午飯時間農夫 ~ 45minutes farmer~

花墟園圃既田好恐怖，的泥發晒毛 ><

導師話係園圃太多樹，無太陽，又唔通風令到好幾塊田都發​毛，又要清晒，落石灰消毒，十日後先重新再種
，環境根本唔適合種植就唔好比人種啦，浪費我咁多時間同​心機     

無端端無左差不多6星期先重新開始種，點種阿?   根本問題唔解決，日後都可能會再發毛，嬲爆, 以後都唔去花墟種吖！

嘩~~咩咁恐怖既
有幾多成田係咁情況呀?

我今日聽到有園友話都係咁，我無晒心機，無去打聽總共重有幾多人係咁

我上星期日見到少少毛已經打去投訴，我叫佢地搬開附近阻​空氣流通既野＆剪下啲樹，康民署乜都唔做，今日去成田都​係毛，一落重石灰，就算未有事既植物都會"乸"死，無得​救，想請問大家如果下唔落石灰落其他無咁傷既野（例如​成支苦煉油倒落去或用酒精噴）得唔得 ?   

咁依家點處理呀?
移部份植物入盆先再消毒d泥得唔得?

vivio 發表於 2011-11-13 00:13
咁依家點處理呀?
移部份植物入盆先再消毒d泥得唔得?

今日去買左石灰，天日先去攪，唯有好似你咁講，去買多d 盆＆泥，睇下救唔救到啲番茄苗  (啲菜拔晒，咁多毛菌都唔敢食，掉晒啦....)

最初以為花墟好方便，點知一啲都唔好，附近好多樹，開田已經發現有勁多樹根，非常多樹根!   再加埋遮晒啲太陽，又唔通風，正一鬼地方嚟㗎!

vivio  成尺深?直接叫佢地比個位燒泥會唔會快d?

是不是用整焦糖個啲槍燒泥？我未試過，但成塊田咁燒會唔會有排燒?

如果黎緊都係咁, 叫佢地退錢喇! 強烈投訴添喇!!!

babycherry 發表於 2011-11-13 01:44
如果黎緊都係咁, 叫佢地退錢喇! 強烈投訴添喇!!!

我剛發左電郵去強烈投訴要求解決問題，好傷心，唔投訴真係瞓唔著，我其中一株番茄已經開花啦，進退兩難，我都好想叫佢回水，但無地方可以收留我啲番茄＆放田邊既其他植物,  早知遠啲都去天水圍種唔使咁嬲  


luffy  好明白你的感受, 其實抽籤果日已見到其中一行的田冇咩陽光  發表於 6 小時前

我的田重要係角落頭，被工具屋檔住完全無風  ><



silicon  天水圍一樣有煩嘢，d泥有線蟲  發表於 昨天 21:06

但蟲可以殺，無太陽無風可以點?  只可以無奈 .......
天水圍對我嚟講最煩係好遠，開放時間又特別短，每次都好趕，唔夠時間打理農作物.....落一次田就成日比晒佢，但都唔係做到好多野

啲泥燒過會無晒微生物。

就算俾你今次燒泥搞掂,咁日後如何,吾夠陽光又吾通風,有鬼用咩,吾通要種菇咩

呀...好慘呀...6個星期的心機..1日冇曬...
比蟲食佐都冇咁嬲

原本打算尋日去處理它，但........想起之前舊園圃(天水圍)個邊導師曾經講話石灰+硫磺可以殺菌，我問殺蟲可以碼？她強調是主要殺菌，但我當時沒詳細問如何處理.........我於是問花墟的導師，她說千萬不可加硫磺。奇怪點解2位導師會講相反既野？我尋日1早就上網尋找答案，發現天水圍導師是正確的, 石灰+硫磺似乎是好方法

www.tari.gov.tw/taric/uploads/publication_no142_23.pdf

如何自製石灰硫磺合劑

1、 石灰：硫磺=1：2，加水30倍，需以小火慢煮30分以上，顏色才會逐漸從乳黃變乳棕黃。

2、 水份蒸發過多時，要持續不斷給予添加，過程中需要常常攪拌，使石灰與硫磺充分反應。

3、 過程中揮發的氣體有毒，要於通風環境製造〈站在風尾、開抽風機、空氣要流通〉，其中有效成份主要為硫酸鈣

製造過程好似有點恐怖，好有製毒feel   ........我趁老公熟睡偷偷整, 開晒啲窗＆開大抽氣扇嚟整，幾經辛苦，終於製作完成

硫磺＆水加熱，原來硫磺不溶於水

水滾後加石灰，不停攪拌，兩者成功混合, 少少臭味

30分鐘後，臭蛋味 ，立即熄火，頂唔住了  (呢個時間老公瞓醒問我帶住口罩攪乜，我唔敢講，淨係叫他立返入房，唔好問.......他都估到唔方好野.......)


過濾後，今朝測試ph 值，與純石灰水做比較，石灰硫磺合劑 接近8-9，鹼性比純石灰水低，


我的試驗是將這些石灰硫磺合劑稀釋200倍水，然後灑於泥中除毛菌，希望可以殺菌之餘又不會"乸死" 健全的植物，今日會去噴灑，希望成功啦 ><  


chambee  你好勁呀! 祝成功!!  發表於 半小時前
hempseed  希望你成功, 救到佢地  發表於 1 小時前


多謝chambee & e樂鼓勵，希望噴完會有起色啦

puffycream 發表於 2011-11-14 11:18
原本打算尋日去處理它，但........去之前想起舊園圃(天水圍)個邊導師曾經講話石灰+硫磺可以殺菌，我問殺蟲 ...

llaus  d廚具整完怎處理呀?會唔會有毒,毒死老公和自己呀????  發表於 6 分鐘前
唔使驚，用嚟煮石灰硫磺既廚具係我平時用嚟做手工皂㗎，一向分開處理，唔會用嚟煮食


zoeyuhk  祝你成功！！！！！救救小植物大街動一定得架！  發表於 9 分鐘前

多謝!  希望有效啦~

faylo說得對。那環境根本不適合種植。做咁多功夫都係勞民傷財。

祇適合種菇 lor..............糸我就吾搞lu........殺完哩次,下次又黠呢?

呢壇野都幾大... 努力..

puffycream 發表於 2011-11-14 11:18
原本打算尋日去處理它，但........想起之前舊園圃(天水圍)個邊導師曾經講話石灰+硫磺可以殺菌，我問殺蟲可 ...

祝你成功, 不過, 以後怎辨呢? 打算再種嗎?

希望你既努力無白費,

我尋日跟我阿婆落田, (佢係耕田ka) 佢塊田d菜心都死左, 佢話因為落雨, d泥發霉! 我都見倒就算普通無野傘住既田都發霉, 何況你果d不見天日既田, 我都唔明點解明知d地方唔適合種植, 仲要比巿民去抽, 浪費晒我地d心血!

同埋我見我阿婆用白石灰粉番泥, 佢同我講一星期後就可以種野!

miku 發表於 2011-11-14 17:33
希望你既努力無白費,

我尋日跟我阿婆落田, (佢係耕田ka) 佢塊田d菜心都死左, 佢話因為落雨, d泥發霉! 我都 ...

咁幾時會再抽過田呀?