土伏苓牛大力湯

土伏苓牛大力煲豬肉

土伏苓1斤
牛大力半斤
豬肉1斤
赤小豆2兩
扁豆1兩
陳皮1塊
水4斤

• 將土伏苓及牛大力切碎(生草藥檔會幫你去皮切片)，所有材料洗淨備用。
• 大火煲滾水後，加入材料再煲十五分鐘後，轉至細火，煲三小時。
  

以上食譜取自︰壹周刊(第1147期)

土茯苓味甘性平，有清熱解毒，除濕通關節，主治瘡毒，風濕關節炎，筋骨酸痛，是袪濕佳品。
牛大力是常用的山草藥，又名山蓮藕，味甘性寒，主要成份為蛋白質，澱粉質及生物鹹。牛大力功能清熱潤肺，止咳，強筋活絡，主治肺結核，支氣管炎，慢性肝炎，咳嗽等症  。
這個湯水，非常去濕清潤，南方潮濕，常喝有利去濕利尿，若有水腫的朋友，常喝有益。而且還非常的好喝。

註: 素食朋友, 可以用甘荀及竹蔗取代瘦肉

以上資料來源︰師奶網

---

以為雜誌介紹都係一般四人小家庭湯水，但這個湯，要出動家裡最大的湯煲才夠大。

材料體積不少，而且煲後體積不會改變。

依個湯好甜好好味, 阿爸話去濕好, 所以有時都會煲比我飲

請問你記吾記得材料大約幾$呢？

cklife  唔記得呀...牛大力+土茯苓幾十蚊...錢我好難記住..  

咁呢個湯，可吾可以經常飲呢？譬如連續飲２日？或者1-2星期飲一次？

CK仲想請教你呀，你有無食南棗架？有無簡單食譜介紹呢？吾該！

南棗我好少買，都係當紅棗咁食，可以當零食，又可以焗水，浸酒、煲茶，其實點食都得，好方便。

焗水你會加乜野？當水咁日日飲又得吾得？

梅雨天應該可以既...我得兩個人煲左依煲都飲左三日先飲得完。我寒底老公燥底，兩個都無問題。

春夏天都飲得嘅？

吾好意思，好多問題

今日都係煲呢個湯, 我仲加左一隻老鼠添, 真係好去濕呀, 成個人舒服晒

我屋企習慣用土伏苓+牛大力+五指毛桃