觀音財務 - 只需十五分鐘，特快批核，即日到手

一年一度的觀音借庫又來了。

觀音借庫，是傳統新年的習俗，相傳在每年正月廿六的日子，是觀音開庫的時間。

今年的農曆正月廿六，是新曆二月二十八日，善信們可以在這天去觀音廟借庫，祈求新的一年好運來臨。至於拜祭物品及儀式，到時去到觀音廟廟祝會教你。

今年新曆二月二十八日之吉時為 00:00-11:00, 13:00-15:00, 19:00-23:00, 善信可以根據自己當天的行程或工作安排前往觀音廟借庫；當日為甲寅日，沖猴，所以屬猴者當天最好不要親身入內，可以託朋友代為借庫。


去年借過庫的，今年要還庫

沒有借過庫的，今年和觀音借庫當然沒有問題．但如果在去年借過庫的話，就要記得先做還庫的儀式才再借庫，否則觀音會覺得你不夠誠意而沒有那麼靈驗。

借庫當天衣著及留意事項

另外，觀音是茹素的，如果你夠誠意的話，你可以在當天也吃素，以代表你有誠意。

借庫前要洗手。穿衣要穿新洗過的，切忌穿著沒有洗的衣服。

借庫過程

進入觀音廟之後，誠心上香，敲鐘三下，示意觀音大使，讓衪聽到，然後前往金銀庫取利是，銀碼為一千萬至十億都有，人人有份。

在祈求觀音降福時，可以將自己的願望說出來，但切忌貪心及想著不努而獲；例如祈求 "我想中六合彩" 一般情況下觀音不會處理。應求一些實際的東西，例如："我今年想要一百萬做首期買層樓"，"我想今年找到一份月人三萬元的工作" 等等；做人要有 SMART objective，去借庫也要說一些實質的數字；切忌祈求 "我想今年好Ｄ"，這樣觀音也難界定你 "好Ｄ" 之意。

財星令牌何處放？

另有財星令牌，取後回家放在流年財位，今年之流年財位在西北方；放置之時，應留意家中有否數年前求過的財星令牌，應馬上丟棄；不是說笑，我很多時候為客人看風水時都會看到這些 "過氣財星令牌"。

香港觀音庫地址

以下列舉香港可以借庫的觀音廟：

紅磡觀音廟
山東街水月宮
慈雲山水月宮
油麻地觀樓社壇
太平山街觀音廟
大坑蓮花街蓮花宮
石硤尾觀音古廟
大嶼山觀音寺

我想知有冇花友借過,係咪真係富貴咗~

以為喺廣告帖，差啲刪除咗！


還有，我屬猴，入去搞串個派對先！

仲有八鄉古廟呀

正月廿六。。。。不是西曆17嗎？

我依足手續年尾時還哂, 仲燒埋所有舊利是, 財星令牌同一大條壽金! 今朝如常刷牙洗面去, 當係洗咗手啦   以前啲人教著啲舊衫爛衫去, 所以著咗件爛的棉褸, 都算係洗過啦~~ 不過冇敲鐘冇打鼓吖, 今朝唔係多人, 我諗觀音會見到我既 我祈求的事好簡單, 只係屋企兩個老人家身體健康, 唔使憂兩餐便算了 最後早餐食咗個粢飯, 齋唻架, 不過頭先叫午餐嗌咗個雲吞雞

後話~
年尾去觀音廟還庫時, 是需要燒一條大壽公, 因為嗰度係有專人幫手燒, 當我俾咗條壽金個廟祝後便調頭走, 之後我阿哥見勢色唔對, 走去望一望, 見到個廟祝向另一個幫手打眼色, 個幫手先即刻喺抬底攞番條金出唻燒! 好多時真係要親力親為, 否則完成唔到個手續

15分鐘未必得...要排隊ga~

ahhung68 發表於 2012-2-17 11:36
我依足手續年尾時還哂, 仲燒埋所有舊利是, 財星令牌同一大條壽金! 今朝如常刷牙洗面去, 當係洗咗手啦   ...

原來咁多規矩,有冇富貴咗呀??

enemy 發表於 2012-2-17 11:37
15分鐘未必得...要排隊ga~

以前跟阿哥夜晚去排隊, 搞到12點左右先借到, 近呢兩年冇啦, 朝早7點前去, 唔使排隊, 真係唔使10分鐘便借完!

corina 發表於 2012-2-17 11:42
原來咁多規矩,有冇富貴咗呀??

冇特別大富大貴, 但唔使憂柴憂米便已好足夠喇

觀音信仰真係好特別,源於佛教,本身係古佛,現菩薩身,唐代以前現男相,及後多現女身,中國普陀山係觀世音菩薩道場,觀世音菩薩既大慈大悲深入民心,'家家彌陀佛,戶戶觀世音',由此可知觀音菩薩對群眾中的深遠影響,甚至道教,民間宗教亦敬奉觀音,觀音借庫明顯是中國民間信仰習俗,展現出中國信仰的多元性和包容性!

同事特登請假去, 佢話靈喎

呢個標題好正~ 搶眼又攪笑~~~