出售棉線吸水花盆（三色可選）（完）

有2位花友仲未回覆
如果聽日11點都未覆嘅話就取消訂單，真係唔好意思
暫時分配如下，可能會再有變動
如果有問題可以留言/pm我
nicopoon：未覆
pekkleking：綠x6
小野貓：綠x4, 橙x1, 黃x1
yeahyeah：綠x2, 橙x2
土豆貓：未覆
meowmeow2011：綠x9
squarehead：黃x2, 橙x3, 綠x10

tsoiyiu1009, N-Blythe, cheonghenry：
已經冇晒貨，所以比唔到你地啦，唔好意思

顏色冇所謂,我都想要10--15個,請call我,謝謝

對不起,因為是新手,所以一直在等樓主電話,唔識用其他方法聯絡,如果重有貨任可顏色都ok,想要15個,如不夠貨10個都可以,唔該哂!!!!!我手機90224919............

仲有冇，我想買3個，顏色隨緣。thanks

請各位買家睇下分配名單有冇問題：
nicopoon：綠x10
pekkleking：綠x6
小野貓：綠x4, 橙x1, 黃x1
yeahyeah：綠x2, 橙x2
土豆貓：取消
meowmeow2011：綠x9
squarehead：黃x2, 橙x3
如果需要改動嘅可以留言/pm我，thx

fnv234 發表於 2011-12-26 19:14
請各位買家睇下分配名單有冇問題：
nicopoon：綠x10
pekkleking：綠x6

我冇問題,請安排交收,唔該哂......

yeahyeah：綠x2, 橙x2
OK, 無問題, 請PM帳號, TKS

請問仲有冇貨呀?
我想要3個
仲有咩色呢?

已經賣晒啦

ok, 如何交收~~~

對啊..正想問如何交收...還是你想訂一個日期出來大家一起來..若來不到的另訂日期呢?

fnv234版主所講缺貨一事如果係全屬事實,因其個人失誤而令我買唔到原先應得數量,
咁我只可以講句無奈接受.
請fnv234版主安排交收.

squarehead 發表於 2011-12-30 17:37
fnv234版主所講缺貨一事如果係全屬事實,因其個人失誤而令我買唔到原先應得數量,
咁我只可以講句無奈接 ...

我想取消呢單交易

出售前應該check清楚真實數量就唔會攪成咁!

請問是否未能交收住?????

fnv234 發表於 2011-12-30 18:49
我想取消呢單交易

本人強烈反對fnv234版主無理取消是次交易,並要求版主作出合理解釋！！！

squarehead 發表於 2012-1-3 02:58
本人強烈反對fnv234版主無理取消是次交易,並要求版主作出合理解釋！！！ ...

因為這次交易不能滿足閣下的要求
亦不想勉強進行交易
所以決定取消

fnv234 發表於 2012-1-3 18:45
因為這次交易不能滿足閣下的要求
亦不想勉強進行交易
所以決定取消

事情發展至此,請容我借這地方說幾句心底話,
由於要外出工作,請稍等.........亦請版主先行與其他花友交收.

今日交收左, 唔該BILLY

fnv234 發表於 2012-1-3 18:45
因為這次交易不能滿足閣下的要求
亦不想勉強進行交易
所以決定取消

買不到花盆無損我開心種花的心情，就讓我平和的多講幾句。

翻睇左呢個帖幾次，都搵唔到自己有任何地方犯左規。
可能係因為一句說話，一句指出事實上已經發生左係有人犯了錯誤既說話，
一句唔鍾意聽既說話，fnv234版主就從與眾花友既交易中選擇性取消左與我既交易。

若然不知底蘊，祇看呢句「因為這次交易不能滿足閣下的要求  亦不想勉強進行交易  所以決定取消」的話，
很容易被誤導以為細佬係一個橫蠻無理既刁客，
當由頭到尾睇晒整個帖的話，明眼人都知此手法乃思想幼嫩既人以飾非掩過、混淆視聽、推卸責任意圖矇混過關既技倆。

難道跟園藝館版主買幾個花盆也要簽買賣合約才可受到保障???就是為了一句不高興聽到的說話，
在完全睇唔到有任何理據支持下，fnv234版主竟然取消了一宗經買賣雙方同意，
到最後買方仍然堅持要完成的交易，版主的威武由此可見。
《孟子‧公孫丑上》：「以力服人者，非心服也，力不贍也；以德服人者，中心悅而誠服也，如七十子之服孔子也。」
細佬雖然得小學程度，見識淺，思維領域又異常狹窄，都明白古人說話既含義。

「因為這次交易不能滿足閣下的要求  亦不想勉強進行交易  所以決定取消」，由於fnv234版主的過失搞到唔夠貨畀因而不能滿足細佬要求的話，
交易繼續與否選擇權在我而非閣下，既然對分配花盆的數量已經接受，我唯一要求就是要買賣雙方履行責任進行交收，
到最後更強烈反對閣下將交易取消，請問fnv234版主，除了交收，閣下還有甚麼可以滿足細佬呢？？？

我說無奈，是因為我認為園藝館管理階層必定循規蹈矩，以禮待人，以身作則，是可信任的，
歎以理解一位在出售版有豐富銷售經驗的版主出售物品，公然可以在沒有貨物的情形下憑幾張照片就登廣告賣貨，
所出售的物品顏色與數量是寫得如何的明確；
我說無奈，是因為發生問題後，fnv234身為版主沒有詳細交代供應商缺貨原因；
我說無奈，是因為fnv234身為版主沒有盡一切努力如另覓貨源使交易能夠完成；
我說無奈，是因為fnv234身為版主沒有誠懇地向受事件影響的花友道歉；
我說無奈，是因為fnv234身為版主沒有作出承諾，保證以後不會讓同類事件發生，
出售帖上唯一能保障自己的條款隻字不提，就連排第一位花友的柯打也可以忽略的話，
fnv234版主辦事是何等的甩漏，可見一斑。
做得好係你當版主嘅本位，做得唔好就要反省兼道歉，有過不改繼續犯錯應要問責，
連一個普通賣家既基本操守都欠奉，自己理虧仲要強行取消交易，要教教細佬如何能心悅誠服勒！
作為園藝館管理階層竟然連一句指出犯了過失的說話也容不下的話，遑論會持公平、公正、不偏、不倚的態度管理版務！！！

由於細佬熱愛香港園藝館，支持香港園藝館，祇要有空便會跑進這大花園到處遊玩，
對園藝館也有要求，覺得有需要時會建議館主加設一些新的園地，好讓花友們多作交流研討；
當必須時會要求館主作出果斷措施，杜絕別有用心的人做出傷害園藝館花友的事，
那麼，我想在這裡請問尊敬的園藝館館主MINMIN閣下，
您會以「因為本園藝館不能滿足閣下的要求，亦不想勉強進行瀏覽，所以決定取消閣下的帳號。」回應嗎?

版主唔賣花盆畀我我斗零也沒有損失，為了五個花盆，fnv234在網際間曝露了自己是一個怎麼樣的版主，值得嗎？

就是次爭議事件，本人已向園藝館管理處作出投訴。