邊度訂花ok?

想情人節訂花, 但係唔想太貴( < $600 )
你地有冇試過訂過ok的花店?

我上網搵左2間, 但唔知好唔好
http://www.sunshineflorist.hk/
http://www.kamiflorist.com.hk/

如果大家有經驗, share一下呀~><

灣仔駱克道街巿。

八王爺 發表於 2012-2-1 12:04
灣仔駱克道街巿。

王爺, 街市會唔會冇得送貨架?
我想送上office呀

灣仔咁唔方便, 我放工去到最快都要7點半
如果要親自訂就唔得la

八王爺  母忘我花藝坊 2507 4589 灣仔 - 駱克道街市  發表於 1 小時前

打過去問, 求其一扎12支玫瑰都要7舊水連送貨
好那利

今次我睇800都走唔甩啦.......

比得大帝  送盆紫羅蘭, 十字花兩佰蚊有得傾, 又靚, 又可以有排玩  發表於 23 分鐘前

講真, 花就一定要有
上年佢話唔駛送, 我就冇買(同埋果日買親都要成扎, 盛惠1000大洋)
結果條街上面十個女仔八個有扎花響手, 然後佢喊到7彩, 因為佢一支都冇

你話送盆花比佢, 講真一般av又唔係靚, 同埋又唔可以好似人地有扎花咁捧住
結果咪仲慘

今年佢眼見成日都有人識的人話要結婚, 要影婚紗相, 響度show off
我估計, 2月14佢地都會有花show off, 如果她冇花就點都會有點酸溜溜
我覺得送番扎上佢公司擋下先其實都幾需要

但事實係冇800都落唔到樓, 平果d你又唔敢買
我覺得呢個世界都變態ge

網上花店都坐底8舊
所以我決定聽日放工去花墟行下, 800又好1000又好, 起碼我睇得到咩質素
當比人打劫冇咁辛苦

無男友,無花收@_@
但如果有人送,我情願收盆栽,最好大大盆紅玫瑰,重要幫我拎返屋企種落地,口水+_+

你摺花都得,無時間找人摺喇。
應該無咁貴又有特式。

gunbuster363 發表於 2012-2-1 15:07
比得大帝  送盆紫羅蘭, 十字花兩佰蚊有得傾, 又靚, 又可以有排玩  發表於 23 分鐘前

講真, 花就一定要有

真係慘, 個世界係變態嘅.  我相信你深深感受到人在江湖, 身不由己的道理.

我都係送過一次花咁大把, 果次係送咗100支玫瑰到我老婆公司, 送花果個唔係有意定無意, 拎住果直徑兩尺幾嘅嘢逐個部門去搵人.  老婆high到不得了, 原來女人收花係好開心嘅.

不過佢要求下次一係唔好送, 一送就要送得轟動過果次嘅.  所以我決定咗以後唔送.

提意你去花墟睇吓, 都有送貨的, 應該平過花店 1/3 至 1/2.  我果次都係响花墟訂的.

比得大帝 發表於 2012-2-1 15:26
真係慘, 個世界係變態嘅.  我相信你深深感受到人在江湖, 身不由己的道理.

我都係送過一次花咁大把, 果次 ...

唔知花墟其他花店賣幾錢
不過繽紛個網上catalogue就坐底盛惠1080夠晒好意頭(對間鋪頭好意頭)
同場加映1180, 1480等等其他選擇

gunbuster363 發表於 2012-2-1 15:30
唔知花墟其他花店賣幾錢
不過繽紛個網上catalogue就坐底盛惠1080夠晒好意頭(對間鋪頭好意頭)
同場加映118 ...

我買果時係好多年前, 不過記得繽紛係貴過人, 我係幫襯街尾果幾檔專賣鮮花的.

比得大帝 發表於 2012-2-1 08:34
我買果時係好多年前, 不過記得繽紛係貴過人, 我係幫襯街尾果幾檔專賣鮮花的. ...

大帝，你果時喺N年前喇。
依家間間都咁貴架！有錢唔識賺咩。

送貨間間都搵速遞架，邊有花店自己有人手送晒全香港各區？

千五蚊一扎都可以見下人既

好彩我乞兒仔不在香港。看見時下的男仔真慘................

換著我都係鍾意收盆裁多啲,一束束都唔擺得耐,落泥種長睇長有..
如果真係要送,一係唔送,一送就要送到全公司都知. 一千幾百最多只有人有我有既效果,最後又係同街外人比較,好難話靚得晒所有人既花. 最後年年送一束,變左例行公事,錢洗左好似無洗咁,好唔抵.
睇果兩個網,11支同99支都差唔到9倍錢,計性價比99支著數啲,最多搵多幾間格下價. 你女朋友似好女仔吖,舊年佢本來都話唔洗,只係行出街見人地有自己又羨慕嗟. 豪一次99支,以後都唔恨人地11支. 兩口子關係密切,佢都唔想你年年咁買啦,分分鐘以後送1支心意就夠. 有心有力有資源留番去建立第二啲回憶.

收花係人有我有.  收到花不出為奇.

但人有我冇, 對女孩子來說實在太難受, 所以男生們只可在其他地方節省一下好了.

花墟既花我都收過...係bun記入面已經包好最貴果札...成札睇當然係靚無得頂啦, 番到屋企拆開札花想放落花樽果時就真係心痛到死.....一大札花有本事全部掉落黎, 掉淨番d襯花乍........, 所以呢, 奉勸你買果時成札花倒轉睇下有無花掉落黎.....同埋佢地加左好多野上去令佢大札d同令佢穩固d乍...

土豆貓 發表於 2012-2-2 04:25
花墟既花我都收過...係bun記入面已經包好最貴果札...成札睇當然係靚無得頂啦, 番到屋企拆開札花想放落花樽 ...

咁得人驚？全部掉晒！

八王爺 發表於 2012-2-2 12:01
咁得人驚？全部掉晒！

係呀, 因為D玫瑰佢地通常每朵都有野包住, 仲有D3寸大既兔仔花又有野包住做承托, 拆開既時候就跌晒出黎.....淨番襯果D吳值錢既花仲係度.....

其實所謂值錢係有D花既進口地方吳同姐....