有趣笑話

(麥兜午飯真人真事版)
老婆同老公去餐廳食晏
老公: 唔該乾炒牛河
侍應: 冇呀
老公: 咁.......乾炒牛意
侍應: 都冇
老公:呀...............乾炒牛肉米,有啦架
侍應: 冇.........................冇牛肉
老婆偷笑: 麥兜真人版.............哈哈
老公怒啤.........

今日係咁俾人質.......年份, 歲數, 諗番起嚟個笑話, 兩年前....

仔: 點解, 十八歲果啲人都係姐姐嚟, 但係你就係媽咪嚟嘅?
媽: 哦...我好細個, 就俾人呃咗生仔.
仔: 爸爸? (憐憫樣子, 帶同情聲調)
媽: .......(忍緊笑, 無回答)
仔: 爸爸呃你呀?
媽: 係....(答得好細聲, 個咀唔可以張太大, 怕笑咗出嚟)

仔即刻跳上sofa, 用兩隻手臂仔攬實媽咪

仔: 唔怕, 我會幫你報仇.
媽: 點報?
仔: 等我大個咗, 就會對付佢...

昨日上淘宝想搵個山寨手機充電器, 見到有間山寨舖寫住: 本商店之充電器只適合正版手機, 山寨手機免拍.

當時冧咗一陣

又有次上淘宝睇Blu-ray (睇咋, 唔係買呀), 有間老翻舖寫住: 近期有無恥之徒出售劣質之藍光碟....., 嚴重影響本行聲譽....

我冧賣老翻有幾好聲譽呀.

聽左你兩個既, 我都來一個來自朋友既 :
朋友剛剛買野既時候聽到人群中有人喊 :"全部不得好死!"
當然即刻回頭看看發生咩事, 原來佢在買筆 !
絶無其視, 純粹覺得好好笑, 想分享

acmc 發表於 2013-5-16 21:48
今日係咁俾人質.......年份, 歲數, 諗番起嚟個笑話, 兩年前....

仔: 點解, 十八歲果啲人都係姐姐嚟, 但係 ...

請問，你個仔幾歲？俾定D心理準備我好D！
我果個而家6歲，而家淨係識lum我我咋

2020 發表於 2013-5-27 23:08
請問，你個仔幾歲？俾定D心理準備我好D！
我果個而家6歲，而家淨係識lum我我咋

8歲啦，我就19歲，仲要係兩年先大一歲，
9年就完成幼稚園至大學課程，大約跳左9次班，
唔知得幾歲就結婚，太細個所以唔記得左，
跟住好多野都唔記得，可能俾人激得多，激氣激得多仲會死，

仔: 媽咪你跳左9次班呀？好勁呀！
爸:係呀你媽咪好叻架。
仔：爸爸你25歲，咁你有無跳班呀?
爸：緊係有啦，但無你媽咪咁叻，你遣傳基因好好架，你俾心機讀書，好快就會跳班架啦。。。。。。。

我個比較天真，大家笑住講左ㄧ大餐，最尾佢講左句：

仔: 你地呃人.

acmc 發表於 2012-2-16 13:54
咁就出奇，女我就唔知，同啲家長傾，啲仔十個有九個半都會覺得自己個媽咪係全世界最靚果嗰，句句都係話媽 ...

2020  係呀係呀，lum到妳爆！

由佢開始識說話, 我嘅"美貌"就變得天下無敵...................哈哈哈哈

你可以當笑話聽, 但我相信佢講嘅係真心話, 原因係同"情人眼裏出西施"一樣.

acmc 發表於 2013-5-28 09:26
2020  係呀係呀，lum到妳爆！

由佢開始識說話, 我嘅"美貌"就變得天下無敵...................哈哈哈哈

係呀係呀！
我：哥哥，你班女同學邊個靚D呀？
仔：媽媽靚D!
我：我講同學呀。
仔：都無靚過媽媽！
媽媽由心甜笑出嚟！

方死lum我唔死咁！