有趣笑話

實在好眼瞓~

不如講下笑話提下神，你地有無笑話可以分享下~

唻啦，唔該呀~講個唻聽下~唔係今日唔知點過

http://lifestyle.etnet.com.hk/column/index.php

自行發掘啦

ht333147 發表於 2012-2-15 11:01
http://lifestyle.etnet.com.hk/column/index.php

自行發掘啦

每日金句  
  時間最不偏私，給任何人都是二十四小時；時間也最偏私，給任何人都不是二十四小時。 ——赫胥黎

從你提供既 website 我發掘到以上金句
   
令我想起 : 有個朋友, 佢話佢佢上司每日癲三次, 每次癲足 8 小時 ~ 所以佢都好想對住佢每日呆二次, 每次必須呆夠 12 小時, 而我話我真係好眼瞓, 想瞓足 24小時.

眼瞓到而家

還有很多好睇的, 又有韓寒, 岑逸飛, 鬼故, 愛情故事.....

ht333147 發表於 2012-2-15 18:42
還有很多好睇的, 又有韓寒, 岑逸飛, 鬼故, 愛情故事.....

綜合網噃~好。趁放左去發掘下先

講個攪笑經驗先，今日坐小巴。
乘客：＂司機，請問總站响邊呀？＂
司機：＂總站咪總站囉。＂
乘客：＂司機，我想問總站响邊呀？＂
司機：＂都話總站咪總站咯。＂
乘客：＂我想知總站响邊呀？我想知响邊度落車呀。＂
司機：＂哦，咁你係咪想响總站落車呀。總站咪响XX囉。＂

我~當堂精神哂，仲要忍笑添。

不如講個真實笑話你聽啦
朋友個仔比較活躍，為免佢在餐廳搞搞震，朋友同個仔講：哩間高級餐廳嚟咖，坐定定，唔係會俾人話咖
朋友個仔坐了一會，問佢老豆： 爸爸，點解高級餐廳張枱布穿咗嘅。

比得大帝 發表於 2012-2-15 21:14
不如講個真實笑話你聽啦
朋友個仔比較活躍，為免佢在餐廳搞搞震，朋友同個仔講：哩間高級餐廳嚟咖，坐定定 ...

哈哈~

咁我又講個男仔既真實笑話，但講明先，當時人覺得非常唔敢笑。

話說有日呀媽同呀仔（三歲左右）搭屋村村巴，一車差唔多十幾人，駕車坐夠人自必然開車啦，行行下，天真的小男孩問佢媽媽：

＂媽咪呀，點解坐隔離個男人塊面有粒＂墨＂（痣）既？＂聲線清晰响亮，全車聽得見，除左專心駕車既司機。

媽咪自必然細細聲，細到蚊枝咁細聲同個仔講：＂你唔好理人啦，前世未見過人生左粒墨咩？＂

＂唔係呢，媽咪，隔離個男人粒墨真係好大粒呀！＂

媽咪用眼眇左隔離一眼，洽巧個男人都眇過唻，眼神雷電交加一回，媽咪避都避唔切，即刻又細細聲同個仔講：＂你唔好理人啦，人地生左粒大墨關你咩事呢吓呀仔，順便用兇狠既眼神恐嚇佢個仔，示意佢唔好再問。

佢個仔得三歲之嘛，邊get到d咁高級既眼神表達，然後仲好似發現新大陸咁同佢呀媽大大聲咁講：＂媽咪，我真係未見過有人粒墨會生頭髮架，又短又攣架，你睇下啦。我無呃你架。＂

佢呀媽已經鑑介到想跳車咯。

講起呢個小朋友童言無忌  ~

有次, 呀媽又帶住個仔坐港鐡 , 排排坐, 食粉果, 然後 ~ 小朋友開始悶啦, 就周圍望, 望到 d 好野, 即刻同佢媽咪分享 :

" 媽咪呀 ~ 你睇下, 對面個女仔靚過你好多呀! 我想過去同佢坐呀 , 得唔得 ?"

媽咪 "...........................................
再 "................................................

邊個話做媽咪要靚 ?? ha ha

Karine 發表於 2012-2-15 20:30
綜合網噃~好。趁放左去發掘下先

講個攪笑經驗先，今日坐小巴。

XX意指粗口? 咁有咩好笑?　我就只係怕會打架．

我有一次去發叔度，撘小巴，
我：唔該你到邊度就叫我落車
司機：　總站囉　（好勞氣）
我：咁唔該你到總站叫聲我，我唔熟路
司機：你咪總站落囉（好勞氣）　
我：你条循環線，我點知邊個站係總站呀
司機：得啦．．．

遇到我咁有禮貌都咁，佢真係自己攞嚟瘀

acmc 發表於 2012-2-16 13:46
XX意指粗口? 咁有咩好笑?　我就只係怕會打架．

我有一次去發叔度，撘小巴，

一但我地坐上左小巴, 我地既生命財產就已經同小巴司機個太盤一樣身不由己, 所以唔好刺激佢地既情緒

Karine 發表於 2012-2-16 13:42
講起呢個小朋友童言無忌  ~

有次, 呀媽又帶住個仔坐港鐡 , 排排坐, 食粉果, 然後 ~ 小朋友開始悶啦, 就 ...

咁就出奇，女我就唔知，同啲家長傾，啲仔十個有九個半都會覺得自己個媽咪係全世界最靚果嗰，句句都係話媽咪最靚，無第二個答案架，嚟個緊係想無啖好食！

家吓啲小朋友一返學，　就好鐘意話，　鐘意邊個邊個，　邊個邊個今日話好鐘意佢呢啲嘢．

媽　：　同學Ａ幾好呀？
仔　：　太矮
媽　：　同學Ｂ都唔錯呀？
仔　：　佢帶眼鏡
媽　：　吓？
仔　：　係呀！我好嚴格

媽同仔都靜咗一陣

仔　：　其實我想同妳結婚，不過爸爸已經取咗妳
媽　：　咁我幫唔到你
仔　：　咁你幾時同爸爸離婚?
媽　：　到時第一時間通知你，　你到時諗住跟邊個?
仔　：　妳
媽　：　點解?　爸爸有份工，媽媽離婚即刻失業
仔　：　因為妳醒目過爸爸，所以唔洗怕

回到未拆利是, 媽好嬲時

媽 : 我唔要你, 你走
仔 : 俾一次機會, 我以後唔敢
媽 : 無得傾, 你走, 你唔走我拋你出門口
仔 : 咁可唔可以攞埋啲利是呀?
媽：好，你去攞啦
（仔入咗自己間房用個袋，袋咗啲利是，但其實有一半係媽個手袋，佢竟然．．．．）
仔：仲有兩封angrybird呢?
媽 : 係我手袋度, 俾返你
  (仔望住個手袋問)
仔: 仲有無其它　？
媽：無啦啦啦．．．．
媽 : 你咁細個攞住咁多利是會被人搶
仔 : 咁你俾張信用咭我, 等我入返自己個a/c
媽：你都做乞兒囉，仲要啲利是仲咩？
仔：咁我唔可以得0蚊, 我都要食嘢
媽: 咁你執埋啲衫走
（仔不停在執故事書）
媽：你都要瞓街囉，學都唔洗返，仲要啲書嚟仲咩？
仔：咁我係街度，　都要睇吓書架．．．

仔係唔係好冷靜同有文化呢?

acmc 發表於 2012-2-16 15:30
回到未拆利是, 媽好嬲時

媽 : 我唔要你, 你走

點解你尋日唔出現, 尋日睇呢 d 笑話咪好過飲 10 杯咖啡囉  ~

我覺得呢個仔只不過係唸住行開幾日, 好似去 camp 咁, 要 d 零用錢使下, 同故事書打法下時間咁..

就好似男人要有 d 私人時間獨處攞靈感一樣

Karine 發表於 2012-2-16 15:42
點解你尋日唔出現, 尋日睇呢 d 笑話咪好過飲 10 杯咖啡囉  ~

我覺得呢個仔只不過係唸住行開幾日, 好似 ...

你錯喇!

仔用緊拖延戰術, 因為佢爸爸差唔多時候返到屋企喇

媽：你激得我好嬲，我唔要你咯！
仔：哦....
媽：我都話唔要你咯，仲坐喺度？
仔：哦...(起身開門，之後又坐底)
媽：你開咗門做乜坐低？
仔：你唔要我，我咪開門等你走咯！
媽：....

有乜嘢好笑過唐英話個地庫係裝修工人掘嚟放雜物咖嘅?

各位村屋居民, 好睇吓自己間屋有冇多咗個地庫嘞.

比得大帝 發表於 2012-2-16 16:00
有乜嘢好笑過唐英話個地庫係裝修工人掘嚟放雜物咖嘅?

各位村屋居民, 好睇吓自己間屋有冇多咗個地庫嘞. ...

Peter 呀 ~

正心、修身、齊家、治國、平天下

家事、國事、天下事, 事事關心嘛

所以要講下家庭趣事, 唔愛家, 點愛國呀,  ha ha

Karine 發表於 2012-2-16 09:42
Peter 呀 ~

正心、修身、齊家、治國、平天下

冇人講開頭，冧唔起。
見到ACMC講母子之間，又冧起。

比得大帝 發表於 2012-2-16 16:00
有乜嘢好笑過唐英話個地庫係裝修工人掘嚟放雜物咖嘅?

各位村屋居民, 好睇吓自己間屋有冇多咗個地庫嘞. ...

話時話, 究竟港人治港 50年, 你話好定唔好呢 ?

坦白講, 見到董生, 曾生, 唐先或梁生, 我寧願佢簽多50年比英國

好矛盾