你喺唐太你點做？

哈哈, 我估唔係關新時代嘅思想事

...只係因為在港女眼中啲香港男仔太不濟

八王爺  果然有新時代嘅思想。我覺得好多女人唔接受未婚產子咯！

俗世的眼光是一回事。自己拉大一個孩子不容易呀﹗有什麼頭暈身熱，一個人真的很徬徨。就算經濟完全沒問題，面對孩子的問題都不容易。玩別人的B當然好玩，一哭就交回給媽咪。做媽咪的就自己知自己事。

vivi 發表於 2012-2-21 12:28
係啦, 小朋友最慘, 唔可以名正言順咁叫爸爸, 唉
大人的事, 為什麼要小朋友受苦吖

咪係囉,我家主子佢老豆,成日叫我生b,生b,我心諗生就容易丫,10個月,花時間去教丫?你肯教人家肯听咩,如果第時佢問返轉頭你點解生我,咁點答丫,所以我打死都唔生丫,而家個世界咁亂,大人都難以適應,所以比我呢,我養貓貓算了

enemy 發表於 2012-2-21 16:51
生仔唔一定要嫁ga

點評
八王爺  果然有新時代嘅思想。我覺得好多女人唔接受未婚產子咯！


我唔係唔接受未婚產子...

只不過我覺得我會考慮對小朋友最好方面著眼, 一個家庭, 冇左父 或 母, 對小朋友成長都係好大的障礙

所以返轉頭我地開始講嘅, 好多媽媽唔"離婚" 都係為左仔囡, 唔想佢地冇左是但一個囉

claudiatang 發表於 2012-2-21 17:06
八王爺  果然有新時代嘅思想。我覺得好多女人唔接受未婚產子咯！

俗世的眼光是一回事。自己拉大一個孩子不 ...

冇錯吖, 要帶大一個孩子, 唔係講玩, 佢一生就交左俾父母

坦白講, 當年阿媽以為唔和老豆離婚會對我地好d, 但我地三兄妹一致認為呢個係超錯既決定.   就算有父母有尋常家庭, 陣間又話驚變左怪物家長...  世界根本無完美, 要點睇件事和自己身世, 都係自己點睇,  我今日好幸福, 因為我感恩過去愛過我的人, 多謝傷過我的人, 因為他們令我健康成長.

reply Karine  "你個人思想正面啫~ "

思想正面d, 好事會多d, 人都靚d. 以前我好多野睇唔開, 成人後還怨點解自己背景複雜, 點解舊男友嫌我呢樣個樣, 點解最錫我的家人都早過身, 點解點解... 係咪我成日做錯? 點解全都係我錯????

那時身體唔好, 手腳多病痛, 精神大起大落.

現在睇開了, 常常提醒自己, 要原諒自己原諒別人, 有乜事就當係天給我的恩典, 感恩啦~ 有時明明俾人過左一野, 都要在心多謝佢, 心都會笑自己傻傻地, 但漸漸地, 開心左好多, 身體好左好多, 面上的細紋都少了, 唔知點解, 連身邊人都對我好左 (可能我少左怨言掛~ 哈哈~)

正面d開心d, 好事自然來~ 我完全感受到啊~ 呵呵~  所以呢, 如果我做一個男人後的女人, 我都會甘願頂硬上, 背黑鑊, 有乜所謂, 一家人麻~ 當然, 個男人唔顧家唔理我的話, 咁就要諗諗喇~

(游左出公海, 又遊番正題~  攪掂~)

jellyfishy 發表於 2012-2-22 09:06
reply Karine  "你個人思想正面啫~ "

思想正面d, 好事會多d, 人都靚d. 以前我好多野睇唔開, 成人後還怨點 ...

好似曾經聽過有人做左個研究，睇下積極性思想同負面性思想對病情有無影響，佢地將同是末期癌症既病人分開兩批，一批係唸住自己會好返，另一批當然唸住自己無希望。最終，思想正面那批既存活率高一賠%，同比預期壽命延長了。當然，我薺聽，無深究個研究，因為這資源是吹水吹返唻。

但，以思想帶動行為來推斷，我認同，思想正面積極係會帶來好事同遇到好人，好簡單推落去，如果個病人認為雖然係無咩希望，但我可能會係例外，所以，㨂健康野唻食、戒煙戒酒、早睡早起、做運動，準時食藥，笑多點。相對性這些行為係對病情有幫助。

Karine 發表於 2012-2-24 02:20
好似曾經聽過有人做左個研究，睇下積極性思想同負面性思想對病情有無影響，佢地將同是末期癌症既病人分開 ...

大家喺咪想講人嘅精神可以超越肉體？

八王爺 發表於 2012-2-29 06:27
大家喺咪想講人嘅精神可以超越肉體？

係用意志戰勝逆境

八王爺  咁阿妤淺都好利害。佢真喺唐狗嘅精神支柱。

有無追電視劇, 容許我形容阿妤淺係唐生既鍾無艷

而家傳有c生子,我可唔可以改我原先既選擇呀?

我想改做同唐生劃清界綫。

wendy_choy_hk 發表於 2012-3-6 21:35
而家傳有c生子,我可唔可以改我原先既選擇呀?

我想改做同唐生劃清界綫。  ...

唉, 查實D有錢人, 好多都有幾個老婆, 幾打私生子咖喇, 只不過冇事冇幹冇人提之嘛

vivi 發表於 2012-3-6 15:00
唉, 查實D有錢人, 好多都有幾個老婆, 幾打私生子咖喇, 只不過冇事冇幹冇人提之嘛 ...

哎吔....被你講中咗添！

我老豆就喺大婆生，佢又喺大仔，佢威晒架！
我阿叔喺妾氏生，所以好冇地位。

再講，如果唐唐上咗位，改婚姻法，可以一夫多妻，
為咗佢個私子可以光明正大。
咁我實支持佢！
我都想有幾個老婆架！

八王爺 發表於 2012-3-6 22:37
哎吔....被你講中咗添！

我老豆就喺大婆生，佢又喺大仔，佢威晒架！

我大膽啦你, 想要幾個老婆, 你D公主唔肯過你啦


唔怪之得你叫王爺啦 XDDDDDDDDDDDD

早兩日睇爽晚報, 有篇文章好好笑 :

豪言大志：香港人不是唐太

唐太，你好偉大，你好愛你丈夫，你丈夫也好愛你，和其他人。
唐太，你說唐唐是99分的爸爸，講得好，因為仲爭嗰一分，不是你一家人可以說了算，其他小朋友也有權對呢個爸爸畀分。
唐太，你說浪子回頭很重要，不要再往後看。我同意，對唐唐毋須向後看，前面一樣咁多嘢睇，日日新鮮，毋須笑舊料。
唐太，你說唐唐是最有理想、有包容及有遠見去幫助香港。
唐太，我都信唐唐隻手係可以包容唔同女人嘅膊頭，但講包容，唐太你點都略勝唐唐一籌。
董生腳痛前都好有理想好有遠見，隔籬屋三嬸炒燶股票前都好有理想好有遠見，車路士啱啱畀人炒嘅領隊波亞斯都好有理想好有遠見……但無能唔可以用理想代替。
正如唐唐娶你嗰陣都好有理想想搞好頭家，點知佢想得太多，搞好埋隔籬街嗰個……
唐太，你接受訪問，想用你同丈夫嘅恩愛，洗脫佢負面形象，但你有幾愛唐唐，關我哋乜事？憑乜嘢佢愛你，就畀個香港佢管呢？佢要做香港特首，唔係最佳老公喎！
我哋唔係因為佢偷食而唔想佢做特首，曹操「唯才是用」，雞鳴狗盜之輩照樣採納。但對不起，唐唐的財我哋看見了，他的才，和二千呎地窖一樣，睇唔到囉。所以，唐太，我哋不能像你一樣，硬啃佢。
你不肯和唐唐離婚，這是你情比金堅，但我哋直情唔想同佢相睇！
唐太，你話要愛一個人，就要給他自由。太好了，如果唐唐真係咁愛香港人，可否畀我哋自由，唔好搞我哋？

doko 發表於 2012-3-15 10:25
早兩日睇爽晚報, 有篇文章好好笑 :

豪言大志：香港人不是唐太

笑S咗......

對於唐唐的所作所為, 可以簡單兩個字形容 - 人渣

doko 發表於 2012-3-15 17:25
早兩日睇爽晚報, 有篇文章好好笑 :

豪言大志：香港人不是唐太

我地想要一個"突手"
唔係要一個偉大的情人哩

不過講到"愛" , 唉....唐太護夫, 都係愛的表現
講真吖, 當真係愛一個人, 對方做錯咩, 其實都真係可以當冇件事咖
對方點傷害自己, 都會忍受.....


但我始終覺得, 呢一場係"戲", 根本冇愛/唔愛

vivi 發表於 2012-3-16 05:33
我地想要一個"突手"
唔係要一個偉大的情人哩

我覺得最應棍喺，女人可以愛一個男人，
但唔喺全港巿民都可以愛果個男人咯！

唔可以因為一個女人愛哩個男人，
就強奸晒我地全港巿民嘅爱情！