有，大量白鴿，斑鳩，麻雀，要用防鳥網，否則食光菜苗。
蟲：多蟲 (潛葉蟲，千足蟲，果蠅，蚜蟲，有老鼠，肥料需用鐵罐儲存)
其他優點：只冇廿幾塊田，人少少，一眼望晒，唔驚俾人偷野。
其他缺點：1. 1-4號田及25,26號田會被大廈/樹遮檔陽光
                      2. 淋水求其，只用水喉離遠射，較遠的田根本淋唔夠水。
                      3. 位置有少許隔涉。
整體評價（1至10分）：7

園圃地點：大圍車公廟
參加日期：11年11月-2月，12年4月- 12年8月

開田安排
核對身份證：沒有
抽田方法：抽籤，無得選田
送茸草：有
貯物櫃：無
開田工具：齊全

環境
樹：被大樹包圍
雀鳥：有少量麻雀和白鴿
蟲：多蟲多菌,植物有時會過一星期全棵死左 (大量不同種類的蟲，防不勝防）
其他優點：交通方便，附近洗手間乾淨
                有幾個玩左好多年,次次到抽到既農友,相識後好helpful
其他缺點：大樹遮哂啲太陽，30個田得4個田每日有幾個鐘陽光，其他一至兩個鐘
                聖誕花用完啲泥倒埋落田
                蚊、蠓好多,咬死人
                好難抽因固定有幾個人次次有起碼兩個田

整體評價（1至10分）：5

yky_farm 發表於 2012-7-25 17:27
園圃地點：大圍車公廟
參加日期：11年11月-2月，12年4月- 12年8月

點解可以次次都抽到???造馬??

pwhfanny2005 發表於 2012-7-25 23:14
點解可以次次都抽到???造馬??

抽就要大包圍, 執後補就要手快&耐性 ....
我係初哥, 上次 7~10月 塊田係用3個名抽, 好lucky
今次 8~11月 (唔同地方) 係執後補 ^ ^
一塊平日去 一塊假日去
兩塊都同朋友 share 一齊種好開心 ....

Vienne 發表於 2012-7-25 16:47
園圃地點：葵福路
參加日期：09年9月-12月，10年2月- 10年5月, 11年7月-10月
開田安排

有d人抽田果日會開埋田，佢唔會趕你走o既。阿經理黎一黎就閃，邊得閒理你。個抽田儀式其實幾無聊的，你不如請1號，下午慢慢搞仲好啦，果度三點前晒死人無命賠架﹗

pwhfanny2005 發表於 2012-7-25 23:14
點解可以次次都抽到???造馬??

最衰有d場要對身份証, 搞到我唔敢叫朋友幫手抽!

Vienne 發表於 2012-7-26 15:00
有d人抽田果日會開埋田，佢唔會趕你走o既。阿經理黎一黎就閃，邊得閒理你。個抽田儀式其實幾無聊的，你不 ...

唔知 葵福路 比唔比 放盆圍係田邊 ^ ^

經理覆左會比我開埋田,
我想參與抽 & 朋友未試過所以約埋,
抽完開完即下種搏3星期收成 ^ ^
下午要去另一塊田施肥殺虫擺好d海帶水和處理一下d堆肥.
依家係無咩好種, 不過要求唔高每3星期都有收成 通/莧菜,
另外種有青/苦瓜/秋葵/洛神/辣椒/蕃薯/刺莞茜/馬齒莧/艾/紫so...etc., 不過都唔會回到本 @@

我自2012年起在不同園圃參加過幾期社區園圃計劃，也想分享：

園圃地點：北角慧翠道
參加日期：2012年4月至今（間中抽唔到）

開田安排
核對身份證：冇
抽田方法：抽籤
茸草：以前有一包放喺度可以自取，今個夏天就冇
貯物櫃：無（遲D有個地盤工友用嗰種鐵籠當locker用）
開田工具：齊全，但冇鋤頭

環境
日照：被附近屋苑及學校包圍，但日照仍OK。某幾塊田夏天被大相思樹遮住，下晝兩點就冇陽光。冬天好日照位置與夏天相反，近管理員屋仔嘅田唔到中午都冇日照！
樹：就得上述嗰株相思樹
雀鳥：秋冬季節勁多雀
蟲／菌：多蟲多菌，防不勝防。夏天都幾多蚊。

其他優點：交通算方便，近樹仁學院，落巴士或小巴後行七、八分鐘到，但全程冇瓦遮頭。              
其他缺點：位處寶馬山頂，好大風，打風嗰陣會吹跌棚，花盆失蹤！

整體評價（1至10分）：7

唔記得講，慧翠道園圃有管理員長駐，星期一至五嗰位姐姐好專業，對園藝有認識，可隨時問功課。週末嗰位就純粹淋水。仲有，呢個園圃lunch hour12:30 ~ 13:30係唔開放嘅。

南區園圃我都玩過。

園圃地點：海洋公園道
參加日期：2012年4月至今

開田安排
核對身份證：冇。
抽田方法：抽籤；參加者先抽一個抽籤次序號碼，再順先後序抽田，幾嘥時間。
茸草：至少有一包任取，用哂可向經理反映再添。
泥：有一個泥倉，泥任攞，不過質地麻麻。
貯物櫃：有。
開田工具：非常齊全。

環境
日照：三面環樹，正面有新起嘅地鐵天橋，中間嘅田日照一流，近樹嗰D就唔好掂 。夏天後排全部五幅田被隔離運動場幾株三層樓高嘅大樹遮晒光，其中一幅得一個鐘日照，其餘四幅好些少。冬天就前排幾塊田被地鐵天橋擋晒陽光，全陰！
樹：真係好多好多大樹，近樹嘅田成日要執殘花敗葉枯枝爛果！後排高樹仲時不時有硬到死嘅斷枝跌落田，插穿作物嘅葉，連瓜都打爛！
蟲／菌：多蟲多菌，防不勝防。白粉病、蚜蟲、果實蠅輪番肆虐。夏天仲勁多蚊，一定要噴蚊怕水。仲有蟻、蟻、蟻，差不多塊塊田都有個蟻竇！
雀鳥：黑領椋鳥係地主，完全唔怕人。你有你做田，佢有佢喺你身邊啄田裏面嘅蚯蚓食。

其他優點：因為有泥倉，可以攞嚟培苗或放入花盆種其他作物。有冷氣屋仔、乾淨厠所、飲水機。           
其他缺點：冇皇管，D舊人鍾意用盆種好多嘢，擺上壆之餘，仲周圍放，令通道擠迫，亂糟糟！後排高樹除遮擋日照外，仲有吊絲蟲直接吊落田，又超多蟲屎跌落嚟，鋪滿作物嘅葉，恐怖！
整體評價（1至10分）：6

想問種過文昌街既農友, 園圃有冇竹枝提供?